Join with Health.com.kh on Telegram

ការចាក់​ថ្នាំ​ពន្យា​កំណើត​គឺជា​វិធី​ពន្យា​កំណើត​ដ៏​មាន​ប្រសិទ្ធភាព​មួយ​តាមរយៈ​ការចាក់​បញ្ចូល​អ័រម៉ូន Progestin នៅ​ដើមដៃ​ខាងលើ ឬ​កំប៉េះគូថ​ស្ត្រី​ជា​រៀងរាល់​បី​ខែ​ម្តង​។ ការចាក់​ថ្នាំ​ពន្យា​កំណើត​ប្រភេទ​នេះ​ជួយ​អោយ​រាងកាយ​ស្ត្រី​ឈប់​បញ្ចេញ​មេ​ជីវិត​ញី​ដែល​តែងតែ​ចេញ​ជា​រៀងរាល់​ខែ​បាន​។ វា​គឺជា​វិធីសាស្ត្រ​ដ៏​មាន​ប្រសិទ្ធភាព​បំផុត ប៉ុន្តែ​ស្ត្រី​ម្នាក់​អាច​មាន​ផ្ទៃពោះ​បាន​បើសិនជា​នាង​មិន​ចាក់​ថ្នាំ​នៅ​រយៈពេល​បី​ខែ​ក្រោយ​។​
 
​ថ្នាំ​ចាក់​ពន្យា​កំណើត​មាន​ប្រសិទ្ធភាព​ដូច​ម្តេច​?
​ស្ត្រី​ភាគច្រើន វដ្ត​រដូវ​ពួកគេ​នឹង​ចុះថយ​បន្តិច​ម្តងៗ​។ ក្រោយ​ពី​រយៈពេល ៦ ទៅ​១២​ខែក្រោយ ពាក់កណ្តាល​នៃ​ស្ត្រី​ទាំងអស់​ដែល​ប្រើ​វិធី​ពន្យា​កំណើត​ដោយ​ការចាក់​ថ្នាំ​បានអោយដឹងថា អាច​បញ្ឈប់​ការ​មក​រដូវ​របស់​ពួកគេ​បាន​ទាំងស្រុង​។ ស្ត្រី​មួយ​ចំនួន​ក៏​ប្រហែលជា​ធ្លាប់​មាន​អាការៈមក​រដូវ​យូរ និង​ច្រើនៗ​។​
 
​តើ​ថ្នាំ​ចាក់​ពន្យា​កំណើត​ដូច​ម្តេចទៅ​?
​អ័រម៉ូន Progestin ដែល​ចាក់​នោះ​ជួយ​បង្ការ​កុំអោយ​ក្រពេញ​អូវ៉ែ​បញ្ចេញ​មេ​ជីវិត​ញី ដើម្បី​បង្ក​កំណើត​ជា​មួយ​មេ​ជីវិត​ឈ្មោល​បាន​។ អ័រម៉ូន Progestin ក៏​ធ្វើអោយ​ភ្នាស​កម្រាល​របស់​ស្បូន​ស្តើង ដើម្បី​កុំអោយ​មេ​ជីវិត​ញី​និង​ឈ្មោល​ដែល​រលាយ​ចូលគ្នា​រួច​អាច​កាច់​សម្បុក​ក្នុង​ស្បូន​បាន​។​
 
​អត្ថប្រយោជន៍​នៃ​ការចាក់​ថ្នាំ​ពន្យា​កំណើត​
– វា​ងាយស្រួល​ប្រើ ហើយ​អ្នក​មិនបាច់ចាំ​ត្រូវ​ប្រើ​ថ្នាំ​គ្រាប់​រាល់​ថ្ងៃ​ឡើយ​។​
– ថ្នាំ​ចាក់​ពន្យា​កំណើត​ជួយ​បង្ការ​ជំងឺមហារី​កម្រា​លខាង​ក្នុង​ស្បូន​។​
– ថ្នាំ​ចាក់​ពន្យា​កំណើត​មិនមាន​ផ្ទុក​អ័រម៉ូន Estrogen ដូច្នេះ​វា​គឺជា​ជម្រើស​ដ៏​ល្អ​សម្រាប់​ស្ត្រី​ដែល​បំបៅ​ដោះកូន ឬ​ស្ត្រី​ដែល​មិន​អាច​ប្រើ​អ័រម៉ូន Estrogen បាន​។​
– មិន​បាច់​មាន​ការពិបាក​លើ​ការប្រើ​ថ្នាំ​គ្រាប់​ពន្យា​កំណើត ហើយ​ជីវិត​ផ្លូវភេទ​ក៏​កាន់តែ​ស្រួល​ជាង​មុន​ដែរ​។​
– វា​គឺជា​មធ្យោបាយ​ពន្យា​កំណើត​រយៈពេល​យូរ​។​
– កាត់បន្ថយ​ឱកាស​នៃ​ការឈឺចាប់​ពេល​ផ្ទុះ​បែក​អូ​វ៉ុល​, គីស​ក្នុង​ក្រពេញ​អូ​វ៉ែ និង​ជំងឺ​រលាក​អាង​ត្រគៀក​។​
 
​ផល​រំខាន​
– អ្នក​ប្រហែល​មាន​អារម្មណ៍​ថា​ឃ្លានបាយ​ជាង​ធម្មតា ដែល​វា​ជា​ហេតុនាំអោយ​ឡើង​ទម្ងន់​
– អាច​បណ្តាល​អោយ​កើតមុន​, បាក់​ទឹកចិត្ត និង​ឈឺក្បាល​
– ប្រឈម​នឹង​ជំងឺ​ពុក​ឆ្អឹង​កាន់តែខ្លាំង​
– ប្រហែលជា​មាន​ការ​ផ្លាស់​ប្តូរ​ចំណង់​ផ្លូវភេទ​, ឈឺ​សុដន់ និង​ជ្រុះ​សក់​
– រដូវ​មក​មិន​ទៀងទាត់​គឺជា​ផល​រំខាន​ដែល​កើតមាន​ជា​ញឹកញាប់​ជាង​គេ​
– មិន​អាច​ការពារ​ជំងឺ​កាមរោគ​បាន​៕