បុរសជនជាតិអាមេរិកម្នាក់បានដាក់ពាក្យបណ្តឹងទៅតុលាការថា គាត់គ្រាន់តែអោយពេទ្យកាត់ស្បែកគ្របក្បាលលិង្គសោះ ស្រាប់តែពេទ្យកាត់លិង្គរបស់គាត់ចោលតែម្តង។
បុរសម្នាក់នេះឈ្មោះ Johnny Lee Banks Jnr បានប្រាប់អោយដឹងថា គាត់បានទៅមន្ទីរពេទ្យមួយកន្លែងឈ្មោះ Princeton Baptist Medical Center ដើម្បីកាត់ស្បែកគ្របក្បាលលិង្គរបស់គាត់ ប៉ុន្តែ លិង្គរបស់គាត់ស្រាប់តែត្រូវបានគ្រូពេទ្យច្រឡំកាត់ចោលទៅវិញ។
ពាក្យបណ្តឹងដែលគាត់បានដាក់នោះ បានអោយដឹងថា គ្រូពេទ្យមិនបានប្រាប់ហេតុផលណាមួយសោះ មុននឹងកាត់លិង្គរបស់គាត់ចោល ហើយក៏មិនបានប្រាប់ ឬពន្យល់ថា ដំណើរការកាត់ស្បែកគ្រប់ក្បាលលិង្គអាចបណ្តាលអោយឈានដល់ការកាត់លិង្គចោលនោះដែរ។
ទោះបីជាយ៉ាងណាក៏ដោយ ជនជាប់ចោទដែលមានក្នុងរឿងក្តីនេះនិយាយថា ពួកគេបានធ្វេសប្រហែសក្នុងការមិនអាចស្វែងរកជំនួយការបាន ក្នុងពេលធ្វើការវះកាត់ដែលស្ថិតក្នុងស្ថានភាពពិបាក៕