តើកត្តាអ្វីខ្លះដែលបណ្តាលអោយរោមមុខដុះលឿន?
- កត្តាតំណរពូជ ៖ រោមនៅលើផ្ទៃមុខត្រូវបានកំណត់ដោយហ្សែនតំណរពូជរបស់អ្នក។ប្រសិនបើឪពុកម្តាយរបស់អ្នកមានរោមមុខច្រើន និងដុះលឿន នោះអ្នកអាចនឹងកាត់ទៅរកពួកគាត់។ចំណែកឯក្មេងប្រុសវិញ ចាប់ផ្តើមដុះរោមមុខនៅពេលពួកគេពេញវ័យហើយស្ត្រីវិញ ចាប់ផ្តើមដុះរោមមុខបន្ថែមទៀតនៅពេលដែលពួកគេមានវ័យចំណាស់និងចាប់ផ្តើមអស់រដូវ ឬក្នុងករណីខ្លះស្ត្រីអាចដុះរោមនៅលើមុខកាន់តែច្រើន នៅវ័យក្មេងប្រសិនបើពួកគេមានអតុល្យភាពអ័រម៉ូន។
- អ័រម៉ូនតេស្តូស្តេរ៉ូន ៖ មុនពេលពេញវ័យ រោមមុខគឺស្តើង។បុរសគឺជាអ្នកដែលជួបបញ្ហានៃការកើនឡើងរោមមុខ ដោយសារតែការផលិតអ័រម៉ូនតេស្តូស្តេរ៉ូនៅក្នុងខ្លួនរបស់ពួកគេច្រើន។នៅពេលដែលក្មេងប្រុសចាប់ផ្តើមពេញវ័យនឹងមានការផ្លាស់ប្តូររោមមុខពីស្តើងទៅក្រាស់ និងខ្មៅ៕