Join with Health.com.kh on Telegram

អ្វីដែលគួរឱ្យកត់សម្គាល់នោះ គឺថាមិនមែនស្ត្រីគ្រប់រូបសុទ្ធតែទទួលបាននូវជាតិដែកគ្រប់គ្រាន់ក្នុងរាងកាយរបស់ពួកគេឡើយដែលជាហេតុនាំឱ្យឆាប់អស់កម្លាំង ចង្អោរចង់ក្អួត និងឈឺចាប់សាច់ដុំ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) យោងតាមអ្នកជំនាញបានឱ្យដឹងថា ស្ត្រីគួរទទួលបានជាតិដែកក្នុងរាងកាយប្រមាណ ១៨ មីលីក្រាមក្នុងមួយថ្ងៃទើបប្រសើរ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលមានផ្ទុកសម្បូរទៅដោយជាតិដែកល្អសម្រាប់ស្ត្រី ៖

១. ស្ពៃពួយឡេង

ការទទួលទានស្ពៃពួយឡេងដែលចម្អិនឆ្អិនមួយពែងមានន័យថារាងកាយអាចទទួលបានជាតិដែកដល់ទៅ ៦.៤៣គីឡូក្រាម។ បន្លែនេះក៏ជាប្រភពដ៏ប្រសើរនៃវីតាមីន A, កាល់ស្យូម និងប៉ូតាស្យូមផងដែរ។ វីតាមីននិងជាតិរ៉ែទាំងនេះចាំបាច់សម្រាប់ពង្រឹងនិងជួសជុលសាច់ដុំ។

២. ផ្សិត

ធ្លាប់ដឹងទេថាផ្សិតក៏ជាប្រភពដ៏ប្រសើរនៃជាតិដែកដែលចាំបាច់ក្នុងដំណើរការបង្កើតកោសិកាគ្រាប់ឈាមក្រហម? ដូច្នេះកុំភ្លេចរួមបញ្ចូលវាក្នុងរបបអាហារប្រចាំថ្ងៃ។

៣. ផ្កាខាត់ណាខៀវ

ត្រឹម ១៥៦ ក្រាមនៃផ្កាខាត់ណាខៀវឆ្អិនមានផ្ទុកជាតិដែក ១ មីលីក្រាម។ បន្លែនេះក៏ជាប្រភពដ៏ប្រសើរនៃជាតិសសៃនិងសមាសធាតុប្រឆាំងជំងឺមហារីកផងដែរ។

៤. ថ្លើមសត្វ

ថ្លើមគោមានផ្ទុកជាតិដែកដល់ទៅ ៥មីលីក្រាមក្នុងមួយបន្ទះ។ អ្នកក៏អាចជ្រើសរើសទទួលទានថ្លើមជ្រូកដែលមានខ្លាញ់តិចជាងថ្លើមគោ ប៉ុន្តែមានផ្ទុកវីតាមីន C និងជាតិដែកខ្ពស់ជាង។ ទោះជាយ៉ាងអ្នកចាំបាច់ត្រូវទទួលទានថ្លើមក្នុងកម្រិតមធ្យម ដើម្បីចៀសវាងបញ្ហាកម្រិតកូឡេស្តេរ៉ូលឡើងខ្ពស់។

៥. សាច់គោ

សាច់គោក៏ជាប្រភពដ៏ល្អបំផុតមួយនៃជាតិដែកផងដែរ។ អ្នកអាចទទួលបានជាតិដែកដល់ទៅ ៥.២៤មីលីក្រាមពីសាច់គោប្រមាណ ៨៥ក្រាម។ ក្រៅពីជាតិដែក សាច់គោក៏មានផ្ទុកសម្បូរទៅដោយប្រូតេអ៊ីនដែលចាំបាច់សម្រាប់ជួសជុលនិងពង្រឹងសាច់ដុំ ជាពិសេសក្រោយពេលធ្វើលំហាត់ប្រាណខ្លាំងក្លា។  ទោះជាយ៉ាងណាដើម្បីជាការប្រសើរ អ្នកគួរជ្រើសរើសយកសាច់គ្មានខ្លាញ់និងទទួលទានលាយជាមួយបន្លែបៃតងផ្សេងៗ។ ការទទួលទានសាច់គ្មានខ្លាញ់ក៏ផ្ដល់អោយរាងកាយនូវប្រូតេអ៊ីន ម៉ាញ៉េស្យូម ផូស្វ័រ ស័ង្កសី វីតាមីន B1 b6 និងវីតាមីន B12 ផងដែរ។

៦. អយស្ទ័រ

អយស្ទ័រដែលមានទំហំតូចដល់ទំហំកណ្ដាលអាចផ្ដល់ឱ្យរាងកាយនូវជាតិដែកពី ៣ ទៅ ៥ មីលីក្រាម។ ប្រសិនបើមិនចូលចិត្តទទួលទានអាហារសមុទ្រនេះអ្នកអាចជ្រើសរើសញ៊ាំមឹក ត្រីធូណា​ និងត្រីសាលម៉ុនជំនួសវិញ។

៧. ប៉េងប៉ោះ

ប្រភពផ្សេងទៀតនៃជាតិដែកដែលអ្នកងាយស្រួលរកបាន គឺប៉េងប៉ោះ។ ត្រឹមមួយពែងនៃបន្លែពណ៌ក្រហមនេះអាចផ្ដល់ឱ្យរាងកាយនូវជាតិដែកប្រមាណ ៣.៣៩មីលីក្រាម។ ប៉េងប៉ោះក៏មានផ្ទុកសម្បូរទៅដោយសារធាតុប្រឆាំងអុកស៊ីតកម្មប្រឆាំងភាពចាស់តាមវ័យនៃស្បែកផងដែរ។

៨. ដំឡូងបារាំង

តើអ្នកធ្លាប់ដឹងទេថាដំឡូងបារាំងក៏មានផ្ទុកជាតិដែកដែរ? ដំឡូងបារាំងតូចមួយមានផ្ទុកជាតិដែកប្រមាណ ២.៧មីលីក្រាម។

៩. ស៊ុត

ក្រៅពីមានផ្ទុកសម្បូរទៅដោយប្រូតេអ៊ីនគុណភាពល្អហើយនោះ ស៊ុតក៏ជាប្រភពដ៏ប្រសើរបំផុតមួយនៃជាតិដែកផងដែរ។ បរិមាណខ្ពស់នៃជាតិដែកក្នុងស៊ុតជួយក្នុងការបង្កើនការផលិតកោសិកាគ្រាប់ឈាមក្រហមទប់ស្កាត់ហានិភ័យនៃជំងឺខ្វះគ្រាប់ឈាមក្រហម។

១០. គ្រាប់ធញ្ញជាតិនិងគ្រាប់ពូជ

ក៏ជាប្រភពធម្មជាតិដ៏ល្អបំផុតមួយនៃជាតិដែកដែរ។ ទោះជាយ៉ាងណាអ្នកមិនគួរទទួលទានច្រើនជាងមួយក្ដាប់ដៃពេញក្នុងមួយថ្ងៃឡើយ៕