Join with Health.com.kh on Telegram

នៅ​ពេល​យើង​និយាយ​អំពី​ភាព​សប្បាយ​រីករាយ ដែល​អ្នកមាន​ចំពោះ​ជីវិត​ដ៏​រ៉ូ​ម៉ែ​ន​ទិច តើ​ស្នេហា​បាន​ធ្វើ​អ្វី​ខ្លះទៅ​ចំពោះ​រឿង​នេះ? បើ​គិត​មើលទៅ វា​ដូច​ជា​គ្មាន​អ្វី​ច្រើន​ដូច​ការ​ដែល​អ្នក​គិត​នោះ​ទេ​។ ពិត​ណាស់ បើ​យោង​ទៅ​តាម​ការ​សិក្សា​ស្រាវជ្រាវ​ថ្មី​មួយ​ដែល​បាន​ចុះ​ផ្សាយ​ក្នុង Applied Research in Quality of Life បានអោយ​ដឹង​ថា មាន​កត្តា​ជា​ច្រើន​ដែល​អាច​ព្យាករណ៍​ដឹង​ថា អ្នក​កំពុង​តែ​ទទួល​បាន​ជីវិត​ស្នេហា​ពោរពេញ​ដោយ​សុភមង្គល​។
ការ​សិក្សា​នេះ​ត្រូវ​បាន​ធ្វើ​ឡើង​ក្នុង​តំបន់ Lisbon ប្រទេស​ព័រ​ទុ​យ​ហ្គា​ល់ ដែល​មានការ​ចូលរួម​ដោយ​បុរស និង​ស្ត្រី​ប្រមាណ ១.២៨៤ នាក់ ដែល​មាន​អាយុ​ចាប់ពី ១៨ ទៅ ៩០ ឆ្នាំ (​ជា​មធ្យម​គឺ ៣៨ ឆ្នាំ​)​។ អ្នកចូលរួម​ត្រូវ​បាន​គេ​បែងចែក​ជា​បី​ក្រុម ៖ ក្រុម​វ័យ ១៨ ទៅ ៣០ ឆ្នាំ ក្រុម​វ័យ ៣១ ទៅ ៥៩ ឆ្នាំ និង​ក្រុម​វ័យ ៦០ ទៅ ៩០ ឆ្នាំ​។ បន្ទាប់​មក ពួក​គេ​ទាំងអស់​គ្នា​ត្រូវ​និយាយ​រឿង​មួយ​ចំនួន ដើម្បី​ស្ទាបស្ទង់​នឹង​ភាព​សប្បាយ​រីករាយ​នៃ​ជីវិត​ស្នេហា​ពួក​គេ ព្រមទាំង​រឿងរ៉ាវ​ដែល​ទាក់ទង​នឹង​កត្តា​ផ្សេង​ៗ​ជា​ច្រើន​ទៀត​។ រឿង​ភាគច្រើន​ដែល​ព្យាករណ៍​ទៅ​លើ​ជីវិត​ស្នេហា​ដ៏​សប្បាយ​រីករាយ​នោះ ទំនងជា​អាច​ដឹង​តាម​រយៈ​ការ​មាននូវ​ក្តី​ស្រលាញ់ ការ​រៀប​ការ ការ​រស់នៅ​ជាមួយ​គ្នា និង​បទ​ពិសោធន៍​ខាង​ចំណង់​ផ្លូវភេទ​សម្រាប់​ដៃគូ​។ ប៉ុន្តែ មាន​កត្តា​មួយ​ចំនួន​តូច​ដែរ ដែល​ធ្វើ​អោយ​មនុស្ស​យើង​ភ្ញាក់ផ្អើល​នឹង​វា​នោះ​គឺ ៖
អាយុ
អាយុ​អ្នក​អាច​មាន​ឥទ្ធិពល​ទៅ​លើ​សុភមង្គល​។ មនុស្ស​វ័យ​កណ្តាល​ដែល​មាន​អាយុ​ចាប់ពី ៣១ ទៅ ៥៩ ឆ្នាំ គឺ​មាន​ភាព​សប្បាយ​រីករាយ​ជាង​មនុស្ស​វ័យ​ចាប់ពី ៦០ ទៅ ៩០ ឆ្នាំ នៅ​ពេល​រស់នៅ​ជាមួយ​មនុស្ស​ដែល​ខ្លួន​ស្រលាញ់​។ យើង​គិត​ថា ស្នេហា និង​ការ​រួម​ភេទ គួរតែ​ជា​រឿង​អស្ចារ្យ​ជាប់​រហូត​ដោយ​មិន​ខ្វល់​អំពី​អាយុ​ប៉ុន្មាន​នោះ​ទេ​។
ជំនឿ​ខាង​សាសនា
ការ​សិក្សា​បាន​រក​ឃើញ​ថា ការ​ចូលរួម​ខាង​វិស័យ​សាសនា​កាន់​ខ្លាំង (​ដៃគូ​ទាំង​ពីរ​ជឿ​លើ​សាសនា និង​យកចិត្តទុកដាក់​លើ​រឿង​នេះ​ជា​ទៀងទាត់​) វា​នឹង​ក្លាយទៅជា​អ្នក​ព្យាករណ៍​លើ​សុភមង្គល​នៃ​ជីវិត​ស្នេហា​កាន់តែ​ល្អ​ដែរ​។
ជីវិត​ក្នុង​សង្គម​រស់នៅ
តាម​ការ​គិត​មើល​បានអោយ​ដឹង​ថា កាលណា​មនុស្ស​យើង​ខ្វះខាត​ទំនាក់ទំនង​ខាង​រស់នៅ​ក្នុង​សង្គម វា​អាច​ក្លាយទៅជា​ការ​រំខាន​ដល់​ជីវិត​ស្នេហា​បាន​។ ប៉ុន្តែ កាលណា​ដែល​អ្នក​ទទួល​បាន​ពិន្ទុ​ខ្ពស់​ខាង​ទំនាក់ទំនង​យ៉ាង​ល្អ​ក្នុង​សង្គម​វិញ វា​នឹង​មាន​ទំនាក់ទំនង​យ៉ាង​ល្អ​កើត​មាន​ក្នុង​ជីវិត ព្រមទាំង​ទទួល​បាន​ជីវិត​រស់នៅ​បែប​រ៉ូ​ម៉ែ​ន​ទិច​យ៉ាង​សប្បាយ​រីករាយ​ជាង​មុន​ទៀត​ផង​៕