Join with Health.com.kh on Telegram

​ផ្សិត មាន​ជាតិ​សូ​ដ្យូ​ម​ជាតិ​ខ្លាញ់កូ​ឡេ​ស្តេ​រ៉ូល​និង​កាឡូរី​ទាប​ហើយ​ត្រូវបាន​គេ​ហៅថា​ជា “​អាហារ​មុខងារ​”​។​ក្រៅ​ពី​ការផ្តល់​នូវ​អាហារូបត្ថម្ភ ផ្សិត អាច​ជួយ​ទប់ស្កាត់​ជំងឺ​រ៉ាំរ៉ៃ​ដោយសារ​តែ​វា​មាន​សារធាតុ​ប្រឆាំង​អុកស៊ីតកម្ម​និង​ជា​អាហារ​សរសៃ ដែល​មាន​ប្រយោជន៍​ដូចជា​Chitin​និង​Beta-glucan​។​ផ្សិត សម្បូរ​ទៅដោយ​វីតាមីន B និង​សារធាតុ​រ៉ែ​ជាច្រើន​ដែល​មិនសូវ​មាន​នៅក្នុង​របប​អាហារ​ទូទៅ ដូច​ជា​សារជាតិ​Selenium ប៉ូ​តា​ស្យូម​ទង់ដែង​ជាតិ​ដែក​និង​ផូស្វ័​រ​។​

ផ្សិត​ក៏​មាន​ផ្ទុក​នូវ​Choline​ដែល​ជា​សារធាតុចិញ្ចឹម​មួយ​ដ៏​សំខាន់​ដែល​គេ​បាន​រកឃើញថា វា​ជួយ​ដល់​ការ​គេង ជួយ​ដល់​ចលនា​សាច់ដុំ​ការសិក្សា និង​ការចងចាំ​ហើយ​វា​ក៏​ជួយ​ក្នុង​ការថែរក្សា​រចនាសម្ព័ន្ធ​នៃ​ភ្នាស​កោសិកា​កោសិកា​សរសៃប្រសាទ ជួយ​ដល់​ការ​ស្រូប​យក​ជាតិ​ខ្លាញ់​អោយបាន​ត្រឹមត្រូវ​និង​កាត់បន្ថយ​ការ​រលាក​រ៉ាំរ៉ៃ​។​ផ្សិត​ពណ៌​ស​ឆៅ​មួយ​ចំណិត​មាន​ផ្ទុក​១៥​កាឡូរី​ជាតិ​ខ្លាញ់​០ ក្រាម​ជាតិ​ប្រូតេអ៊ីន​២,២​ក្រាម​និង​កាបូ​អ៊ី​ដ្រាត​២,៣​ក្រាម​(​រួមបញ្ចូល​ទាំង ០,៧ ក្រាម​នៃ​ជាតិ​សរសៃ​និង ១,៤​ក្រាម​នៃ​ជាតិ​ស្ករ​)៕