Join with Health.com.kh on Telegram

ក្រោយ​ពេល​ដែល​អ្នក​ពិសារ​មុខម្ហូប​មួយ​ប្រភេទ​នេះ​រួច វា​នឹង​ជួយ​បង្កើន​ប្រព័ន្ធ​ការពារ​រាង​កាយ​របស់​ស្ត្រី​មាន​ផ្ទៃពោះ​ឲ្យ​មាន​ភាពរឹងមាំ​។ តើ​មាន​គ្រឿងផ្សំ និង​របៀប​ធ្វើ​បែប​ណាខ្លះ​ទៅ?

គ្រឿងផ្សំ ៖ ម្សៅ​មី​ចំនួន​មួយ​ភាគ​ពីរ​ចាន ការ៉ុត​ចំនួន​មួយ ផ្សិត​តុង​កូវ​ចំនួន​៥ ពងមាន់​ចំនួន​មួយ សាច់​គោ​ចំនួន​៣០០​ក្រាម ស្លឹក​ខ្ទឹម​ចំនួន​២​។

របៀប​ធ្វើ ៖

  1. ដំបូង​អ្នក​ត្រូវ​តែ​យក​ផ្សិត​តុង​កូវ​ទៅ​ត្រាំ​ទឹក​ឲ្យ​រីក ហើយ​ទន់ ទើប​ចិត​វា​ឲ្យ​មាន​លក្ខណៈ​តូច​ៗ​។
  2. បន្ទាប់​មក​អ្នក​អាច​ចិ​ញ្ច្រា​ម​សាច់​គោ​ឲ្យ​ម៉ត់ ហើយ​ការ៉ុត​ចិតជា​សរសៃ​ៗ​។
  3. បន្ទាប់​មក​ទៀត​អ្នក​អាច​យក​ផ្សិត​តុង​កូវ ការ៉ុត និង​សាច់​គោ​ដែល​ចិ​ញ្ច្រា​ម​នោះ​លាយ​បញ្ចូល​គ្នា​។
  4. ក្រោយ​ពេល​ដែល​លាយ​បញ្ចូល​គ្នា​រួច អ្នក​អាច​ដាក់​ស្លឹក​ខ្ទឹម ពងមាន់ អំបិល និង​ស្ករ​ដាក់​ចូល​ទៅ​ក្នុង​នោះ​លាយ​បញ្ចូល​គ្នា​។
  5. ក្រោយ​ពេល​ដែល​ច្របល់​ចូល​គ្នា​រួច អ្នក​អាច​យក​ម្សៅ​មី​មក​ចាក់​ពីលើ ហើយ​លាយ​ចូល​គ្នា រួច​ធ្វើ​ឲ្យ​វា​សំប៉ែត​ដូច​រូប​។
  6. ចុង​ក្រោយ​យក​វា​ទៅ​ចៀន​ជា​ការ​ស្រេច​៕