ទម្លាប់រស់នៅជាប្រចាំថ្ងៃ ដែលប្រកបដោយស្រេស នាពេលបច្ចុប្បន្ននេះ គឺមានចំណែកធ្វើអោយ សុខភាពរបស់អ្នក ធ្លាក់ចុះ។ វាមិនត្រឹមតែប៉ះពាល់ទៅដល់ សុខុមាលភាពរាងកាយ ប៉ុណ្ណោះទេ វាថែម ទាំងអាច រុករានផងដែរស្ថានភាពលំនឹងនៃ សុខភាពផ្លូវចិត្ត។ មនុស្សជាច្រើន ចាប់ផ្តើមក្លាយជា ឆាប់ខឹងច្រើន ហើយក្នុងករណីខ្លះ ពួកគេអាចនឹងបន្តមាននូវ អត្តចរិតសាហាវព្រៃផ្សៃ ពីមួយថ្ងៃ ទៅមួយថ្ងៃ។ ក្រៅពីកត្តាស្រេ្តស ស្ថានភាពផ្សេងទៀត ដូចជាបម្រែបម្រួលនៃអារម្មណ៍ ក៏នឹងរួមចំណែក បង្កអោយមាន បញ្ហានេះបានផងដែរ ។ ដូច្នេះ តើអ្នកអាចធ្វើការគ្រប់គ្រង នូវការផ្លាស់ប្តូរអារម្មណ៍ជាញឹកញាប់របស់អ្នក បានដូចម្តេចខ្លះ ? សូមក្រឡេកមើលនូវ ដំណោះស្រាយដូចខាងក្រោមនេះ ៖
ជាដំបូង អ្នកត្រូវធ្វើការកំណត់ អោយបានច្បាស់ពី បញ្ហាដែលបាន កើតមានចំពោះអ្នក។ ពេលខ្លះ អ្នក មិនទាំងដឹងខ្លួនឯងផង ថាអ្នកបានរងគ្រោះពីបញ្ហានៃបម្រែបម្រួលអារម្មណ៍នេះ ហើយអ្នក គ្រាន់តែធ្វើ ការស្តីបន្ទោស ទៅលើ អាកាសធាតុ ឬ ប្រភពមជ្ឈដ្ឋានខាងក្រៅទៅវិញ ។ប្រសិនបើអ្នក យល់ឃើញថា ខ្លួនអ្នក មានភាពមិនសប្បាយចិត្ត ឬ មានមិត្តភក្តិ ឬ មិត្តរួមការងារ ប្រាប់ថា មួយរយៈនេះ អ្នកហាក់ដូច ជាឆេវឆាវ នោះអ្នកត្រូវតែប្រញាប់យកចិត្តទុកដាក់ ចំពោះបញ្ហានេះ ។ វាអាចនឹងបណ្តាលមកពី បម្រែ បម្រូលដ៏លឿនរបស់អារម្មណ៍អ្នក។ គ្មាននរណាម្នាក់ ចង់អោយគេធ្វើការរិះគន់ខ្លួនជាសាធារណៈ នោះទេ ហើយប្រសិនបើនេះ ជាមូលហេតុដែលធ្វើអោយ អ្នកបញ្ចេញនូវកំហឹង ចេញមកក្រៅ នោះអ្នកត្រូវតែ ធ្វើការព្យាយាមអត់ធ្មត់ ដោយចេះ គ្រប់អារម្មណ៍ខ្លួនឯង និង មិនត្រូវផ្តល់អោយឱកាសអោយអ្នក ដទៃ សប្បាយចិត្តនឹងមើលឃើញអ្នក ទន់ជ្រាយនោះទេ ។
ទីពីរ អ្នកត្រូវចេះសម្លឹងឃើញពន្លឺជាវិជ្ជមាន នៅក្នុងជីវិតអ្នក ។ វាមិនអាចទៅរួចនោះទេ ដែលថា រាល់ពេលទាំងអស់ អ្វីៗនឹងសុទ្ធតែជាភាពអវិជ្ជមាន ឬ សុទ្ធតែមានភាពវិជ្ជមានទាំអស់ ចំពោះអ្នកទេ ។ ប្រសិនបើអ្នក កំពុងតែស្ថិតក្នុងស្ថានភាព តឹងតែងណាមួយ អ្នកគ្រាន់តែ ព្យាយាមធ្វើអារម្មណ៍អោយ ស្ងប់ និង ដកដង្ហើមចេញចូល អោយបានវែងៗ ។ អ្នកត្រូវតែមានទំនុកចិត្ត ចំពោះអ្វីដែលអ្នកបានគិត អំពីខ្លួន អ្នក ។ ប្រសិនបើមាននរណាម្នាក់ រិះគន់អ្នក ដោយសារតែអ្នកស្ថិតក្នុង សហគមន៍ឬ ជាតិសាសន៍ ប្លែកពីគេ ណាមួយ នោះវាគឺជា ការប្រកាន់ពូជន៍សាសន៍របស់ពួកគេ ហើយវានឹងមិនមានអ្វី ដែលត្រូវ ទាក់ទងដោយផ្ទាល់ជាមួយនឹងអ្នក នោះទេ។ វាអាចនឹងមានមនុស្ស ជាច្រើនផ្សេងទៀត ដែលនឹង ចូល ចិត្ត និង ស្រលាញ់នូវអ្វីដែលអ្នកមាន ហើយវានឹងពិតជាសំខាន់ជាងអ្វីផ្សេងទៀត ដែលមនុស្សដទៃចង់ ផ្លាស់ប្តូរអ្នក ៕