វាជា ការធម្មតានោះទេ ដែលនៅថ្ងៃខ្លះ អ្នកមានអារម្មណ៍ថាខ្សោះអស់កំលាំងជាខ្លាំង។ អ្នកហាក់ដូចជា មាន អារម្មណ៍ថា គ្មានកំលាំងក្នុងការក្រោកពីព្រឹកទាល់តែសោះ , ឬចង់ធ្វើអ្វីផ្សេងទៀតនោះទេ ។ ប្រសិនបើមាន បញ្ហា នេះកើតឡើងចំពោះអ្នក នោះមានន័យថា ថាមពលរាងកាយរបស់អ្នកគឺកំពុង តែមានកម្រិតទាប ហើយអ្នកត្រូវធ្វើ ការបង្កើនវា។ វាមានវិធីឆ្នៃប្រឌិត ក្នុងការបង្កើនថាមពលរបស់អ្នក ដូចជាការ ផឹកភេសជ្ជះផ្តល់ថាមពលផ្សេងៗ ប៉ុន្តែ ពួកវាមិនសូវជាសុវត្ថិភាពចំពោះសុខភាពអ្នក នោះទេ។ អត្ថបទនេះនឹងបង្ហាញអ្នក ពីវិធីក្នុងការបង្កើនកម្រិត ថាមពលរបស់អ្នក តាមបែបធម្មជាតិ។
- ដេក៖ អ្នកត្រូវ ការផ្តល់អោយខ្លួនអ្នក នូវការសម្រាកអោយបានគ្រប់គ្រាន់ ហេតុដូចនេះ ហើយទើបជា មានការណែនាំថា អ្នកត្រូវគេងអោយបានយ៉ាងហោចណាស់ពី៧ទៅ៨ម៉ោង។ខណៈពេល ដែលអ្នក កំពុង គេង នោះរាងកាយរបស់អ្នក នឹងធ្វើការចាប់ផ្តើមជួសជុល និងបំប៉ននូវថាមពលដែលបានបាត់បង់ នៅ ក្នុងពេលថ្ងៃ។ លើសពីនេះ ទៅទៀតនោះគឺថា កោសិកាខួរក្បាលរបស់អ្នកនឹងធ្វើការបញ្ចូលថាមពល និង ធ្វើយុវកម្ម។ ប្រសិនបើអ្នកបានចាប់អារម្មណ៍ នូវយប់ដែលអ្នកមិនបាន គេងលក់បានស្កប់ស្កល់ នោះអ្នកនឹង ហាក់មានភាពធីងធោង ឬ អស់កំលាំងផ្នែកសតិអារម្មណ៍។ សរុបមក គឺអ្នកត្រូវផ្តល់ការ សម្រាក តាមដែលខ្លួនអ្នកត្រូវការ ។
- ការធ្វើលំហាត់ប្រាណ៖ មិនថាប្រភេទនៃលំហាត់ប្រាណ ណាមួយទេ គឺពិតជាមានអត្ថប្រយោជន៍ចំពោះ សុខភាពរាងកាយរបស់អ្នកទាំងអស់ តាមដែលការប្រាណនេះ អាចជួយបង្កើននូវចរន្តឈាមរត់ នៅក្នុង ខ្លួនប្រាណ ហើយវាក៏អាចជួយ យកចេញនូវជាតិជាតិពុលពីក្នុងឈាម និង បង្កើននូវកម្រិតអុកស៊ីសែន ។ នៅពេលដែលជាតិពុល ត្រូវបានយកចេញពីក្នុងរាងកាយ នោះសិរីរៈទាំងឡាយ ហាក់នឹងដំណើរការ ទៅ បាន យ៉ាងប្រសិទ្ធភាពជាងមុន។ លំហាត់ប្រាណ ដែលល្អប្រសើរបំផុតនោះមាន ការធ្វើលំហាត់ប្រាណ នៅខាងក្រៅផ្ទះ ឬ ការហាត់ប្រាណផ្នែកសសៃឈាមបេះដូង មានដូចជា៖ ការដើរ, ការរត់ត្រិះៗ, ការហែល ទឹក ឬការធាក់កង់ជាដើម។ ចំពោះស្ត្រីមានគភ៌ ដែលមានកម្រិតថាមពលចុះទាប ហើយមានបំណងចង់ បង្កើនកម្រិតថាមពល នោះវាជាការប្រសើរបំផុត ក្នុងការធ្វើការពិភាក្សាជាមួយនឹង គ្រូពេទ្យផ្នែកសម្ភព ដើម្បីទទួលបាន នូវការណែនាំនៃ ការធ្វើការលំហាត់ប្រាណដ៏សាកសម ដើម្បីធ្វើការបង្កើន ថាមពល របស់ ពួកគេ ។
- ទទួលទានអាហារ៖ មានប្រភេទអាហារ មួយចំនួនដែលអ្នក អាចបន្ថែមនៅក្នុងរបបអាហាររបស់ អ្នកមានដូច ជាផ្លែឈើ, ស៊ុត និង បន្លែ ក៏ដូចជាការផឹកទឹកអោយបានច្រើនផងដែរ។ អ្នកក៏អាច បន្ថែមផងដែរនូវអាហារ ដែលមាន ជាតិប្រូតេអ៊ីនមាន ដូចជាសាច់គ្មានខ្លាញ់, ត្រី និង យ៉ាអួរ ហើយអ្នក ក៏ត្រូវចងចាំផងដែរ ថាអ្នក មិនត្រូវអត់ទទួលទានអាហារពេលព្រឹកនោះទេ។ ជៀសវាងអាហារដែលមាន ជាតិស្ករខ្ពស់, អាហារដែល ធ្វើរួចជាស្រេច និង សុរា តាមដែលវាអាច បឺតស្រូប តាមថាមពល របស់អ្នក បានយ៉ាងច្រើន។
កត្តាផ្សេងទៀតដែលអ្នកគួរពិចារណា
- កុំធ្វើការអោយហួសកំលាំងរបស់អ្នក។
- ទទួលទានអាហារបន្ថែមដូចជា ពពួកវីតាមីន និង ជាតិរ៉ែតាមដែលខ្លួនអ្នកត្រូវការ។
- ព្យាយាមលុបបំបាត់ និង ធ្វើការគ្រប់គ្រងស្ថានភាពស្ត្រេស នៅក្នុងជីវិតរបស់អ្នក។
- អនុវត្តការធ្វើលំហាត់ប្រាណ ដោយការដកដង្ហើមចូលអោយបានយូរ ឬ ធ្វើលំហាត់ប្រាណបែបយ៉ូហ្គា ដើម្បី ធ្វើអោយផ្លូវចិត្តរបស់អ្នក បានស្ងប់ស្ងាត់ល្អ និង ជួយក្នុងការធ្វើយុវកម្ម។
- ទៅពិនិត្យសុខភាពអោយបានទៀងទាត់ និង ធ្វើការពិភាក្សាជាមួយនឹងគ្រូពេទ្យអំពីបញ្ហានេះ ។ មានស្ថាន ភាពផ្នែកវេជ្ជសាស្ត្រ ដែលអាចបណ្តាលអោយអ្នកមានអារម្មណ៍ថា អស់កំលាំង និង ចុះខ្សោយ។
ទាំងនេះគឺជា វិធីនៃការបង្កើនកម្រិតថាមពលរបស់អ្នក តាមបែបធម្មជាតិ។ ជាពិសេសប្រសិនបើ អ្នកមានអារម្មណ៍ថា ថាមពលរបស់អ្នកបាន ធ្លាក់ចុះនៅពេលដែលអ្នកកំពុងតែមានសកម្មភាពផ្លូវកាយយ៉ាងសកម្ម ។ចូរធ្វើការអនុវត្តន៍ នូវវិធីទាំងនេះ នៅក្នុងជីវិតប្រចាំថ្ងៃរបស់អ្នក ហើយអ្នក នឹងមិនចាំបាច់មានការព្រួយ បារម្ភពី ការអស់កំលាំងនេះទៀតទេ ៕