ជាមួយអ្នករាល់គ្នាដែលដឹងអំពីរោគសញ្ញារាងកាយរបស់ពួកគេសព្វថ្ងៃនេះ អ្នកអាចកត់ចំណាំរឿងតូចតាច ដែលអ្នកធ្លាប់បានលុបចោល។ ដូចជារមាស់កជាដើម។ តើឈឺបំពង់កមានន័យថាអ្នកឈឺទេ?
ប្រាកដណាស់ការឈឺបំពង់កអាចជាសញ្ញានៃជំងឺដូចជាផ្តាលសាយ រលាកបំពង់ក ឫ កូវីដ១៩។ ប៉ុន្តែការឈឺបំពង់កដោយខ្លួនឯងមិនមានន័យច្រើនទេ។ មានរឿងជាច្រើន ដែលអាចបណ្តាលអោយបំពង់ករបស់អ្នកឮស្ងួត ស្លេស ឬឈឺដូចជា៖
.ការចាល់អាស៊ីត ជាពិសេសប្រសិនបើអ្នកឈឺបំពង់កពេលក្រោកពីដំណេក ហើយវាបាត់ទៅវិញនៅពេលថ្ងៃ
.អាឡែរហ្សី រាប់បញ្ចូលទាំងសត្វចិញ្ចឹម និងធូលី
.ក្អក ឬ ការសម្អាតបំពង់កញឹកញាប់
.ខ្យល់ស្ងួត (ជាពិសេសក្នុងរដូវរងា)
.លំអងដែលនៅតែបន្តកើតមាននៅតំបន់ខ្លះពេញមួយឆ្នាំពេញ
.ដំណក់ទឹកផ្នែកខាងក្រោយច្រមុះ ដែលមិនទាក់ទងនឹងអាឡែរហ្សី ។
ជាទូទៅប្រសិនបើអ្នកមានរោគសញ្ញាឈឺបំពង់កតែមួយមុខនោះ វាប្រហែលជាមិនមែនជាអ្វីដែលត្រូវដោះស្រាយនោះទេ។
យ៉ាងណាមិញ ប្រសិនបើអ្នកឈឺបំពង់កកើតឡើងរួមជាមួយរោគសញ្ញាដទៃទៀត ដូចខាងក្រោមនេះ អ្នកគួរតែទៅពិគ្រោះជាមួយពេទ្យជំនាញ។
.ការកកស្ទះនៅក្នុងសួតឬប្រហោងឆ្អឹង
.ប្រែពណ៌ ឬ ស្នាមអុជនៅខាងក្រោយមាត់ / បំពង់កផ្នែកខាងលើ
.គ្រុន
.ជម្ងឺទូទៅ (ជាទូទៅមានអារម្មណ៍មិនស្រួលដូចជាអ្នកមានជំងឺផ្តាសាយ)
.ឈឺក្បាល
.អស់កម្លាំងធ្ងន់ធ្ងរ
.ហើមបំពង់ក
ប្រសិនបើអ្នកវិវត្តរោគសញ្ញាកូវីដ១៩ ដោយឈឺបំពង់ក គ្រូពេទ្យអាចណែនាំអ្នកអោយធ្វើតេស្ត។
ប៉ុន្តែប្រសិនបើអ្នកឈឺបំពង់កតែមួយមុខ ចូរសាកល្បងវិធីព្យាបាលតាមផ្ទះ ដើម្បីឱ្យមានអារម្មណ៍ធូរស្រាល៖
.លេបថ្នាំបំបាត់ការឈឺចាប់ ឬគេងលើខ្នើយខ្ពស់ ប្រសិនបើអ្នកគិតថាការចាល់អាស៊ីតកំពុងបណ្តាលឱ្យឈឺបំពង់ក។
.ងូតទឹក ឫសម្អាតសត្វចិញ្ចឹមរបស់អ្នកឱ្យបានញឹកញាប់ (និងពាក់របាំងមុខពេលធ្វើវា ដើម្បីកុំអោយលំអងធូលីអាចចូលទៅផ្លូវច្រមុះរបស់អ្នក) ។
.ប្រើថ្នាំសម្រាប់បៀមដែលមិនមានជាតិថ្នាំ ដើម្បីធ្វើអោយបំពង់ករបស់អ្នកមានសំណើម និងកាត់បន្ថយការក្អក និងបំបាត់បំពង់ក។
.ដាក់ម៉ាស៊ីនផ្សើម ដើម្បីឱ្យខ្យល់ក្នុងផ្ទះរបស់អ្នកមានផាសុកភាពសម្រាប់ដកដង្ហើម។
ប្រសិនបើការឈឺបំពង់ក មិនបាត់ទៅវិញក្នុងរយៈពេលពីរបីថ្ងៃ ទោះបីជាអ្នកខំប្រឹងប្រែងយ៉ាងណាក៏ដោយនោះ ដល់ពេលគួរពិគ្រោះជាមួយគ្រូពេទ្យហើយ៕