បុរសម្នាក់ដែលបានទៅមន្ទីរពេទ្យពិនិត្យអាការៈឈឺក្រពះរបស់ខ្លួន នោះ ត្រូវបានគ្រូពេទ្យប្រាប់ថា “ការឈឺចាប់របស់គាត់ គឺបណ្តាលមកពីការមករដូវ ហើយគាត់ក៏ជាមនុស្សស្រីម្នាក់នឹងគេដែរ”។ បុរសដែលបានរៀបការួចឈ្មោះ Chen អាយុ ៤៤ ឆ្នាំ មកពីខេត្ត Zhejiang ប្រទេសចិន បានជួបនូវបទពិសោធន៍យ៉ាងពិតប្រាកដមួយនៃការឈឺចាប់ក្នុងពេលមករដូវ ។
គ្រូពេទ្យមានការភ្ញាក់ផ្អើលយ៉ាងខ្លាំងនៅពេលដឹងថា អ្នកជំងឺម្នាក់នេះមានសរីរាង្គប្រដាប់បន្តពូជភេទស្រីទាំងស្រុង ព្រមទាំងមានលិង្គទៀត។ ការដែលមានលិង្គបែបនេះបានធ្វើអោយគាត់ និងប្រពន្ធរបស់គាត់សប្បាយចិត្តអស់រយៈពេល ១០ ឆ្នាំមកហើយបន្ទាប់ពីរៀបការរួច។
បើយើងនិយាយតាមន័យ វេជ្ជសាស្ត្រវិញគឺថា មនុស្សម្នាក់នេះមានភេទពីរ ដោយគាត់មានហ្សែនជាភេទស្រី តែរូបរាងកាយជាភេទប្រុសទៅវិញ។ អ្នកខ្លះទៀតមានភេទទាំងពីរបែបនេះអាចនឹងផលិតទាំងមេជីវិតឈ្មោលផង និងមេជីវិតញីផងក្នុងខ្លួនតែមួយ។
ឆ្លងតាមការពិនិត្យ បានអោយដឹងថា បុរសម្នាក់នេះមានគូក្រូម៉ូសូមភេទស្រីមួយគូ។ ដូច្នេះហើយ គាត់គឺជាមនុស្សស្រីយ៉ាងពិតប្រាកដណាស់។
គ្រូពេទ្យបានប្រាប់ថា វាយឺតពេលទៅហើយដើម្បីស្វែងរកការព្យាបាលនោះ ពីព្រោះបញ្ហានេះអាចដោះស្រាយបានចំពោះមនុស្សវ័យក្មេងប៉ុណ្ណោះ៕