Join with Health.com.kh on Telegram

បើសិនជា​អ្នក​កំពុង​តែ​ព្យាយាម​សម្រក​ទម្ងន់ និង​មិន​អាច​ធ្វើ​បាន​នៅឡើយ​នោះ យើង​អាច​ជួយ​អ្នក​បាន​។ ទោះបីជា​អ្នក​កំពុង​តែ​ប្រើ​វិធី​ជ្រើសរើស​របប​អាហារ​ក៏​ដោយ ក៏​ឱកាស​នៃ​ការ​សម្រក​ទម្ងន់​នឹង​ក្លាយទៅជា​រឿង​អស្ចារ្យ​ដែរ​។ ខាងក្រោម​នេះ គឺជា​អាហារ​មួយ​ចំនួន​ដែល​អាច​គិត​ថា នឹង​ជួយ​សម្រក​ទម្ងន់​បាន​យ៉ាង​លឿន ជាង​អ្វី​ដែល​អ្នក​គិត​ទៅ​ទៀត​។

ផ្លែ​អាល់​ម៉ុ​ន
តើ​អ្នកមាន​ដឹង​ទេ​ថា គ្រាប់​ផ្លែ​ឈើ​មួយ​នេះ​ផ្ទុក​ទៅ​ដោយ​ជីវជាតិ និង​វីតាមីន​ដ៏​ល្អ​បំផុត​ដែរ​ឬទេ? គ្រាន់តែ​ផ្លែ​អាល់​ម៉ុ​ន​មួយ​ក្តាប់ នឹង​ធ្វើ​អោយ​អ្នកមាន​កម្លាំង​ភ្លាម​ៗ ព្រមទាំង​កុំអោយ​ឃ្លាន​ខ្លាំង​ថែម​ទៀត​ផង​។ ចូរ​ចៀសវាង​ផ្លែ​អាល់​ម៉ុ​ន​ណា​ដែល​ស្រោប​ដោយ​ជាតិ​សូកូឡា ឬ​អំបិល​។

ផ្លែ​ប៉ោម
យើង​ទាំងអស់​គ្នា​ដឹង​ហើយ​ថា ការ​ទទួលទាន​ផ្លែ​ប៉ោម​មួយ​ផ្លែ​ក្នុង​មួយ​ថ្ ងៃ​នឹង​បង្ការ​កុំអោយ​មាន​ជំងឺ​បាន ប៉ុន្តែ តើ​អ្នកមាន​ដឹង​ទៀត​ទេ​ថា វា​នឹង​ជួយ​រក្សា​ជាតិ​ខ្លាញ់​កុំអោយ​លើស​ដែរ​ទេ? ផ្លែ​ប៉ោម ត្រូវ​បាន​គេ​យល់​ថា​មាន​ផ្ទុក​ជាតិ​សរសៃ ៤ ទៅ ៥ ក្រាម​នៅ​ពេល​ញ៉ាំ​ម្តង​ៗ ដូច្នេះ វា​ពិតជា​ជួយ​អោយ​អ្នក​ឆ្អែត​បាន​យូរ​ជា​មិន​ខាន​។ ផ្លែ​ប៉ោម ក៏​ផ្ទុក​ទៅ​ដោយ​ជាតិ​អង់​ទី​អុក​ស៊ី​ដង់​ដែល​ជួយ​បន្ថែម​វីតាមីន និង​ជាតិ​រ៉ែ​សំខាន់​ៗ​ក្នុង​រាង​កាយ​ដែរ​។

ផ្លែ​បឺ
ទោះបីជា​គេ​គិត​ថា​ផ្លែ​បឺ គឺជា​ប្រភេទ​ផ្លែ​ឈើ​មាន​ជាតិ​ខ្លាញ់​ក៏​ដោយ តែ​អ្នក​ក៏​មិន​ចាំបាច់​បារម្ភ​អ្វី​ដែរ​។ ផ្លែ​បឺ ផ្ទុក​ទៅ​ដោយ​ជាតិ​សរសៃ និង​ប្រូតេអ៊ីន​យ៉ាងច្រើន ព្រមទាំង​ជួយ​សម្រក​ទម្ងន់​បាន​ទៀត​ផង​។ ជាតិ​ខ្លាញ់​របស់​ផ្លែ​ឈើ​មួយ​នេះ គឺជា​ខ្លាញ់​ល្អ​ចំពោះ​សុខភាព ហើយ​ជួយ​អោយ​ឆ្អែត​បាន​យូរ​ទៀត​។

ស៊ុត
បើសិនជា​អ្នក​កំពុង​តែ​ញ៉ាំ​ស៊ុត​ពណ៌​ស អ្នក​ពិតជា​នឹង​សម្រក​ទម្ងន់​បាន​យ៉ាងច្រើន​ជា​មិន​ខាន​។ ស៊ុត​ប្រភេទ​នេះ ផ្ទុក​ទៅ​ដោយ​ជាតិ​ប្រូតេអ៊ីន និង​ជួយ​អោយ​អ្នកមាន​អារម្មណ៍​ឆ្អែត​បាន​កាន់តែ​យូរ​។ ដូច្នេះ ស៊ុត​ពណ៌​ស​ពិតជា​ជម្រើស​ដ៏​ល្អ​បំផុត​សម្រាប់​អាហារ​ពេល​ព្រឹក​៕