ការស្រាវជ្រាវថ្មីមួយបានចង្អុលបង្ហាញថា ផលវិបាកដែលត្រូវបានទាក់ទងទៅនឹងការដាក់ថ្នាំសណ្តំនៅក្នុងសហរដ្ឋអាមេរិកបានធ្លាក់ចុះជាងពាក់កណ្តាល ខណៈដែលអត្រានៃការស្លាប់សរុបនៅរក្សាដដែល។ អ្នកស្រាវជ្រាវបានវិភាគលើជាង៣,២លានករណីនៃការដាក់ថ្នាំសណ្តំ ហើយបានរកឃើញថា អត្រានៃផលវិបាកបានធ្លាក់ចុះពី១១,៨ទៅ៤,៨ ភាគរយ។ ផលវិបាកទូទៅបំផុតគឺ ចង្អោរ និងក្អួត (ជិត៣៦ ភាគរយ) ហើយផលវិបាកធ្ងន់ធ្ងរទូទៅបំផុត គឺប្រតិកម្មថ្នាំ (ជិត១២ ភាគរយ)។ វេជ្ជបណ្ឌិត ជៀណា ហាវីដីច (JeanaHavidich) ដែលមកពីមជ្ឈមណ្ឌល Dartmouth-Hitchcock បាននិយាយថា គោលដៅរបស់យើង គឺដើម្បីកំណត់ពីធម្មជាតិ និងអត្រានៃផលវិបាកនៃការវះកាត់ និងដើម្បីកំណត់ពីកត្តាហានិភ័យរបស់ពួកគេ។ ដោយយោងតាមការស្រាវជ្រាវបានអោយដឹងថា អត្រានៃការស្លាប់ គឺនៅតែមាន៣នាក់ស្លាប់ក្នុង១០.០០០នាក់នៅក្នុងការវះកាត់។ អត្រានៃការមានផលវិបាក គឺមិនជាខ្ពស់ប៉ុន្មាននោះទេក្នុងចំណោមអ្នកជំងឺដែលធ្វើការវះកាត់នៅពេលល្ងាច ឬថ្ងៃឈប់សម្រាកអ្នកជំងឺមានអាយុលើសពី៥០ឆ្នាំ មានអត្រានៃផលវិបាកធ្ងន់ធ្ងរខ្ពស់បំផុត ហើយអ្នកជំងឺដែលមានសុខភាពល្អប្រសើរ មានអត្រាខ្ពស់បំផុតនៃផលវិបាកតិចតួច៕