ការហាត់ប្រាណមិនមែនសុទ្ធតែមានមនុស្សគ្រប់គ្នាចូលចិត្តនោះទេ ប៉ុន្តែការញ៉ាំស្រាវិញអាចជារឿងនាំឱ្យពួកគេរីករាយជាង។ ឥឡូវនេះ មានដំណឹងល្អមួយចំពោះអ្នកនិយមញ៉ាំស្រាក្រហម។ យោងទៅតាមការសិក្សាមួយបានឱ្យដឹងថា ស្រាក្រហមមួយកែវអាចមានប្រយោជន៍ដូចគ្នានឹងការហាត់ប្រាណមួយម៉ោងដែរ។
តាមការស្រាវជ្រាវដែលធ្វើឡើងដោយសាកលវិទ្យាល័យ Alberta ប្រទេសកាណាដា បានរកឃើញថា សារធាតុក្នុងស្រាក្រហមដែលមានឈ្មោះថា Resveratrol អាចផ្តល់ជាអត្ថប្រយោជន៍ស្រដៀងគ្នានឹងការហាត់ប្រាណរយៈពេលមួយម៉ោងដែរ។ គ្រាន់តែការញ៉ាំគ្រឿងស្រវឹងមួយកែវ ការហាត់ប្រាណ ការពង្រឹងសាច់ដុំ និងមុខងារបេះដូងដើរបានល្អអាចនឹងទទួលបានទៅហើយ។
តើនរណាខ្លះនឹងទទួលបានប្រយោជន៍នេះទៅ0x017d7
ការសិក្សាមួយដែលចុះផ្សាយក្នុងសារព័ត៌មាន Journal of Physiology បានរកឃើញថា សារធាតុ Resveratrol អាចជំរុញដល់ការហ្វឹកហាត់របស់អ្នកបាន។ បើសិនជាអ្នកជាមនុស្សមិនមានសមត្ថភាពខាងរាងកាយដើម្បីទៅហាត់ប្រាណ ឬមិនចង់ហាត់នោះ អ្នកក៏អាចជ្រើសរើសការញ៉ាំស្រាក្រហមជំនួសវិញក៏បានដែរ ហើយក៏មិនបាច់យល់ថាមានកំហុសចំពោះសុខភាពឡើយ។ យោងទៅតាមអ្នកស្រាវជ្រាវចំពោះការសិក្សានេះ លោក Jason Dyck បានឱ្យដឹងថា ការញ៉ាំស្រាក្រហមមួយកែវដែលផ្ទុកទៅដោយសារធាតុ Resveratrol ខ្ពស់អាចផ្តល់ជាប្រយោជន៍ច្រើនដូចកាលអ្នកទៅហាត់ប្រាណអីចឹងដែរ។
អ្នកជំងឺដែលអាចហាត់ប្រាណបាន គាត់ពិតជាអាចញ៉ាំស្រាបានធម្មតាៗរាល់ថ្ងៃហើយដើម្បីទទួលបានប្រយោជន៍ដែលពួកគេចង់បាន។ រឿងនេះក៏មានប្រយោជន៍ណាស់ដែរចំពោះអ្នកដែលរវល់ការងារច្រើន ធ្វើការឆាប់ហត់ ឬខ្ជិលតែម្តង។
មានរឿងពីរយ៉ាងដែលអ្នកគួរតែចាំក្នុងចិត្តជានិច្ច៖
មានតែស្រាក្រហមប៉ុណ្ណោះដែលអាចជឿជាក់បាន
បើសិនជាអ្នកជាមនុស្សនិយមញ៉ាំស្រាសវិញ វាពិតជាអាចទទួលយកបានឡើយ ហើយក៏មិនអាចមានប្រយោជន៍ដូចការហាត់ប្រាណដែរ។ តាមពិត គ្រឿងស្រវឹងផ្សេងៗទៀតគឺមិនត្រូវបានគេរាប់បញ្ចូលក្នុងការសិក្សានេះឡើយ ដូច្នេះមិនត្រូវមានការភ្ញាក់ផ្អើលពេក និងចាប់ផ្តើមញ៉ាំអ្វីដែលក្រៅពីការបកស្រាយខាងលើនេះដែរ។
ការសិក្សានេះគ្រាន់តែណែនាំឱ្យញ៉ាំស្រាក្រហមតែមួយកែវប៉ុណ្ណោះ
អ្នកខ្លះប្រហែលជាគិតថា បើសិនជាគេញ៉ាំស្រាក្រហមម្តងឱ្យអស់ពីដបតែម្តងនោះ វាពិតជាមានប្រយោជន៍ច្រើន ឬអាចស្មើនឹងការហាត់ប្រាណច្រើនដងឯណោះ។ ប៉ុន្តែការលេងផ្លូវកាត់បែបនេះពិតជារឿងមួយខុសទាំងស្រុងហើយ។ តាមពិត ការសិក្សាចង់ឱ្យអ្នកញ៉ាំស្រាក្រហមតែមួយកែវប៉ុណ្ណោះក្នុងមួយថ្ងៃ និងជារៀងរាល់ថ្ងៃ។ ផ្ទុយទៅវិញ បើអ្នកបន្ថែមលើសចំនួនមួយនេះចាប់ពី ២កែវឡើងទៅ វាពិតជានឹងមិនផ្តល់អ្វីជាប្រយោជន៍ដល់អ្នកក្រៅពីឡើងកាឡូរីនោះទេ។
ដូច្នេះអ្វីដែលអ្នកគួរតែយកចិត្តទុកដាក់បំផុតនោះគឺធ្វើយ៉ាងណាកុំឱ្យហួសដែនកំណត់ ដោយញ៉ាំស្រាក្រហមតែមួយកែវប៉ុណ្ណោះក្នុងមួយថ្ងៃទើបអាចពង្រឹងដល់ភាពរឹងមាំខាងរាងកាយបាន។