Join with Health.com.kh on Telegram

​ប្រសិនបើ​ស្ត្រី​មាន​ទំនោរ​នៃ​ជំងឺ​ទឹកនោមផ្អែម​ពេល​មានគភ៌ នាង​មាន​ហានិភ័យ​ខ្ពស់​ក្នុង​ការវិវត្ត​ទៅជា​ជំងឺ​ទឹកនោមផ្អែម​នៅពេល​ក្រោយ​។ យ៉ាងណាមិញ ការ​បំបៅកូន​ដោយ​ទឹកដោះ អាចជួយ​កាត់បន្ថយ​ហានិភ័យ​បាន​។

​ការសិក្សា​មួយ បាន​រកឃើញថា ស្ត្រី​ដែល​បំបៅកូន​បានយូរ នឹងមាន​ហានិភ័យ​ទាប​ក្នុង​ការវិវត្ត​ទៅជា​ជំងឺ​ទឹកនោមផ្អែម​នៅពេល​ក្រោយ​។ ការស្រាវជ្រាវ​បាន​មើល​ទៅលើ​ស្ត្រី​ជាង ៤.០០០ នាក់​ដែលមាន​ជំងឺ​ទឹកនោមផ្អែម​អំឡុងពេល​មាន​ផ្ទៃពោះ​។ ក្នុងចំណោម​ស្ត្រី​ទាំងនោះ​, អ្នកជំងឺ​ទឹកនោមផ្អែម​ជាង ៨០០ នាក់​បាន​វិ​វត្ត​ទៅជា​ជំងឺ​ទឹកនោមផ្អែម​ក្នុង​រយៈពេល ២៥ ឆ្នាំ​ខាងមុខ​។ អ្នក​ដែល​បំបៅកូន​ដោយ​ទឹកដោះ​រយៈពេល ៦ ទៅ ១២ ខែ មាន​អត្រា ៩% ហាក់ដូចជា​មិនសូវ​វិ​វត្ត​ទៅជា​ជំងឺ​ទឹកនោមផ្អែម​បើ​ធៀប​នឹង​ស្ត្រី​ដែល​មិនបាន​បំបៅកូន​ដោយ​ទឹកដោះ​។ ស្ត្រី​ដែល​បំបៅកូន​ដោយ​ទឹកដោះ​ពីមួយ​ឆ្នាំទៅ ២ ឆ្នាំមាន​អត្រា​ថយចុះ ១៥% នៃ​ការវិវត្ត​ទៅជា​ជំងឺ​ទឹកនោមផ្អែម​បើ​ធៀប​នឹង​ស្ត្រី​ដែល​មិនបាន​បំបៅកូន​ដោយ​ទឹកដោះ​។ ហើយ​ហានិភ័យ​នៃ​ជំងឺ​ទឹកនោមផ្អែម​គឺ​ទាប​ជាង ២៧% ចំពោះ​ស្ត្រី​ដែល​បំបៅកូន​ដោយ​ទឹកដោះ​លើសពី ២ ឆ្នាំ​។ នេះ​ផ្តល់នូវ​ហេតុផល​មួយទៀត ដែល​គ្រូពេទ្យ​ប្រហែលជា​ចង់​លើកទឹកចិត្ត​ស្ត្រី ដែលមាន​ជំងឺ​ទឹកនោមផ្អែម​ពេល​មានគភ៌ ឱ្យ​បំបៅកូន​ដោយ​ទឹកដោះ​នៅពេលណា​អាចធ្វើ​បាន​៕​