ជួយចែករំលែក! សារធាតុចិញ្ចឹមទាំង ៩ ដែលល្អបំផុតសម្រាប់សក់

ភាគច្រើននៃពួកយើងប្រហែលជាមិនធ្លាប់ដឹងទេថាអាហារជះឥទ្ធិពលគួរឱ្យកត់សម្គាល់លើសុខភាពសក់។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារអ្វីខ្លះមានផ្ទុកសារធាតុចិញ្ចឹមដែលចាំបាច់សម្រាប់ការលូតលាស់និងភាពរឹងមាំនៃសក់? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារទាំងនោះ ៖

១. អាស៊ីតខ្លាញ់អូមេហ្កា ៣

អាស៊ីតខ្លាញ់អូមេហ្កា ៣ មិនត្រឹមតែល្អសម្រាប់ប្រឆាំងជំងឺបេះដូង, ជំងឺដាច់សសៃឈាមខួរក្បាល និងជំងឺមហារីកប៉ុណ្ណោះទេ ប៉ុន្តែក៏ចាំបាច់សម្រាប់សុខភាពសក់ ព្រមទាំងស្បែកក្បាលផងដែរ។ អាស៊ីតខ្លាញ់អូមេហ្កា ៣ គឺជាសារធាតុចិញ្ចឹមចាំបាច់ដែលរាងកាយមិនអាចបង្កើតវាបានដោយខ្លួនឯងឡើយ។ ដូច្នេះមានន័យថារាងកាយអាចស្រូបយកបានតាមរយៈអាហាររួមមានត្រីសម្បូរខ្លាញ់ ប្រេងបន្លែ គ្រាប់វ៉ាល់ណឺត សណ្ដែកសៀង និងបន្លែបៃតង។

២. វីតាមីន E

វីតាមីន E អាចផ្ដល់នូវអត្ថ​ប្រយោជន៍ជាច្រើនចំពោះរាងកាយ រួមបញ្ចូលទាំងការទប់ស្កាត់សក់ជ្រុះនិងជម្រុញការលូតលាស់សក់ដោយផ្ដល់សារធាតុចិញ្ចឹមដល់សក់និងស្បែកក្បាល។ វីតាមីន E ក៏ជួយទប់ស្កាត់សក់ស្កូវមុនវ័យផងដែរ។ ប្រភពដ៏ប្រសើរនៃវីតាមីន E រួមមានគ្រាប់ធញ្ញជាតិ បន្លែបៃតង ផ្លែបឺរ គីវី និងផ្លែល្ហុងជាដើម។

៣. វីតាមីន C

មិនត្រឹមតែជួយពង្រឹងប្រព័ន្ធភាពស៊ាំរាងកាយ ​និងបង្កើនការស្រូបជាតិដែករបស់រាងកាយប៉ុណ្ណោះទេ ប៉ុន្តែក៏ចាំបាច់សម្រាប់ការផលិតកូឡាជែនផងដែរ។ កូឡាជែនសំខាន់ណាស់សម្រាប់សុខភាពសក់ដែលជួយឱ្យរឹងមាំ និងលូតលាស់បានឆាប់រហ័ស។ ប្រភពធម្មជាតិដ៏ប្រសើរនៃវីតាមីន C រួមមានផ្លែក្រូចឆ្មារ ផ្លែក្រូចប្រភេទផ្សេងទៀត ផ្លែល្ហុង ផ្លែម្នាស់ ស្ត្របឺរី ផ្លែគីវី ប៉េងប៉ោះ ដំឡូងផ្អែម និងបន្លែស្លឹកបៃតងចាស់ ព្រមទាំងប្រូខូលី ស្ពៃក្ដោប និងផ្កាខាត់ណា។

៤. វីតាមីន A

ចាំបាច់សម្រាប់ការលូតលាស់និងរក្សាបាននូវសុខភាពល្អនៃរាល់កោសិកាក្នុងរាងកាយ រួមបញ្ចូលទាំងសក់និងស្បែកក្បាល។ វីតាមីន A ក៏សំខាន់សម្រាប់ការផលិតជាតិខ្លាញ់ ឬជាតិប្រេងដែលដើរតួនាទីជាក្រែមបន្ទន់បែបធម្មជាតិសម្រាប់ស្បែកក្បាល។ កង្វះវីតាមីន A អាចនាំឱ្យការផលិតជាតិខ្លាញ់ ឬប្រេងធម្មជាតិត្រូវថយចុះជាហេតុនាំឱ្យស្បែកក្បាលស្ងួតនិងរមាស់ ហើយសក់ប្រែជាផុយស្រួយ។ ប្រភពដ៏ប្រសើរនៃវីតាមីន A រួមមានស៊ុត បង្គា ឈីស យ៉ាអួរ ត្រីសាលម៉ុន ត្រីសាឌីន សាច់មាន់ សាច់គោ បន្លែផ្លែឈើដែលមានពណ៌លឿង/ទឹកក្រូច ផ្លែល្ហុង ឪឡឹក ប៉េងប៉ោះ ​ប្រូខូលី ទំពាំងបារាំង និងបន្លែស្លឹកបៃតងចាស់។

៥. បាយអូទីន

ស៊ុតជាប្រភពធម្មជាតិនៃបាយអូទីនដែលចាំបាច់សម្រាប់រក្សាសុខភាពសក់។ វាក៏មានផ្ទុកសម្បូរទៅដោយវីតាមីន D វីតាមីន B ប្រូតេអ៊ីន និង choline ផងដែរ។

៦. អាស៊ីតខ្លាញ់អូមេហ្កា ៣

អ្នកគួរព្យាយាមទទួលទានត្រីសាលម៉ុនឱ្យបានយ៉ាងហោចណាស់ ២ ដងក្នុងមួយសប្តាហ៍ដើម្បីរក្សាសំណើមនៃសក់។ អាស៊ីតខ្លាញ់អូមេហ្កា ៣ មិនត្រឹមតែផ្ដល់ឱ្យសក់នូវភាពភ្លឺរលោងប៉ុណ្ណោះទេ ប៉ុន្តែក៏ជួយកាត់បន្ថយហានិភ័យនៃជំងឺបាក់ទឹកចិត្ត (Depression) និងជំងឺបេះដូងទៀតផង។

៧. ប្រូតេអ៊ីន

ប្រូតេអ៊ីនជួយជម្រុញការលូតលាស់នៃកោសិកានិងការជួសជុលឡើងវិញ។ ការរួមបញ្ចូលអាហារសម្បូរប្រូតេអ៊ីនក្នុងរបបអាហារប្រចាំថ្ងៃក៏ជួយពង្រឹងភាពរឹងមាំនៃសក់ផងដែរ។ អ្នកគួរព្យាយាមទទួលទានប្រូតេអ៊ីនឱ្យបានយ៉ាងហោចណាស់ ៤៦ ក្រាមក្នុងមួយថ្ងៃ។

៨. វីតាមីន D

ការលូតលាស់នៃសក់ក៏មានលក្ខណៈប្រសើរតាមរយៈភាពសកម្មភាពនៃវីតាមីន D។ ក្រៅពីពន្លឺព្រះអាទិត្យ វីតាមីន D ក៏មានប្រភពពីអាហារមួយចំនួនផងដែរ។

៩. ជាតិដែកនិងស័ង្កសី

សារធាតុចិញ្ចឹមទាំងពីរនេះគឺចាំបាច់ណាស់សម្រាប់សម្រួលដល់ការលូតលាស់ឬសនៃសក់។ ដើម្បីទទួលបានជាតិដែកនិងស័ង្កសីគ្រប់គ្រាន់ អ្នកអាចទទួលទានសាច់គ្មានខ្លាញ់យ៉ាងហោចណាស់ ២ដងក្នុងមួយសប្តាហ៍។ ប្រភពដ៏ប្រសើរផ្សេងទៀតនៃជាតិដែកនិងស័ង្កសីក្រៅពីសាច់ក្រហម គឺសណ្ដែកសៀង។ អ្នកក៏គួរកុំរំលងអាហារសម្បូរវីតាមីន C ដោយវាជួយបង្កើនការស្រូបយកជាតិដែក៕