Join with Health.com.kh on Telegram

​អំបិល​គឺជា​សារធាតុ​មួយ​ដែល​អាក្រក់​ចំពោះ​អាហារ​របស់​ជនជាតិ​អាមេរិក​។ ជា​មធ្យម​, មនុស្សពេញវ័យ​ញ៉ាំ​៣.៤៦៣​មី​លី​ក្រាម​នៃ​សូ​ដ្យូ​ម​ក្នុង​មួយថ្ងៃ​។ ៥០%​បាន​ញ៉ាំ​ជាតិ​ប្រៃ​លើសពី​២.៣០០​មី​លី​ក្រាម​ក្នុង​មួយ​ថ្ងៃ​ចំពោះ​មនុស្សពេញវ័យ​ដែលមាន​អាយុ​តិចជាង​៥០​ឆ្នាំ និង​លើសពី​ពីរដង​ដែល​ញ៉ាំ​១.៥០០​មី​លី​ក្រាម​បានបង្ហាញ​ថា ចំនួន​នៃ​អ្នក​ញ៉ាំ​នេះ​មាន​លើស​ពី​ពាក់កណ្តាល​(​រួម​មាន​អ្នក​ដែល​មាន​ជំងឺ​ទឹកនោម​ផ្អែម​, ជំងឺ​ខ្សោយតម្រងនោម​រ៉ាំរ៉ៃ ឬ​ជំងឺ​លើសឈាម​)​។ ប៉ុន្តែ​ឥឡូវនេះ​វិទ្យាស្ថាន​វេជ្ជសាស្ត្រ​បាន​ធ្វើ​សេចក្តីរាយការណ៍​ថា ការ​ញ៉ាំ​ជាតិ​ប្រៃ​តិចជាង​១.៥០០​មី​លី​ក្រាម​ក្នុង​មួយ​ថ្ងៃ​អាច​មិន​សំខាន់​នោះទេ​។​

​មិន​ចាំបាច់​ទៅ​តិចពេក​នោះទេ
​វា​មិន​មាន​ការបង្ហាញ​ថា វេជ្ជបណ្ឌិត ប្រេន ស្ត្រម (Brain Strom) បាន​និយាយថា ការ​ញ៉ាំ​សូ​ដ្យូ​ម​ក្រោម​២.៣០០​មី​លី​ក្រាម​ផ្តល់​ភាពប្រសើរ​ឡើង​ដល់​សុខភាព​នោះទេ​។ សេចក្តីរាយការណ៍​បាន​មើល​ទៅលើ​ការស្រាវជ្រាវ​៣៤​ដែល​បាន​បង្ហាញ​ពី​សុខភាព​របស់​មនុស្ស​ដែល​ញ៉ាំ​អំបិល​ច្រើន​ក្នុង​រយៈពេល​១៨​ឆ្នាំ​។

សរុបមក​, វា​មិន​មាន​ការបង្ហាញ​ណា​ថា មនុស្ស​, ទោះជា​ស្ថិតនៅក្នុង​ក្រុម​ដែល​មាន​ហានិភ័យ​, ដែល​ញ៉ាំ​ជាតិ​ប្រៃ​តិចជាង ២.៣០០​មី​លី​ក្រាម​ក្នុង​មួយថ្ងៃ មានការ​គាំងបេះដូង ឬ​ជំងឺ​ដាច់​សរសៃឈាម​ក្នុង​ខួរក្បាល​តិចជាង​អ្នក​ដែល​ញ៉ាំ​ប្រៃ​ច្រើន​នោះ​ទេ​។​


អាហារ​ដែល​មាន​ជាតិ​ប្រៃ​តិច​ក៏​អាច​មាន​ការប៉ះពាល់​ផងដែរ​
​មនុស្ស​ជាច្រើន​ភ្លេច​ថា សូ​ដ្យូ​មគឺ​ជា​សារធាតុចិញ្ចឹម​មួយ​សំខាន់​សម្រាប់​មុខងារ​របស់​ខ្លួន​ប្រាយ​យើង ដែល​រួមមាន ជួយ​គ្រប់គ្រង​ចង្វាក់បេះដូង និង​ជួយ​បញ្ចូន​សញ្ញា​ទៅ​កាន់​ខួរក្បាល​។ ហើយ​ជាតិ​ប្រៃ​តិចពេក​អាច​ជម្រុញ​អោយមាន​ហានិភ័យ​នៃ​សុខភាព​ទៅវិញ​នោះទេ​។ ការស្រាវជ្រាវ​មួយ​នៅក្នុង​ឆ្នាំ​២០១១​ដែល​បាន​ត្រូវ​ធ្វើ​លើ​មនុស្ស​២៨.៨០០០​នាក់​ដែល​មាន​ជំងឺ​បេះដូង ឬ​ជំងឺ​ទឹកនោម​ផ្អែម បាន​រកឃើញថា អ្នក​ដែល​ញ៉ាំ​សូ​ដ្យូ​មតិ​ចជាង​២.០០០​មី​លី​ក្រាម​ក្នុង​មួយ​ថ្ងៃ​ហាក់ដូចជា​មាន​៣៧%​បាន​ស្លាប់​ដោយសារ​ជំងឺ​បេះដូង ច្រើន​ជាង​អ្នក​ដែល​ញ៉ាំ​សូ​ដ្យូ​ម​ពី​៤.០០០​មី​លី​ក្រាម ទៅ​៦.០០០​មី​លី​ក្រាម​ក្នុង​មួយថ្ងៃ​។

នៅពេល​ដែល​ការ​ញ៉ាំ​ជាតិ​ប្រៃ​មាន​ការធ្លាក់ចុះ​, កម្រិត​នៃ​កូ​ឡេ​ស្តេ​រ៉ុល និង​ខ្លាញ់​នៅក្នុង​ឈាម​អាច​កើនឡើង ដែល​នេះ​អាច​នាំអោយ​មាន​បញ្ហា​សរសៃឈាម​បេះដូង​។​


​ទាក់ទង​ទៅនឹង​សម្ពាធ​ឈាម​
​ការស្រាវជ្រាវ​អស់​ជាច្រើន​ឆ្នាំ​បានបង្ហាញ​ថា ការ​ញ៉ាំ​អាហារ​ដែល​មាន​ជាតិ​ប្រៃ​តិចពេក​អាច​បន្ថយ​សម្ពាធ​ឈាម ប៉ុន្តែ​វិទ្យាស្ថាន​វេជ្ជសាស្ត្រ​បាន​រកឃើញ​លើស​ពី​កត្តា​ហានិភ័យ​ទៅទៀត​។ វេជ្ជបណ្ឌិត ម៉ៃ​ឃើ​ល អាល់​ដឺរ​ម៉េន (Michael Alderman) ជា​សាស្ត្រាចារ្យ​ដែល​មក​ពី​មហាវិទ្យាល័យ​វេជ្ជសាស្ត្រ Albert បាន​និយាយថា មិន​មាន​នរណា​ម្នាក់​និយាយថា ការថយចុះ​ការ​ញ៉ាំ​ជាតិ​ប្រៃ​មាន​ឥទ្ធិពល​វិជ្ជមាន​លើ​សម្ពាធ​ឈាម​នោះ​ទេ​។ ប៉ុន្តែ​អត្ថប្រយោជន៍​មួយ​មិន​គិតគូរ​ទៅលើ​ផលវិបាក​ដែល​រួមមាន ការកើនឡើង​កូ​ឡេ​ស្តេ​រ៉ុល និង​ការ​ស៊ាំ​នឹង​អរ​ម៉ូ​ន​អាំង​ស៊ុយ​លីន​ដែល​អាច​មក​ជាមួយនឹង​ការកាត់បន្ថយ​ការ​ញ៉ាំ​ប្រៃ​ពី​អាហារ​នោះទេ​។​


​យើង​ត្រូវការ​កម្រិត​មធ្យម​នៃ​ការ​ញ៉ាំ​ជាតិ​ប្រៃ​
​ជា​ការពិត​, ជនជាតិ​អាមេរិក​ជាច្រើន​នាក់​កំពុងតែ​ញ៉ាំ​ជាតិ​ប្រៃ​លើសពី​២.៣០០​មី​លី​ក្រាម​ក្នុង​មួយថ្ងៃ និង​ផលវិបាក​អាច​ធ្ងន់ធ្ងរៈ អ្នក​ដែល​ឈានទៅរក​ជំងឺលើសឈាម​ដែល​បាន​ញ៉ាំ​ជាតិ​ប្រៃ​លើសពី​៣.៦០០​មី​លី​ក្រាម​ក្នុង​មួយ​ថ្ងៃ​លើសពី​១៨​ខែ គឺ​មាន​ឪ​កាស​ទ្វេដង​ក្នុង​ការ​មាន​បញ្ហា​គាំងបេះដូង​, ជំងឺ​ដាច់​សរសៃឈាម​ខួរក្បាល ឬ​ការវះកាត់​បេះដូង​១៥​ឆ្នាំក្រោយ បើ​ធៀប​ទៅ​នឹង​អ្នក​ដែល​បាន​បន្ថយ​ការ​ញ៉ាំ​ប្រៃ​មក​ត្រឹម​២.៣០០​មី​លី​ក្រាម​ក្នុង​មួយថ្ងៃ​, នេះ​ដោយយោង​តាម​ការស្រាវជ្រាវ​ដែល​ត្រូវ​បាន​ចេញផ្សាយ​នៅក្នុង​កាសែត BMJ​។ ដូចនេះ​, មនុស្ស​គ្រប់រូប​គួរតែ​ញ៉ាំ​វា​ក្នុង​កម្រិត​មធ្យម​។ ស្ត្រម​បាន​និយាយថា មនុស្ស​ភាគច្រើន​គួរតែ​កាត់បន្ថយ ប៉ុន្តែ​ទៅ​តាម​ការណែនាំ​, វា​អាច​ជួយ​យើង​អោយ​ទទួលបាន​ប្រយោជន៍​ដល់​សុខភាព​នោះ​៕