Join with Health.com.kh on Telegram

ក្មេង​ៗ​ជំទង់​ជា​ច្រើន តែង​ពោល​ប្រាប់​ពួក​យើង​ពី​ការ​មាន​អារម្មណ៍​ឃ្លាន​របស់​ពួក​គេ គ្រប់ពេលវេលា​។ ក្មេង​ជំទង់​ខ្លះ​ទៀត ដែល​ជា​ពពួក​ក្មេង​ដែល​កំពុង​មានការ​លូតលាស់​ខ្លាំង គឺ​តែង​ត្រូវការ​ថាមពល​ច្រើន​ជាង​ក្មេង​ធម្មតា និង​ប្រហែលជា​ត្រូវការ​ថាមពល​បន្ថែម​ទៀត​ជា​ច្រើន​ផង​ដែរ​។

ប្រូតេអ៊ីន និង​ជាតិ​សរសៃ គឺជា​សារធាតុចិញ្ចឹម​ដ៏​ល្អ និង​អាច​ទប់ទល់​ការ​ឃ្លាន​របស់​អ្នក​បាន ដូច្នេះ​ហើយ អ្នក​ត្រូវ​ប្រាកដ​ចិត្ត​លើ​ខ្លួនឯង​ថា អ្នក​បាន​ទទួលទាន​ពួក​វា​គ្រប់គ្រាន់​រាល់ពេល​ដែល​អ្នក​ទទួលទាន​អាហារ និង​អាហារ​សម្រន់​។ ប្រូតេអ៊ីន មាននៅ​ក្នុង​ពពួក​សាច់​ក្រហម ត្រី ស៊ុត ទឹកដោះគោ ទឹកដោះគោ​ជូរ ហ្វ្រូ​ម៉ាត សណ្តែក គ្រាប់​ធញ្ញជាតិ សណ្តែកដី តៅហ៊ូ និង​អាហារ​របស់​អ្នក​តម​សាច់​ជា​ច្រើន​។ ជាតិ​សរសៃ មាននៅ​ក្នុង​ផ្លែ​ឈើ និង​បន្លែ​ជា​ច្រើន​ប្រភេទ ដូច​ជា​គ្រាប់​ធញ្ញជាតិ និង​សណ្តែក​ជាដើម​។

អ្នក​ត្រួ​វ​តែ​ព្យាយាម​ទទួលទាន​ប្រូតេអ៊ីន និង​ជាតិ​សរសៃ​ឱ្យ​បាន​ច្រើន​បន្ថែម​ទៀត ប្រសិនជា​ការ​ឃ្លាន​របស់​អ្នក​នៅ​តែ​បន្ត​។ ជា​ឧទាហរណ៍ អ្នក​ធ្លាប់តែ​ទទួលទាន​អាហារ​ជាមួយនឹង​នំ​បុ័ង និង​ទឹក​ផ្លែ​ឈើ​ច្របាច់ សម្រាប់​អាហារ​ពេល​ព្រឹក​។ បើ​អ​ញ្ចឹ​ង​នោះ អ្នក​គួរតែ​ព្យាយាម​សាកល្បង​នំ​បុ័ង​ជាមួយនឹង​ចេក ឬ​ស៊ុត​ចៀន និង​បន្ថែម​ផ្លែ​ឈើ ព្រោះ​វា​ធ្វើ​ឱ្យ​អ្នក​ឆ្អែត​បាន​យូរ​៕