សំបកស៊ុតគឺជាប្រភពជាតិរ៉ែពីធម្មជាតិមួយ។
សំបកស៊ុតមានកាល់ស្យូមប្រហែលជា៩០% ដែលរាងកាយរបស់យើងងាយនឹងស្រូបបឺតយកខ្លាំងណាស់ ព្រោះវាមានសមាសធាតុគីមីដូចឆ្អឹងនិងធ្មេញរបស់យើងដែរ។ បើយើងញ៉ាំវាបានសមស្រប កាល់ស្យូមដែលទទួលបានពីសំបកស៊ុតអាចបង្ការជំងឺពុកឆ្អឹងបាន ហើយវាក៏ភ្ញោចការបង្កើតគោលិកាឈាម និងចាត់ចែងសម្ពាធឈាមអាកទែរ និងអត្រាកូលេស្តេរ៉ុល ថែមទៀតផង។
សំបកស៊ុតក៏សម្បូរទៅដោយជាតិដែក សង្កសី ទង់ដែង ម៉ង់កាណែស ភ្លុយអ៊័រ ផូស្វ័រ ក្រូម និងម៉ូលីបដែន ផងដែរ។
ការញ៉ាំសំបកស៊ុតត្រឹមតែ១.៥ទៅ៣ក្រក្នុង១ថ្ងៃ អាចទទួលបានគ្រប់ជាតិកាល់ស្យូមដែលរាងកាយត្រូវការបាន។
ខាងក្រោមនេះគឺជារបៀបប្រើសំបកស៊ុតមួយចំនួន។
១- ដើម្បីពង្រឹងរាងកាយ និងលាងសម្អាតឈាម
លាងសម្អាតសំបកស៊ុត៥ វាយបំបែកកិនឱ្យម៉ត់ ដាក់ចូលទៅក្នុងទឹក៣លីត្រ រួចយកទៅទុកនៅក្នុងទូទឹកកកឱ្យបាន៧ថ្ងៃ។
ផឹកទឹកនេះ ២ទៅ៣កែវក្នុង១ថ្ងៃ។ អាចថែមទឹកក្រូចឆ្មារបន្តិចក៏បាន។
២- ដើម្បីភ្ញោចក្រពេញទីរ៉ូអ៊ីត
លាងសម្អាតសំបកស៊ុត៨ វាយកិនបំបែកឱ្យម៉ត់។ ច្របាច់ក្រូចឆ្មារ២ផ្លែ យកទឹកក្រូចឆ្មារទៅចាក់ពីលើកំទេចស៊ុត រួចយកទៅទុកក្នុងទូទឹកកក២ទៅ៣ថ្ងៃ។ បន្ទាប់មកសម្រិតទឹកចេញ រួចចាក់ស្រារ៉ាគី(៥០%) ចូល។ ទុកល្បាយនេះនៅក្នុងទូទឹកកក៧ថ្ងៃ។ ផឹកល្បាយនេះ២ទៅ៤ស្លាបព្រាកាហ្វេក្នុង១ថ្ងៃ ក្រោយបាយរួច។
៣- ដើម្បីព្យាបាលរលាកនិងដំបៅក្រពះ
កិនកំទេចសំបកស៊ុត រួចឆ្កឹះយកមួយចុងកាំបិត យកមកលាយនឹងទឹកក្រូចឆ្មារ២ស្លាបព្រាកាហ្វេ និងទឹកដោះគោក្តៅ១ដេស៊ីលីត្រ។ ផឹកថ្នាំនេះ២ដងក្នុង១ថ្ងៃ នៅពេលព្រឹកព្រលឹម និងមុនចូលគេង។
