បញ្ហារោលរមាស់និងឡើងក្រហមលើស្បែកដោយសារតែកម្ដៅថ្ងៃមែនទេ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) មិនពិបាកដោះស្រាយឡើយ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឺះព្យាបាលការឡើងក្រហមរោលរមាស់លើស្បែកព្រោះកម្ដៅព្រះអាទិត្យ ៖

១. ស្អំត្រជាក់

អ្វីដែលអ្នកត្រូវធ្វើ គឺគ្រាន់តែស្អំត្រជាក់ដោយជ្រលក់ក្រណាត់ស្អាតមួយក្នុងទឹកកក ឬទឹកត្រជាក់និងពូតទឹកដែលលើសចេញខ្លះ រួចដាក់ស្អំកន្សែងលើតំបន់ស្បែកដែលមានបញ្ហាជាការស្រេច។ វិធីនេះជួយបំបាត់អាការៈរមាស់បានយ៉ាងឆាប់រហ័ស។

២. ទឹកដោះគោសុទ្ធ

អ្វីដែលអ្នកត្រូវធ្វើ គឺគ្រាន់តែប្រើប្រាស់បន្ទះសំឡីជ្រលក់ក្នុងទឹកដោះគោស្រស់ត្រជាក់ៗ រួចលាបលើតំបន់ស្បែកដែលមានបញ្ហាឱ្យបានច្រើនដងក្នុងមួយថ្ងៃ។

៣. ជែលប្រទាលកន្ទុយក្រពើស្រស់

អ្វីដែលអ្នកត្រូវធ្វើ គឺគ្រាន់តែលាយជែលប្រទាលកន្ទុយក្រពើស្រស់ជាមួយទឹកធម្មតាក្នុងបរិមាណស្មើគ្នា។ បន្ទាប់មកលាបលើតំបន់ស្បែកដែលមានបញ្ហានិងរងចាំសម្រាប់រយៈពេលពី ១៥ ទៅ ២០នាទី សឹមលាងសម្អាតចេញជាមួយទឹកត្រជាក់។

៤. ទឹកខ្មេះផ្លែប៉ោម

អ្នកត្រូវលាយទឹកខ្មេះផ្លែប៉ោមជាមួយទឹកធម្មតាក្នុងបរិមាណស្មើគ្នាជាមុនសិន។ បន្ទាប់មកសឹមលាបលើស្បែកនិងរងចាំសម្រាប់រយៈពេល ៣០នាទី។ លាងសម្អាតចេញជាមួយទឹកធម្មតាជាការស្រេច។

៥. ម្សៅ Baking soda

អ្នកត្រូវលាយម្សៅ Baking soda ជាមួយទឹកធម្មតាឱ្យក្លាយជាល្បាយខាប់ៗជាមុនសិន។ បន្ទាប់មកលាបលើតំបន់ស្បែកដែលមានបញ្ហាសម្រាប់រយៈពេលប្រហែល ៣០នាទី សឹមលាងសម្អាតចេញ។

៦. ម្សៅពោត

ក្រោយពេលងូតទឹករួច ចូរជូតផ្ដិតៗលើស្បែកដែលមានបញ្ហាឱ្យស្ងួតជាមុនសិន រួចសឹមលាបម្សៅពោតបន្តិចពីលើ៕