បន្ទាប់ពីទទួលបានរបាយការណ៍អំពីការកកឈាមកម្រក្នុងមនុស្ស ដែលទទួលការចាក់វ៉ាក់សាំងកូវីដ១៩ ចនសុន និងចនសុន (J&J) មក FDA និង CDC បានណែនាំឱ្យផ្អាកការប្រើប្រាស់វ៉ាក់សាំងនះ ដើម្បីរង់ចាំការស៊ើបអង្កេតបន្តទៀត។
ទាំងនេះគឺជាអ្វីដែលអ្នកត្រូវដឹងអំពីការផ្អាកចាក់វ៉ាក់សាំង នេះ៖
ហេតុអ្វីបានជាការផ្អាកត្រូវបានស្នើឡើង?
បន្ទាប់ពីពិនិត្យមើលទិន្នន័យរួចមក ភ្នាក់ងារបានរកឃើញរបាយការណ៍ចំនួន ៦ អំពីមនុស្សដែលធ្លាប់មានបញ្ហាឈាមកម្រ ដោយរួមផ្សំជាមួយនឹងប្លាកែតទាប ដែលជាកោសិកាឈាមតូចបំផុត និងពាក់ព័ន្ធនឹងការកកឈាម។ របាយការណ៍ទាំង ៦ ត្រូវបានរកឃើញថាបានផ្តល់លើសពី ៦,៨ លានដូស។
តើមានអ្វីទៀតដែលត្រូវបានគេស្គាល់?
យោងតាមសេចក្តីថ្លែងការណ៍រួមមួយ បានអោយដឹងថា ករណីទាំង ៦ នេះគឺកើតមានលើស្ត្រីដែលមានអាយុចន្លោះពី ១៨-៤៨ ឆ្នាំ។ រោគសញ្ញាបានកើតឡើង៦-១៣ ថ្ងៃបន្ទាប់ពីការចាក់វ៉ាក់សាំង។ ប្រភេទនៃកំណកឈាមត្រូវបានគេស្គាល់តាមវេជ្ជសាស្ត្រថា ជាជំងឺស្ទះសរសៃឈាមខួរក្បាល (CVST) ហើយត្រូវបានគេមើលឃើញថា មានការរួមបញ្ចូលគ្នាជាមួយកម្រិតប្លាស្មាឈាមទាប។
ក្នុងចំណោមករណីទាំង ៦ មានស្ត្រីម្នាក់បានស្លាប់។ ម្នាក់ទៀតស្ថិតក្នុងស្ថានភាពធ្ងន់ធ្ងរ។
CDC និង FDA និយាយថាការព្យាបាលកំណកឈាមប្រភេទនេះ គឺខុសគ្នាពីប្រភេទដទៃទៀត។ ជាធម្មតាថ្នាំប្រឆាំងនឹងអុកស៊ីតកម្ម heparin ត្រូវបានប្រើ។ ប៉ុន្តែ ចំពោះកំណកឈាមប្រភេទនេះ ការព្យាបាលជំនួសអាចត្រូវការជាចាំបាច់។
ហេតុអ្វីវាកើតឡើង?
មិនមានចម្លើយច្បាស់លាស់ទេ ប៉ុន្តែវាហាក់ដូចជាមានការឆ្លើយតបនៃប្រព័ន្ធភាពស៊ាំទាក់ទងនឹងវ៉ាក់សាំង J&J ដែលជះឥទ្ធិពលយ៉ាងធ្ងន់ធ្ងរដល់មុខងាររបស់ផ្លាកែត ដែលជាហេតុរារាំងដំណើរការឈាមកកធម្មតា មិនឱ្យកើតឡើង។
ហេតុអ្វីបានជាវាហាក់ដូចជាប៉ះពាល់ដល់ស្ត្រីច្រើនជាងបុរស?
រឿងនេះ មិនទាន់ត្រូវបានគេដឹងនៅឡើយទេ។ នេះជាការពិតសម្រាប់វ៉ាក់សាំង AstraZeneca ក៏ដូចចេះ្នដែរ ជាមួយនឹងបញ្ហាកំណកឈាម។ ប្រសិនបើវាជាបញ្ហាទាក់ទងនឹងប្រព័ន្ធភាពស៊ាំស្ត្រី ជាទូទៅទំនងជាមានបញ្ហាទាំងនោះច្រើនជាងបុរស ។
តើអ្នកដែលចាក់វ៉ាក់សាំង J&J គួរដឹង និងធ្វើដូចម្តេច?
សូមចងចាំថារបាយការណ៍នៃការកកឈាម គឺកម្រណាស់។ ឱកាសគឺប្រហែល ១ ក្នុងមួយលាន ផ្អែកលើរបាយការណ៍ ៦ ក្នុងចំណោម ៦,៨ លានដូសដែលបានផ្តល់។
អ្នកដែលបានចាក់វ៉ាក់សាំង គួរតែមានការប្រុងប្រយ័ត្នចំពោះរោគសញ្ញា។ ប្រសិនបើអ្នកបានទទួលវ៉ាក់សាំង ចនសុននិងចនសុន ហើយមានការឈឺក្បាលធ្ងន់ធ្ងរ ឈឺពោះ ឈឺជើង ឬដង្ហើមខ្លីក្នុងរយៈពេល 3 សប្តាហ៍បន្ទាប់ពីទទួលថ្នាំបង្ការសូមទាក់ទងអ្នកផ្តល់សេវាថែទាំសុខភាពរបស់ពួកគេ៕