​ខ្ញុំ​កំពុង​តែពិចារណា​លើ​ការបរិច្ចាក​តម្រងនោម អោយទៅ​អ្នក​ដទៃ​។​តើ​មាន​ហានិភ័យ​រយៈពេល​យូរ​សម្រាប់​ខ្ញុំ​ដែរ​ឬទេ​? មាន​ការស្រាវជ្រាវ​ដែល​បានបង្ហាញ​ថា​មាន​ហានិភ័យ​រយៈពេល​យូរ​តិចតួច ចំពោះ​ការបរិច្ចាក​តម្រងនោម​ហើយ​អ្នក គួរតែ​មាន​ការពិនិត្យ​អោយ​បាន​ប្រុងប្រយ័ត្ន​មុន​ពេល​បរិច្ចាក​។ ជា​អ្នក​បរិច្ចាក​តម្រងនោម​អ្នកនឹង​ទទួលបាន​ការពិនិត្យ​សុខភាព​យ៉ាង​ហ្មត់ចត់​ដើម្បី​កំណត់​ថា​តើ វា​ត្រូវ​គ្នា​នឹង​អ្នក​ទទួល​ដែរ​ឬទេ​។ ហើយ​អ្នក​នឹង​ត្រូវ​បាន​ពិនិត្យ​ដោយ​ប្រុងប្រយ័ត្ន​ដើម្បី​ធ្វើ​អោយ​ប្រាកដ​ថា​អ្នក​មិន​មាន​បញ្ហា​សុខភាព​ណាមួយ​ដែល​អាច​នឹង​កើតឡើង ដោយសារ​ការបរិច្ចាក​តម្រងនោម​នេះឡើយ​។ 

​ការបរិច្ចាក​តម្រងនោម​ជាប់​ពាក់ព័ន្ធ​នឹង​ការវះកាត់​ដ៏​ធំ​មួយ​និង​មាន​ហានិភ័យ​ខ្ពស់ ដែល​រួម​ទាំង​ការ​ហូរឈាម​និង​ឆ្លង​មេរោគ​។ បន្ទាប់​ពី​តម្រងនោម​របស់​អ្នក​ត្រូវបាន​គេ​យក​ចេញ​អ្នក​នឹង​ត្រូវ​ចំណាយ​ពេល​ជា​ច្រើន ដើម្បី​ជា​សះស្បើយ​ទាំង​នៅក្នុង​មន្ទីរពេទ្យ​និង​ទាំង​នៅ​ផ្ទះ​។ ទៅតាម​វេលា​តម្រងនោម​ដែល​នៅសល់​របស់​អ្នកនឹង​រីក​ធំ​ដោយសា​រលំ​ហូរ​ឈាម​កាន់​វា​កាន់តែ​ច្រើន ហើយ​ធ្វើការ​ច្រោះ​ទឹកនោម​កាន់តែច្រើន​ថែម​ទៀត​។  ​

អត្រា​នៃ​ការរស់រានមានជីវិត​រយៈពេល​វែង​គុណភាព​នៃ​ជីវិត​ស្ថានភាព​សុខភាព​ទូទៅ​និង​ហានិភ័យ​នៃ​ជំងឺ​ខ្សោយតម្រងនោម​របស់​អ្នក គឺ​ប្រហែលជា​មាន​ដូចគ្នា​នឹង​ប្រជាជន​ទូទៅ​ដែល​មិនមែន​ជា​អ្នក​បរិច្ចាក​តម្រងនោម​។ ការ​ពិនិត្យ​ជា​ទៀងទាត់​រួមទាំង​ការតាមដាន​មុខងារ​តម្រងនោម​និង​សម្ពាធ​ឈាម​របស់​អ្នក​ជា​ទូទៅ​ត្រូវបាន​ណែនាំ​អោយ​ធ្វើ និង​វាយតម្លៃ​បន្ទាប់​ពី​ការបរិច្ចាក​តម្រងនោម​រួចហើយ​៕