Join with Health.com.kh on Telegram

​កាល​ពី​ម្សិលមិញ​យើងខ្ញុំ​បាន​ប្រាប់​អ្នក​ពី​វិធី​នៃ​ការធ្វើ​ឲ្យ​អ្នក​មាន​ការចងចាំ​ល្អ ប៉ុន្តែ​ទោះ​បើ​អ្នកដឹង​ពី​វិធី​ទាំងនោះ​ក៏​ដោយ បើ​អ្នក​មិនដឹង​ពី​មូលហេតុ​ដែល​ធ្វើឲ្យ​វា​ខ្សោយ ខួរក្បាល​អ្នក​គឺ​នៅតែ​ខ្សោយ​ដូចគ្នា ដូចនេះ​ខាងក្រោម​នេះ​យើងខ្ញុំ​នឹង​ប្រាប់​អ្នក​ពី​មូលហេតុ​ទាំងនេះ នោះ​បើ​អ្នក​កុំ​បន្ត​ប្រព្រឹត្ត ការចងចាំ​អ្នកនឹង​កាន់តែ​ប្រសើរ​ពីមួយថ្ងៃ​ទៅមួយថ្ងៃ​។​តើ​មាន​មូលហេតុ​អ្វី​ខ្លះ​ទៅ​?

  1. ​ការ​គេង​មិន​គ្រប់ ឬ​មនុស្ស​ដែល​មាន​ជំងឺ​គេង​មិន​លក់​សុទ្ធតែ​ជា​កត្តា​ដែល​ងាយ​ធ្វើឲ្យ​អ្នក​មាន​ការចង​ចាំខ្សោយ ព្រោះ​ខួរក្បាល​អ្នក​ពុំ​មាន​ពេលវេលា​សម្រាក​គ្រប់គ្រាន់ ជា​ហេតុ​ដែល​ធ្វើឲ្យ​វា​នឿយហត់ នោះ​ការចងចាំ​របស់​អ្នកនឹង​ខ្សោយ​ពីមួយថ្ងៃ​ទៅមួយថ្ងៃ​។​
  2. ​ការជក់បារី​ច្រើន​នឹង​ធ្វើឲ្យ​អ្នក​មាន​ការចង​ចាំខ្សោយ​ណាស់ ព្រោះ​ផ្សែង​បារី​ទាំងនោះ​នឹង​អាច​បំផ្លាញ​កោសិកា​ខួរក្បាល​អ្នក​អស់ ជា​ហេតុ​ដែល​ធ្វើឲ្យ​អ្នកភ្លេ​ចច្រើន​ដោយ​មិន​ដឹង​ខ្លួន​។​
  3. ​អ្នក​ដែល​ផឹកស្រារ​ច្រើន​នឹង​មាន​ការចងចាំ​មិនល្អ​ឡើយ ព្រោះ​ជាតិ​សុរា​ទាំងនេះ​មិន​ត្រឹមតែ​អាច​បំផ្លាញ​សុខភាព​អ្នក​ទេ ថែម​ទាំង​អាច​បំផ្លាញ​ខួរក្បាល​អ្នក​ទៀតផង​នៅពេល​ដែល​អ្នក​ផឹក​ច្រើន នោះ​អ្នកនឹង​សង្កេតឃើញ​ថា​អ្នក​មាន​ខួរក្បាល​ដែល​ខុស​ពី​អ្នក​ដទៃ ដោយ​គេ​អាច​ចង​ចាំ​បាន​គ្រប់យ៉ាង​បានល្អ​ណាស់ មិន​ងាយ​ភ្លេច​ទេ ប៉ុន្តែ​អ្នក​សូម្បី​តែ​រឿង​តូច​មួយ​ក៏​មិន​អាច​ចាំ​បាន​ល្អ​ដែរ នោះ​ការងារ​អ្នកនឹង​ចប់​ជា​មិនខានឡើយ ព្រោះ​អ្នក​គ្មាន​ខួរក្បាល​ល្អ​សម្រាប់​ធ្វើ​ការងារ​ទេ​។​
  4. ​ការ​រួមភេទ​ច្រើន​ក៏​ងាយ​ធ្វើឲ្យ​ខួរក្បាល​អ្នក​ចុះ​ខ្សោយ​ដែរ ដោយសារតែ​នៅពេល​ដែល​អ្នក​រួម​ភេទ វា​នឹង​នាំយក​កោសិកា​ដែល​ល្អៗ​ក្នុង​ខួរក្បាល​អ្នក​អស់ នោះ​ខួរក្បាល​អ្នកនឹង​កាន់តែ​ខ្សោយ​ទៅ​ពីមួយថ្ងៃ​ទៅមួយថ្ងៃ ដូចនេះ​អ្នក​មិន​ត្រូវ​រួម​ភេទ​ច្រើន​នោះ​ទេ​៕