សព្វថ្ងៃនេះ វាប្រហែលជារឿងមួយដែលកើតមានជាញឹកញាប់សម្រាប់គូសង្សារជាច្រើនដើម្បីមានភាពស្និទ្ធស្នាលគ្នាមុនពេលឈានជើងទៅដល់ចំណងដ៏តឹងមួយ ប៉ុន្តែការសិក្សាជាច្រើនបានអោយដឹងថា គូសង្សារដែលរងចាំមិនរួមភេទរហូតដល់ថ្ងៃរៀបការឃើញថាមានភាពសប្បាយចិត្តច្រើនជាងគូសង្សារដែលរួមភេទជាមួយគ្នារួច ដែលពួកគេបានចែករំលែកចំណងផ្លូវកាយរបស់ខ្លួនរួចទៅហើយមុនពេលធ្វើការស្បថសច្ចារ។
ការសិក្សាមួយដែលធ្វើឡើងដោយ ឌៀន ប៉ូសប៊ី (Dean Busby, PhD) សាស្ត្រាចារ្យក្នុងសាលាសាកលវិទ្យាល័យជីវិតគ្រួសារ Brigham Young (Brigham Young University’s School of Family Life) បាននិយាយថា មិនខ្វល់ថាអ្នកកាន់សាសនាអ្វីនោះទេ ការរងចាំជួយធ្វើអៅយទំនាក់ទំនងមានដំណើរការកាន់តែល្អជាងមុន ហើយរឿងអស់ទាំងនេះជួយបង្កើនស្ថេរភាពយូរអង្វែង និងប្រកបដោយភាពសប្បាយរីករាយទាំងសងខាង។
តើអ្នកជាមនុស្សដែលកំពុងតែស្វែងរកហេតុផល និងអត្ថប្រយោជន៍នៃការពន្យាពេលរួមភេទរហូតដល់រៀបការរួចមែនទេ? ខាងក្រោមនេះគឺជាហេតុផល ក៏ដូចជាអត្ថប្រយោជន៍មួយចំនួនតូចដែលអ្នកអាចទទួលយកបាន៖
– អ្នកស្រាវជ្រាវចុងក្រោយគេបង្អោះបានអោយដឹងថា គូសង្សារដែលតមមិនរួមភេទរហូតដល់ថ្ងៃរៀបគឺសប្បាយចិត្តជាងគូសង្សារដទៃ។ រឿងនេះមិនមែនគ្រាន់តែជាការរក្សាពាក្យសន្យាតែមួយមុខនោះទេ ប៉ុន្តែភាពរឹងមាំនៃទំនាក់ទំនងរបស់ពួកគេអាចឈានទៅរកភាពអស្ចារ្យខ្លាំងទៅមុខទៀត។
– អត្ថប្រយោជន៍ដ៏ធំបំផុតក្នុងការពន្យាពេលរួមភេទរហូតដល់ថ្ងៃរៀបការគឺអាចទទួលបានបទពិសោធន៍យ៉ាងល្អទៅលើការរួមភេទ។ រឿងនេះច្រើនតែគូសង្សារមានភាពយល់ច្រឡំដែលបណ្តោយខ្លួនរួមភេទមុនថ្ងៃរៀបការទៅវិញ។
– ការពន្យាពេលរួមភេទរហូតដល់ថ្ងៃរៀបការអាចធ្វើឡើងដើម្បីយល់ដឹងអំពីចរិកមនុស្សអោយកាន់តែច្បាស់លាស់ជាងមុន។ ការពន្យាពេលរួមភេទបែបនេះច្រើនតែផ្តល់ពេលវេលាបន្ថែមសម្រាប់ពួកគេយល់ដឹងអំពីគ្នានឹងគ្នា។
– ផ្លូវចិត្តរបស់គូសង្សារនឹងកាន់តែមានភាពទុកចិត្តលើគ្នាកាន់តែខ្លាំងជាងមុនបើសិនជាការរួមភេទអាចពន្យាពេលរហូតដល់ថ្ងៃរៀបការ។ ភាពគួរជឿជាក់បានជម្រុញអោយមានគុណភាពកាន់តែខ្លាំងទៅលើការរួមភេទរបស់គូសង្សារដែលសម្រេចចិត្តតមការរួមភេទរហូតដល់រៀបការរួច។
– អត្ថប្រយោជន៍ផ្សេងមួយទៀតនៃការពន្យាពេលរួមភេទគឺជាការពង្រឹងដល់ដំណើរការទំនាក់ទំនង។ ស្ថេរភាពដ៏យូរអង្វែង និងទំនាក់ទំនងប្រកបដោយការសប្បាយចិត្តអាចកើតមានឡើងបានលុះត្រាតែដៃគូទាំងពីរនាក់អាចធ្វើទំនាក់ទំនងគ្នាបានយ៉ាងល្អ និងពន្យាពេលរួមភេទរហូតដល់ថ្ងៃរៀបការ ហើយវាច្រើនតែជួយអោយគូសង្សារទាំងពីរអាចយល់ដឹងអំពីគ្នាច្រើនជាងមុនទៀតផង។
– អត្ថប្រយោជន៍នៃការពន្យាពេលរួមភេទដល់ថ្ងៃរបៀការក៏អាចប្រើជាតេស្តដល់ភាពចុះសម្រុងគ្នានៃដៃគូទាំងពីរស្ថិតក្នុងដំណាក់កាលស្និទ្ធស្នាលគ្នាខ្លាំង និងសម្រាប់ពន្យាករថាតើទំនាក់ទំនងនោះនឹងអាចនៅយូរ ឬក៏អត់។
– គូសង្សារដែលធ្លាប់រួមភេទជាមួយគ្នាហើយតែងតែមិនមានការការពារល្អទេចំពោះជំងឺកាមរោគ និងការមានផ្ទៃពោះដោយចៃដន្យ។
ការស្រាវជ្រាវជាច្រើនបានអះអាងថា កាលណាគូសង្សាររងចាំកាន់តែយូរ គុណភាពនៃការរួមភេទ, ទំនាក់ទំនង, ការសប្បាយចិត្ត និងស្ថេរភាពក្នុងថ្ងៃរបៀបការរបស់ពួកគេកាន់តែល្អ៕