ឥឡូវនេះ យើងមានវ៉ាក់សាំងដែលការពារករណីភាគច្រើននៃកូវីដ១៩ ហើយយើងក៏មានថ្នាំ ដែលជួយក្នុងរោគសញ្ញាធ្ងន់ធ្ងរបំផុតនៃជំងឺនេះផងដែរ។
បច្ចុប្បន្ន ក្រុមអ្នកជំនាញកំពុងផ្តោតលើការបង្កើតការព្យាបាលកូវីដ១៩ ដែលមិនចាំបាច់ផ្តល់ឱ្យតាមរយៈការចាក់ថ្នាំ ឬចាក់បញ្ចូលឈាមឡើយ។
ក្រុមអ្នកជំនាញសង្ឃឹមថា នឹងបង្កើតថ្នាំគ្រាប់ដែលត្រូវបានគេវាស់វែង ដើម្បីកំណត់រកមេរោគឆ្លង ដែលមានលក្ខណៈសន្សំសំចៃ និងមានផលប៉ះពាល់ដែលអាចទ្រាំទ្របាន។
វាក៏អាចមានប្រសិទ្ធិភាព ក៏ដូចជាការព្យាបាលអង្គបដិប្រាណ ដែលត្រូវការរយៈពេលមួយម៉ោងនៃការចាក់បញ្ចូលតាមសរសៃឈាម។
អ្នកផលិតថ្នាំ Merck ត្រូវបានគេរំពឹងថា នឹងបង្ហាញទិន្នន័យសំខាន់ស្តីពីការព្យាបាលតាមមាត់។ ហើយក៏មានការព្យាបាល ដែលត្រូវបានបង្កើតដំបូងសំរាប់វីរុសជំងឺរលាកថ្លើមប្រភេទ C ដែលអាចមានលទ្ធផលជាកត្តាសំខាន់នៅក្នុងប៉ុន្មានខែខាងមុខនេះ។
ទោះយ៉ាងណាក៏ដោយអ្វីដែលទទួលបានជោគជ័យបំផុត គឺថ្នាំប្រឆាំងវីរុសពី Pfizer ដែលត្រូវបានផលិតជាពិសេសសម្រាប់វីរុសកូរ៉ូណា។ វាបានចូលក្នុងការសាកល្បងព្យាបាលដំបូងរបស់ខ្លួនកាលពីខែមុន៕