នៅទសវត្សទី២០កុមារភាគច្រើនដែលរស់នៅក្នុងទីក្រុងញូវយ៉កប៊ូស្តុននិងឡៃដេនក្នុងប្រទេសហូឡង់ត្រូវបានប៉ះពាល់ទៅនឹងជំងឺRickets ដែលជាជំងឺនៃការខូចទ្រង់ទ្រាយនៃឆ្អឹង។ការសង្កេតដំបូងនៃជំងឺនេះត្រូវបានធ្វើឡើងដោយវេជ្ជបណ្ឌិត Whistler និងGlissenដែលបាននិយាយថាកុមារដែលរស់នៅក្នុងទីក្រុងឧស្សាហកម្មក្នុងចក្រភពអង់គ្លេសមានកម្ពស់ទាបនិងមានការប្រែប្រួលនៃឆ្អឹងជាពិសេសជើង។ក្រោយមកទៀតអ្នកស្រាវជ្រាវបានរកឃើញថាការគេងហាលថ្ងៃគឺជារឿងសំខាន់សម្រាប់ការពារជំងឺRickets នេះ។ តម្រូវការសម្រាប់វីតាមីនD បានបាត់លើសពីការការពារនិងការព្យាបាលជំងឺRickets។អ្នកស្រាវជ្រាវផ្សេងៗគ្នាបានអះអាងថាអត្ថប្រយោជន៍នៃវីតាមីនD ត្រូវបានផ្សារភ្ជាប់នឹង ៖
- ការការពារជំងឺពុកឆ្អឹងនិងជំងឺផុយឆ្អឹង
- ថយចុះសម្ពាធឈាមចំពោះអ្នកជំងឺលើសឈាម
- បន្ថយអត្រានិងភាពធ្ងន់ធ្ងរនៃជំងឺសរសៃឈាមបេះដូង
- បន្ថយអត្រានៃជំងឺទឹកនោមផ្អែមប្រភេទទី២ដែលអ្នកស្រាវជ្រាវបានរកឃើញថាអ្នកដែលមានកម្រិតវីតាមីនD លើសពី២៥ណាណូក្រាមក្នុងមួយមីលីលីត្រមានការថយចុះហានិភ័យក្នុងការវិវត្តទៅជាជំងឺទឹកនោមផ្អែមប្រភេទទី២បាន៤៣ ភាគរយ បើធៀបទៅនឹងអ្នកដែលមានកម្រិតវីតាមីនD ទាបជាង១៤ណាណូក្រាមក្នុងមួយមីលីលីត្រ៕