អាហារកំប៉ុងមិនផ្តល់នូវអត្ថប្រយោជន៍ដល់សុខភាពច្រើននោះទេ។អាហារកំប៉ុង អាចនាំភាពងាយស្រួលដល់អ្នកក្នុងការចម្អិន និងបរិភោគ ហើយបើទោះបីជាអ្នកមិនបានទទួលទានផលិតផលស្រស់ៗ ឬផ្លែឈើស្រស់ក៏ដោយ ក៏អាហារកំប៉ុងមានសារធាតុចិញ្ចឹមច្រើនដូចគ្នា។ហើយអ្នកក៏អាចបរិភោគអាហារដែលមានតាមរដូវ ឬតំបន់តាមតម្រូវការ។
តើគួរធ្វើដូចម្តេច ទើបអាចបង្កើនតំលៃនៃអាហារូបត្ថម្ភចំពោះអាហារកំប៉ុងនេះ? ចំពោះបញ្ហានេះ អ្នកអាចធ្វើអោយអាហារកំប៉ុង កាន់តែមានអត្ថប្រយោជន៍ចំពោះសុខភាព ដោយគ្រាន់តែជ្រើសរើសអាហារដែលគ្មានជាតិខ្លាញ់ ឬមានជាតិសូដ្យូមតិច។ឧទាហរណ៍ ៖ អ្នកអាចលាងអាហារនោះមុនពេលចម្អិន ឬបរិភោគ ដើម្បីកាត់បន្ថយជាតិប្រៃ។ចំពោះផ្លែឈើកំប៉ុង ឬទឹកផ្លែឈើវិញ គឺអ្នកមិនគួរដាក់ស្ករបន្ថែមនោះទេ។ជាពិសេស អ្នកក៏គួរតែជ្រើសរើសម្ហូបអាហារណាដែលល្អ និងមិនហួសកាលបរិច្ឆេទផុតកំណត់៕