Join with Health.com.kh on Telegram

​ខួរក្បាល​ស្លាប់ គឺជា​ពេល​មនុស្ស​ម្នាក់​មិន​មាន​សកម្មភាព​ណាមួយ នៅក្នុង​កោសិកា​ខួរក្បាល​របស់​ពួកគេ ហើយ​បាន​បាត់បង់​ស្មារតី និង​មិន​ដកដង្ហើម​ជា​រៀងរហូត​។ នេះ​អាច​កើតឡើង សូម្បី​តែ​នៅពេលដែល​ម៉ាស៊ីន​សប់​ខ្យល់​អាច​ធ្វើ​អោយរ​បេះ​ដូងរ​បស់​មនុស្ស​នោះ​លោត ហើយ​អុកស៊ីសែន​នៅតែ​អាច​ចរាចរ​ក្នុង​ឈាម​របស់​ពួកគេ​បាន​ក៏​ដោយ​។ មនុស្ស​មួយចំនួន ត្រូវ​បាន​បញ្ជាក់ថា “​បាន​ស្លាប់​” នៅពេល​ដែល​មុខងារ​កោសិកា​ខួរក្បាល​របស់​ពួកគេ​ត្រូវបាន​បាត់បង់​ជា​រៀងរហូត​។

គេ​បញ្ជាក់ថា បុគ្គល​ម្នាក់​បាន​ស្លាប់​នៅ​ពេល​ដែល​បេះដូង​គេ​ឈប់​លោត ហើយ​មិន​មាន​ការឆ្លើយតប និង​មិន​មាន​ការដកដង្ហើម​តទៅទៀត​។ កង្វះ​អុកស៊ីសែន​ដែល​បាន​កើតឡើង ជា​លទ្ធផល​នៃ​ការ​មិន​មាន​លំហូរ​ឈាម ដែលនាំអោយ​មាន​ការបាត់បង់​អចិន្ត្រៃយ៍​នៃ​មុខងារ​កោសិកា​ខួរក្បាល​យ៉ាង​ឆាប់រហ័ស​។ បច្ចុប្បន្ននេះ ការអះអាង​ថា បុគ្គល​ម្នាក់​បាន​ស្លាប់ គឺ​មាន​ភាពស្មុកស្មាញ​កាន់តែច្រើន ដោយសារ​តែ​គេ​អាច​រក្សា​អោយ​បេះដូង​នៅ​លោត បន្ទាប់​ពី​កោសិកា​ខួរក្បាល​បាន​ឈប់​ដំណើរការ​ជា​អចិន្ត្រៃយ៍​បាន​។ គេ​អាច​ធ្វើបាន​ដូច្នេះ​បាន ដោយ​នៅ​បន្ត​ប្រើ​ម៉ាស៊ីន​សប់​ខ្យល់ ដែល​អនុញ្ញាត​អោយ​រាងកាយ និង​បេះដូង​នៅតែ​មាន​អុកស៊ីសែន​ទៅ​ចិញ្ចឹម​។

​តែ​ទោះជា​យ៉ាងណា នៅពេល​ដែល​កោសិកា​ខួរក្បាល​បាន​ឈប់​ដំណើរការ​អចិន្ត្រៃយ៍​ហើយ​នោះ គឺ​មិន​មាន​វិធី​ណា​អាច​វិល​មក​រក​សភាព​ដើម​បាន​នោះទេ នៅ​ទីបំផុត បេះដូង​នឹក​ឈប់​លោត​បើទោះបីជា​ម៉ាស៊ីន​សប់​ខ្យល់​នៅតែ​បន្ត​ប្រើ​ក៏​ដោយ​៕