​ភាព​ស្អាត​សង្ហារ​គឺជា​ផ្នែក​ដ៏​សំខាន់​មួយ​របស់​មនុស្ស​ដែល​ពាក់​វ៉ែនតា​។​នេះ​មានន័យ​ថា​អ្នក​គួរតែ​ចេះ​នូវ​វិធី​ថែរក្សា​កញ្ចក់​វ៉ែនតា​របស់​អ្នក អោយបាន​ល្អ​ផង​បើសិន​ជា​អ្នក​ពិតជា​ចង់​បន្ត​ភាព​ស្អាត​សង្ហារ​តាមរយៈ​ការពាក់​វ៉ែនតា​ទៀត​។​ខាងក្រោម​នេះ​គឺជា​វិធីសាស្ត្រ​ងាយៗ​ដែល​អ្នក​អាច​ធ្វើបាន​៖ ​សម្អាត​វ៉ែនតា​អោយបាន​ស្អាត​ ​ចូរ​ប្រាកដថា​អ្នក​បាន​សម្អាត​វ៉ែនតា​យ៉ាងហោច​ណាស់​ម្តង​ក្នុង​មួយ​ថ្ងៃ​ជាមួយនឹង​ក្រណាត់​មាន​ជាតិ​សរសៃអំបោះ​តូចៗ​ដែល​ណែនាំ​អោយ​អ្នកជំនាញ​ខាង​ជំងឺ​ភ្នែក​។​

ចូរ​លាង​វ៉ែនតា​ជាមួយ​នឹង​ទឹក​ក្តៅ​ឧណ្ហៗ​ឬ​ប្រើ​ទឹក​ថ្នាំ​បាញ់​ពិសេស​ដើម្បី​សម្អាត​កញ្ចក់​វ៉ែនតា​ព្រមទាំង​ជូន​វា​ចេញ​ដោយ​ថ្នមៗ​។​មិន​ត្រូវ​យក​ជាយ​អាវ​ក្រដាស​ជូ​តមាត់​ឬ​ក្រណាត់​មាន​ជាតិ​សរសៃអំបោះ​តូចៗ​ដែល​គគ្រិច​ទៅ​ជូត​ឡើយ​ព្រោះ​វា​អាចធ្វើអោយ​កូត​កញ្ចក់​បាន​។​ចូរ​អោយ​កញ្ចក់​វ៉ែនតា​ស្ងួត​ដោយ​ខ្យល់​ធម្មតា​ទៅ​។​ ​រក្សាទុក​អោយ​បាន​ប្រុងប្រយ័ត្ន​ ​ចូរ​រក្សាទុក​វ៉ែនតា​របស់​អ្នក​ក្នុង​ប្រអប់​របស់​វា​នៅ​ពេល​អ្នក​មិន​ប្រើ​។​មិន​ត្រូវ​ទុក​វ៉ែនតា​ដោយ​កញ្ចក់​របស់​វា​ជាប់​នឹង​ផ្ទៃ​តុ​ឡើយ​ព្រោះ​វា​នឹង​ប្រឈម​កាន់តែ​ខ្លាំង​នឹង​ការ​ឆ្កូត​។​

មិន​ត្រូវ​ដាក់​វា​ក្នុង​ហោប៉ៅ​ឡើយ​ព្រោះ​វា​ងាយ​នឹង​ធ្វើអោយ​ជ្រុះ​ខ្លាំងណាស់​។​ពិត​ណាស់​អ្នក​ក៏​មិន​ត្រូវ​ទុក​វ៉ែនតា​ចោល​លើ​កៅអី​ឬ​សា​ឡុង​ដែរ​ព្រោះ​វា​អាច​នឹង​មាន​នរណា​ម្នាក់​អង្គុយ​កិន​ដោយ​ចៃដន្យ​ឬ​ធ្វើអោយ​បែក​បាន​។​ ​ធ្វើការ​កែសម្រួល​កញ្ចក់​វ៉ែនតា​អោយ​បាន​ម្តង​ក្នុង​មួយ​ឆ្នាំ​ ​យក​ល្អ អ្នក​គួរតែ​កែសម្រួល​កញ្ចក់​វ៉ែនតា​អ្នក​នៅ​កន្លែង​ធ្វើ​វ៉ែនតា​ព្រោះ​វា​អាច​នឹង​មាន​ភាពខុសប្រក្រតី​និង​ពិនិត្យ​ក្រែង​មាន​ការធូររលង់​ខ្ចៅ​នៅ​កន្លែង​ណាមួយ​៕