តើអ្នកមានបានដឹងទេថា ទ្រង់ទ្រាយច្រមុះរបស់អ្នកអាចធ្វើឱ្យអ្នកដទៃគេអាចទស្សន៍ទាយអំពីអត្តចរិតរបស់អ្នកបាន?
ពួកអ្នកវិទ្យាសាស្ត្របានធ្វើការសិក្សាលើទម្រង់ច្រមុះរបស់មនុស្សជាច្រើននាក់ ហើយបានសង្កេតឃើញថាទម្រង់នីមួយៗសុទ្ធតែទាក់ទងទៅនឹងស្ថានភាពខាងផ្លូវអារម្មណ៍និងផ្លូវចិត្តមួយជាក់លាក់ ដែលជាកត្តាកំណត់អត្តចរិតរបស់មនុស្ស។
បើតាមការសិក្សាដែលបានចុះផ្សាយនៅក្នុងព្រឹត្តិប័ត្រ Journal of Craniofacial Surgery មានទម្រង់ច្រមុះទាំងអស់១៤បែប ក៏ប៉ុន្តែទម្រង់ដែលសម្បូរជាងគេមានតែ៧ទេ គឺច្រមុះតូច ធំ ខ្លី វែង រ៉ូម៉ាំង ក្រិក ង និងខុប។
សូមសាកល្បងពិនិត្យទម្រង់ច្រមុះរបស់អ្នកលមើល ហើយតើវាត្រូវនឹងអត្តចរិតរបស់អ្នកដែរឬទេ0x017d7
សមាសភាគ៤យ៉ាងរបស់ច្រមុះ និងខ្លឹមសារ
ខ្ទង់ច្រមុះ(dorsum) គឺខ្សែដែលតភ្ជាប់គល់ច្រមុះ(racine)ទៅចុងច្រមុះ(pointe)
សន្ទះខ័ណ្ឌរន្ធច្រមុះ(septum)
រន្ធច្រមុះ(narines)
ស្លាបច្រមុះ(ailes) គឺសាច់នៅចំហៀងច្រមុះ។១- ចុងច្រមុះជាតំណាងលុយកាក់៖ អ្នកដែលមានចុងច្រមុះធំនិងរាងធ្លាក់បន្តិចពូកែគ្រប់គ្រងលុយកាក់ណាស់ ចំណែកឯអ្នកដែលមានចុងច្រមុះតូចឬស្រួច និងងើយបន្តិចច្រើនតែមិនសូវខ្វល់នឹងរឿងលុយកាក់ទេ។
២- ឆ្នូតនៅលើចុងច្រមុះ៖ អ្នកដែលមានឆ្នូតនៅលើចុងច្រមុះច្រើនតែខ្លាចការសន្យា។
៣- រន្ធច្រមុះធំ៖ អ្នកដែលមានរន្ធច្រមុះធំច្រើនតែជាអ្នកចាយធំដែរ។
៤- រាងរបស់ស្លាប៖ អ្នកដែលមានស្លាបច្រមុះក្រាស់ច្រើនតែជាមនុស្សដែលគិតគូរគ្រួសារខ្លាំង ចំណែកឯអ្នកដែកមានស្លាបស្តើងមិនសូវចេះខ្វល់ពីបញ្ហាសង្គមទេ។
អត្តចរិតតាមទម្រង់ច្រមុះមួយចំនួន
១- ច្រមុះធំ
គេងាយនឹងមើលស្គាល់ច្រមុះធំណាស់ គឺវាធំឥតមានសមគ្នាទៅនឹងផ្នែកឯទៀតនៃមុខបន្តិចណាទេ។ ចុងច្រមុះក៏ធំ រន្ធច្រមុះក៏ធំៗ សន្ទះអាចខ្លីឬវែង។
ច្រមុះធំបញ្ជាក់អំពីភាពជាអ្នកដឹកនៃ និងមហិច្ឆតា។ អ្នកដែលមានច្រមុះធំច្រើនចូលចិត្តធ្វើអ្វីៗដើម្បីខ្លួនឯង។ គេមានទំនុកចិត្តនិងការជឿជាក់លើខ្លួនគេខ្លាំងណាស់។ គេក៏ចូលចិត្តប្រណិតភាពផងដែរ ហើយច្រើនមានវេទនារម្មណ៍ខ្លាំង។
២- ច្រមុះតូច
ដែលហៅថាច្រមុះតូច គឺច្រមុះដែលខ្លីទាំងបណ្តោយ ខ្លីទាំងទទឹង។
អ្នកដែលមានច្រមុះតូចច្រើនមានបុគ្គលិកលក្ខណៈល្អ រួសរាយ សប្បាយ ហើយមានវេទយិតបន្តិច។ គេច្រើនមានគំនិតផ្តួចផ្តើមល្អៗ ហើយចូលចិត្តការសប្បាយ។ គេក៏ចូលចិត្តផងដែរនៅក្នុងការធ្វើការងារជាក្រុម ត្រៀមខ្លួនជានិច្ចនឹងជួយអ្នកដទៃ និងច្រើនតែជាអ្នកដឹកនាំគេ។
៣- ច្រមុះវែង
នេះគឺច្រមុះរបស់អ្នកដែលមានអត្តចរិតរឹងមាំភាគច្រើន។ គេចូលចិត្តធ្វើដំណើរ លេងកីឡា និងការធ្វើសកម្មភាព។ ដោយសារគេមានថាមពល គេត្រូវការធ្វើសកម្មភាពនៅក្នុងជីវិតរបស់គេ និងត្រូវការសេរីភាព។ គឺជាមនុស្សសកម្ម ដែលចង់តែសម្រេចកិច្ចការឱ្យបានឆាប់រហ័ស។ គេក៏មានអព្ភន្តញាណពូកែផងដែរ ដោយហេតុនេះគេច្រើនតែជាអ្នកពូកែរកស៊ី និងជាមេគេ។
៤- ច្រមុះខ្លី
អ្នកដែលមានច្រមុះខ្លីជាមនុស្សដែលមានវេទយិតខ្ពស់ ស្មោះត្រង់ រួសរាយរាក់ទាក់ និងរីករាយ។ អ្នកមានច្រមុះខ្លីភាគច្រើនៗតែមិនសូវនិយាយស្តី រាងគិតពីខ្លួនឯងបន្តិច ក៏ប៉ុន្តែមិនខ្លាចនឹងធ្វើអ្វីៗដើម្បីអ្នកដទៃទេ។
៥- ច្រមុះក្រិក
មនុស្សភាគច្រើនចាត់ទុកទម្រង់ច្រមុះនេះថាល្អជាងគេ។ ច្រមុះត្រង់ ចុងរាងវែងបន្តិច និងរន្ធតូច នេះគឺជាលក្ខណៈរបស់អ្នកដែលមានថាមពលវិជ្ជមាន ឆ្លាត មានសមានចិត្ត មានសមត្ថភាព តែរាងមានមនោសញ្ចេតនាបន្តិច។ គេច្រើនមានវិន័យល្អ ហើយច្រើនតែជាអ្នកដឹកនាំគេ។
៦- ច្រមុះរ៉ូម៉ាំង
គេហៅច្រមុះនេះដូច្នេះដោយសារតែពួកវិចិត្រកររ៉ូម៉ាំងច្រើនតែគូររូបមនុស្សមានច្រមុះបែបនេះ។ វារាងធ្លាក់ចុះបន្តិច តែមានទ្រនុងកោងច្បាស់។ ម្ចាស់ក្សត្រីក្លេអូប៉ាត ឌីយ៉ាណា និងម៉ាហ្គារ៉េតមានច្រមុះបែបនេះ។ អ្នកមានច្រមុះនេះច្រើនតែជាមនុស្សក្លាហាន គួរឱ្យគោរពស្រលាញ់ មានអំណាច និងមានការ ប្តេជ្ញាចិត្តម៉ឺងម៉ាត់។
៧- ច្រមុះខុប
គេហៅម្យ៉ាងទៀតថាច្រមុះខ្លែងឬស្ទាំង។ អ្នកដែលមានច្រមុះខុបច្រើនតែជាមនុស្សឯករាជ មានគេគោរពស្រលាញ់ច្រើន និងរំភើប។ គេគិតគ្រួសារនិងមិត្តភក្តិច្រើន។ គេច្រើនតែមានរបៀបរៀបរយល្អ មានមហិច្ឆតា និងមានផលិតភាព។ គេអាចជាអ្នកដឹកនាំធំៗ ហើយមិនដែលធ្វើការសម្រេចចិត្តមុននឹងបានធ្វើការវិភាគល្អិតល្អន់ នោះទេ។
៨- ច្រមុះខើច(retroussé)
ច្រមុះខើចជាសញ្ញានៃសុទិដ្ឋិនិយម។ អ្នកដែលមានច្រមុះខើចច្រើនតែជាមនុស្សគួរឱ្យចូលចិត្តដែលមានភាពវិជ្ជមាន។ គេក៏គិតគ្រួសារនិងមិត្តភក្តិណាស់ដែរ តែរាងប្រយ័ត្នប្រយ៉ែងបន្តិច។
៩- ច្រមុះនុយប៊ីយាង(nubien)
ច្រមុះនេះមានរន្ធធំៗ និងខ្ទង់សំប៉ែត។ អ្នកមានច្រមុះនេះច្រើនតែជាអ្នកមានគំនិតផ្តួចផ្តើមល្អ គួរឱ្យគោរពស្រលាញ់ និងមានចិត្តបើកចំហ។
១០-ច្រមុះពៀច(camus)
ច្រមុះពៀចមានរាងមូល តូច និងចុងខើចឡើងបន្តិច។ អ្នកដែលមានច្រមុះពៀចច្រើនមានគំនិតផ្តួច ផ្តើមល្អ មានស្មារតីក្រុម និងឆាប់យល់ដឹង។ ពួកគេច្រើនអនុវត្តទៅតាមសភាវគតិរបស់គេ ហើយមានផលិតភាពណាស់។ គេស្មោះត្រង់នឹងគ្រួសារខ្លាំងណាស់
