សាក់រូប បានក្លាយទៅជាការពេញនិយមមួយ ដែលមានប្រជាប្រិយភាព ប៉ុន្តែ យើងគួរតែចងចាំថា ផលប៉ះពាល់របស់វាក៏មានផងដែរ ជាពិសេស គឺការវះកាត់ដើម្បីយកស្នាមសាក់នេះចេញ។ ការចាក់សាក់ពាក់ព័ន្ធនឹងហានិភ័យនៃការឆ្លងមេរោគផងដែរ។
តើអ្វីទៅជាហានិភ័យនៃការសាក់?
ខាងក្រោមនេះ គឺជាផលវិបាកចម្បងមួយចំនួនដែលអាចបណ្តាលពីការសាក់ ៖
- ការឆ្លងមេរោគ ៖ ឧបករណ៍ចាក់សាក់ និងម្ជុលដែលមិនបានសំលាប់មេរោគ អាចចំលងជំងឺឆ្លងដូចជាជំងឺរលាកថ្លើមជាដើម។ ហានិភ័យនៃការឆ្លងមេរោគនេះ គឺជាហេតុផលដែលសេវាកម្មឈាមជាតិ មិនអនុញ្ញាតអោយអ្នកបរិច្ចាគឈាមរហូតដល់ទៅ ៦ ខែបន្ទាប់ពីសាក់រួច។
- បញ្ហានៃការលុបសាក់វិញ ៖ ទោះបីជាបច្ចុប្បន្នមានបច្ចេកវិទ្យាទំនើបក្នុងការប្រើកាំរស្មីឡាស៊ែ ដើម្បីលុបស្នាមសាក់ក៏ដោយ ក៏វាមានការឈឺចាប់ដែរ។ ដើម្បីលុបស្នាមសាក់បាន លោកអ្នកត្រូវទទួលការព្យាបាលជាច្រើន និងចំណាយពេលយូរ។ ការលុបស្នាមសាក់ដែលមិនបន្សល់ទុកនូវស្លាកស្នាម គឺមិនអាចទៅរួចនោះទេ។
- ប្រតិកម្ម ៖ ការប្រតិកម្មទៅនឹងសារធាតុពណ៌សំរាប់សាក់ គឺកម្រ តែបើមានវិញ គឺពិបាកក្នុងការធ្វើអោយបាត់វិញណាស់។ ជួនកាល មនុស្សអាចប្រតិកម្មអាលែកស៊ីទៅនឹងការចាក់សាក់របស់ពួកគេជាច្រើនឆ្នាំ។
- ឡើងដុំសាច់ Granulomas ៖ វាគឺជាដុំដែលបង្កើតឡើងដោយភាគល្អិតនៃជាតិពណ៌របស់សាក់៕
សាក់លើស្បែក បង្កផលប៉ះពាល់អ្វីខ្លះ?
