Join with Health.com.kh on Telegram

​ជាធម្មតា​ទារក​កើត​មក​គឺ​មាន​ចរិត​ខុសៗ​គ្នា​ទោះ​ពួកគេ​កើត​ក្នុង​គ្រួសារ​តែ​មួយ​ក៏ដោយ​។​ជា​ទួទៅ​ដំណាក់កាល​ដែល​ទារក​ចាប់ផ្ដើម​លូតលាស់​និង​រៀន​យល់ដឹង​អំពី​សង្គម​នៅ​ជុំវិញ​ខ្លួន​គឺជា​ពេលវេលា​មួយ​ដែល​ពួក​ចាប់​បាន​លឿន​បំផុត​នៅក្នុង​មួយ​ជីវិត​របស់​ខ្លួន​។​ទារក​គឺ​អាច​រៀន​ពី​អ្នក​គ្រប់ពេលវេលា​។​អត្តចរិត​កិរិយាមាយាទ​របស់​ទារ​ក​អាច​វិវត្ត​ទៅ​ជា​ល្អ​ឬ​អាក្រក់​គឺ​អាស្រ័យ​ទៅ​នឹង​អ្នក​ដែល​រស់នៅ​ជុំវិញ​ពួកគេ​។​ដូច្នេះ​ដើម្បី​ឲ្យ​ទារក​ធំ​ឡើង​ក្លាយ​ជា​បុគ្គល​ល្អ​ម្នាក់​អ្នក​គួរ​យល់​ដឹង​ឲ្យបាន​ច្បាស់​អំពី​របៀប​នៃ​ការថែទាំ​ទារក​ឲ្យបាន​ខ្ជាប់ខ្ជួន​។​

  • ​អ្នក​ត្រូវ​ដឹងថា​កូន​របស់​អ្នក​គឺ​ត្រូវការ​ឱ្យ​អ្នក​ចិញ្ចឹម​ពួក​គេ​ជួយ​សម្រាល​ទុក្ខ​លំបាករ​បស់​ពួកគេ​ផ្តល់​ភាព​កក់ក្ដៅ​និង​ក្ដី​ស្រលាញ់​ដល់​ពួកគេ​។​នៅ​ពេល​អ្នក​ធ្វើ​បែប​នេះ​កូន​របស់​អ្នក​នឹងមាន​អារម្មណ៍​ស្និទ្ធស្នាល​ស្រលាញ់​អ្នក​និង​ជឿទុកចិត្ត​ទៅលើ​អ្នក​។​
  • ​អ្នក​គួរ​និយាយ​លេង​ជាមួយ​កូន​នៅពេល​ដែល​អ្នក​ប្តូរ​សម្លៀក​បំពាក់​ងូតទឹក​ឬ​បញ្ចុក​ចំណីអាហារ​ឲ្យ​ពួកគេ​។​
  • ​អ្នក​គួរ​បង្កើត​ជា​ពេលវេលា​លេងសើច​ជាមួយ​កូន​ដែល​ពោរពេញ​ទៅ​ដោយ​ភាពទន់ភ្លន់​និង​ផ្អែមល្ហែម​។​
  • ​អ្នក​គួរ​ឲ្យ​កូន​របស់​អ្នក​គេង​នៅ​កន្លែង​ដែល​ស្ងប់ស្ងាត់​នៅពេលដែល​ពួកគេ​មាន​អារម្មណ៍​នឿយហត់​។​
  • ​ច្រៀង​បំពេរ​ឲ្យ​ទារ​កគេង​ដើម្បីឲ្យ​ពួកគេ​ទទួលបាន​នូវ​អារម្មណ៍​សុភមង្គល​ពី​អ្នកមានគុណ​៕