តាមការស្រាវជ្រាវបានឲ្យដឹងថា ការបន្ថែមនូវអាហារសមុទ្រកាន់តែច្រើនទៅក្នុងរបបអាហារអាចជួយដល់ជីវិតផ្លូវភេទ និងលទ្ធភាពនៃការមានកូនរបស់ពួកគេបានទៀតផង។ ប៉ុន្តែការសិក្សានៅតែមិនអាចអះអាងទៅលើមូលហេតុ និងឥទ្ធិពលរបស់វាបានទេ។ ប្តីប្រពន្ធដែលញ៉ាំត្រីកាន់តែច្រើនក្នុងមួយសប្តាហ៍ៗទំនងជាងាយនឹងមានកូនណាស់ក្នុងរយៈបេលសិក្សាមួយឆ្នាំ។
ការសិក្សាបានណែណាំថា អាហារសមុទ្រអាចមានប្រយោជន៍ច្រើនចំពោះប្រដាប់បន្តពូជដូចជា ធ្វើឲ្យឆាប់មានផ្ទៃពោះ និងមានសកម្មភាពផ្លូវភេទកាន់តែច្រើនទៀតផង។ ការសិក្សានេះបានតាមដានទៅលើប្តីប្រពន្ធ ៥០០គូរក្នុងតំបន់ Michigan និង Texas រយៈពេលមួយឆ្នាំ។ ប្តីប្រពន្ធទាំងអស់កំពុងតែរៀបគម្រោងមានផ្ទៃពោះ ហើយក៏បានតាមដានចំនួនអាហារសមុទ្រដែលពួកគេបានញ៉ាំ និងកត់ត្រាជាប្រាំថ្ងៃទៅលើសកម្មភាពផ្លូវភេទពួកគេដែរ។
ការស្រាវជ្រាវបានបង្ហាញថា ប្តីប្រពន្ធដែលញ៉ាំអាហារសមុទ្រច្រើនជាងពីរដងក្នុងមួយសប្តាហ៍មានការរួមភេតញឹកញាប់ ឬច្រើនជាងប្តីប្រពន្ធដែលញ៉ាំត្រីតិចជាងនេះ ២២ភាគរយដែរ។ ជាមួយគ្នានេះដែរ ៩២ភាគរយនៃប្តីប្រពន្ធដែលបានញ៉ាំអាហារសមុទ្រច្រើនជាងពិរដងក្នុងមួយសប្តាហ៍កំពុងតែរំពឹងថាមានកូនមួយនៅចុងបញ្ចប់នៃការសិក្សា។
អ្នកស្រាវជ្រាវបានកត់ចំណាំថា ទំនាក់ទំនងរវាងការញ៉ាំអាហារសមុទ្រ និងការមានផ្ទៃពោះមិនអាចពន្យល់បានឡើយថាហេតុអ្វីបានជាមានការរួមភេទញឹកញាប់បែបនេះចំពោះប្តីប្រពន្ធ។ រឿងនេះអាចនិយាយបានថា ការញ៉ាំអាហារសមុទ្រអាចជម្រុញដល់គុណភាពទឹកកាម ការជ្រុះអូវ៉ុល ឬគុណភាពរបស់អ៊ំប្រ៊ីយ៉ុង។
ត្រីសម្បូរទៅដោយប្រូតេអ៊ីន និងជីវជាតិផ្សេងៗទៀតដែលមានប្រយោជន៍សម្រាប់ស្រ្តីមានផ្ទៃពោះ និងអ្នកដែលកំពុងតែព្យាយាមមានផ្ទៃពោះ ប៉ុន្តែស្រ្តីដែលត្រៀមខ្លួនជាម្តាយនោះគួរតែកាត់បន្ថយការញ៉ាំវាដែរ ដោយសារតែជាតិបារតក្នុងត្រីសមុទ្រមានច្រើន។ ប៉ុន្តែអាហារសមុទ្រដែលមានជាតិបារ៉តតិចនោះមានដូចជា ត្រីសាលម៉ុង និងធូណា៕