កម្តៅ, ពន្លឺព្រះអាទិត្យ, ប្រេង និងសារធាតុគីមីអាចធ្វើអោយស្រោមអនាម័យបាត់បង់គុណភាព ហើយធ្វើអោយវាងាយនឹងខូច។ ការទុកស្រោមអនាម័យពីកម្តៅ និងពន្លឺដែលអាចធ្វើអោយវាស្ងួតនោះ និងកុំប្រើប្រេង ឬឡេជាមួយនឹងស្រោមអនាម័យអោយសោះ។ មួយវិញទៀត, សូមកុំហែកស្រោមអនាម័យ ដោយប្រើរបស់ដែលមានចុងស្រួច ដូចជា កន្ត្រៃ ឬធ្មេញ។
សូមពិនិត្យមើលថ្ងៃផុតកំណត់នៃស្រោមអនាម័យ។ សារធាតុដែលត្រូវបានប្រើប្រាស់ដើម្បីផលិតស្រោមអនាម័យអាចមានការខូចខ្សោយក្រោយពីហួសថ្ងៃកំណត់ ដូចនេះសូមកុំប្រើស្រោមអនាម័យដែលហួសកាលកំណត់។
ស្រោមអនាម័យអាចរហែកអំឡុងពេលប្រើ ប្រសិនបើវាមិនត្រូវបានគេទុកអោយបានត្រឹមត្រូវ ឬប្រសិនបើវាមិនត្រូវបានប្រើអោយបានត្រឹមត្រូវ។
ស្រោមអនាម័យក៏ជាប្រភពមួយនៃការពន្យារកំណើតដែលអាចជួយការពារទាំងការមានផ្ទៃពោះ និងការឆ្លងជំងឺកាមរោគ។ ដូចនេះវាជារឿងសំខាន់ដើម្បីប្រើ ឬទុកវាអោយបានត្រឹមត្រូវ។
ប្រសិនបើស្រោមអនាម័យរហែក ហើយអ្នក និងដៃគូររបស់អ្នកបារម្ភអំពីការមានផ្ទៃពោះ, សូមទាក់ទងទៅគ្រូពេទ្យដើម្បីពិភាក្សាពីការពន្យារកំណើតភ្លាមៗ។ ហើយដៃគូរទាំងពីរគួរតែត្រូវបានធ្វើតេស្តសម្រាប់ជំងឺកាមរោគ។ ជារឿយៗមនុស្សមិនបានប្រុងប្រៀបធៀបថា ពួកគេមានជំងឺការឆ្លងមេរោគនោះទេ ប៉ុន្តែប្រសិនបើការឆ្លងមេរោគមិនត្រូវបានព្យាបាល, វាអាចបណ្តាលអោយមានបញ្ហាធ្ងន់ធ្ងរ៕