Join with Health.com.kh on Telegram

​ប្រសិនបើ​ការព្យាបាល​ជាបន្ទាន់​មិន  មាន​សភាព​ចាំបាច់​នោះទេ   ការ​ហូរ​ឈាម​ជាធម្មតា​ត្រូវបាន​បញ្ឈប់​បាន​ដោយ​ការដាក់​វត្ថុ​នឹងថ្កល់ សង្កត់​ដោយផ្ទាល់ និង ដាក់​របួស​នោះ​អោយ​ខ្ពស់​ឡើង​លើ​។ វិធី​ខាងក្រោម​ទាំងនេះ​នឹង​អាចជួយ ការពារ​របួស​សើរ​ស្បែក និង​ការពារ​អ្នក​ពី​ការប៉ះពាល់​ផ្ទាល់​ទៅ​នឹង​ឈាម​របស់​អ្នកដទៃ​។​
 
​មុន​ពេល​អ្នក​ព្យាយាម បញ្ឈប់​ការ​ហូរឈាម​
– លាងដៃ​របស់​អ្នក​អោយបាន​ស្អាត ជាមួយនឹង​សាប៊ូ និង ទឹកស្អាត ប្រសិនបើ​មាន​។​
– ពាក់​ស្រោមដៃ​ពេទ្យ ប្រសិនបើ​មាន មុន​ពេល​អ្នក​ដាក់​សម្ពាធ​ដោយ​ផ្ទាល់​ទៅលើ​របួស​។ ប្រសិនបើ​អ្នក​គ្មាន​ស្រោមដៃ ប្រើ​ស្រទាប់​ជាច្រើន​នៃ​ក្រណាត់​, ថង់ប្លាស្ទីក​ស្អាត ឬ សំភា​រះ​ដែល​ស្អាត​បំផុត​នឹងមាន​អាច​ប្រើប្រាស់​បាន ដោយ​ដាក់​វា​អោយ​នៅ​ចន្លោះ​ពី​ដៃ​របស់​អ្នក និង របួស​។​
– អោយ​ជនរងគ្រោះ សង្កត់​ដោយផ្ទាល់​ទៅលើ​មុខរបួស ប្រសិនបើ​អាច​ធ្វើបាន និង​ដាក់​តំបន់​ដែល​មាន​របួស​អោយ​ខ្ពស់​ឡើង​លើ​។​
– ប្រើ​បាតដៃ​ទទេ​របស់​អ្នក សង្កត់​ទៅលើ​មុខរបួស សំរាប់តែ​ការពឹងផ្អែក​ចុងក្រោយ​។​
 
​បញ្ឈប់​ការ​ហូរឈាម​
– ដាក់​ជនរងគ្រោះ​អោយ​ដេក និង ដាក់​ផ្នែក​ដែល​មាន​ការ​ហូរឈាម​អោយ​ខ្ពស់​ឡើង​លើ​។​

– យក​ចេញ​នូវ​វត្ថុ​ដែល​អាច​មើលឃើញ ពី​មុខរបួស​ដែល​មាន​ភាពងាយស្រួល​នឹង​យក​ចេញ​បាន​។ ធ្វើការ​គ្រប់គ្រង​ការ​ហូរឈាម មុន​ពេល​ព្យាយាម​សំអាត​មុខរបួស ។​

– យកចេញ ឬ កាត់​ក្រណាត់​ដែល​នៅ​ជុំវិញ​មុខរបួស​។ ដោះចេញ​នូវ​គ្រឿងអលង្ការ​ពី តំបន់​ទូទៅ​នៃ​របួស​ប្រសិនបើ​តំបន់​នោះ​មាន​ភាព​ហើមប៉ោង គ្រឿងអលង្ការ​ទាំងនោះ នឹង​មិន​មាន​ឥទ្ធិពល​ទៅលើ​ចរន្តឈាម​ហូរ​នោះទេ ។​

– ដាក់​សម្ពាធ​ដោយផ្ទាល់​សង្កត់​ទៅលើ មុខរបួស និង​ដាក់​តំបន់​នោះ​អោយ​ខ្ពស់ ក្នុង​រយៈពេល​១៥​នាទី ពេញ​ការប្រើ​នាឡិកា​កំណត់ពេល​១៥​នាទី អាច​ហាក់ដូចជា មាន​រយៈពេល​យូរ​។ ទប់​នូវ​ចំណង់​លួច​មើល​បន្ទាប់​ពី​រយៈពេល​ពី​រ​បី​នាទី ក្នុងការ​ចង់ដឹងថា តើ​ការ​ហូរឈាម​នោះ​បញ្ឈប់​ហើយ​ឬ​នៅ​? ប្រសិនបើ​ឈាម​ជ្រាប​
​សើម​ដល់​ក្រណាត់ ដាក់​ក្រណាត់​ផ្សេង​មួយទៀត​ទៅ​លើ​វា ដោយ​មិន​ចាំបាច់​ដក​ក្រណាត់​ទី​មួយ​ចេញ​។ ហើយ​ប្រសិនបើ​មាន​វត្ថុ​អ្វីមួយ នៅក្នុង​មុខរបួស ដាក់​សម្ពាធ​សង្កត់​នៅ​ជុំវិញ​វត្ថុ​នោះ ដោយ​មិន​ត្រូវ​ដាក់​អ្វី​សង្កត់​អោយ​ចំ​ពី​លើ​វា​នោះ​ទេ​។​

– ប្រសិនបើ​ការ​ហូរឈាម មាន​សភាព​ពី​កំរិត​មធ្យម​ទៅ រក​សភាព​ធ្ងន់ធ្ងរ មិន​មាន​ភាពអន់ថយ ឬ បញ្ឈប់​សូម​បន្ត​ដាក់​សម្ពាធ​សង្កត់​ដោយផ្ទាល់ ខណៈពេល​ដែល​ស្វែងរក​ជំនួយ​។ ចូរ​កុំ​ប្រើ​ប្រដាប់​កៀប​ស​សៃឈាម​ក្នុង​ការបញ្ឈប់ ការ​ហូរ​ឈាម​អោយ​សោះ ។ សូម​ធ្វើ​អ្វី​ទាំងអស់ ដែល​អ្នក​អាច​ធ្វើបាន ក្នុងការ​រក្សា​អោយ​មុខរបួស​ស្អាត និង ជៀសវាង​ការបង្ក​របួស​ថែម​ទៀត​ទៅលើ តំបន់​នោះ​។​

– ការ​ហូរ​ឈាម​ក្នុង​កំរិត​ស្រាល ជា​អាច​ធម្មតា អាច​នឹង​បញ្ឈប់​ដោយ​ខ្លួន​វា ឬ រសាយ​បាត់​យឺត ឬ ហូរ​ស្រក់​តិចៗ បន្ទាប់​ពី​រយៈពេល​១៥​នាទី​នៃ​ការដាក់​សម្ពាធ​។ វា​ក៏​អាច​នឹង​បាត់ ឬ បន្ត​ស្រក់​តិចៗ រហូត​ដល់​រយៈពេល ៤៥​នាទី​ផងដែរ ។​

​យូរៗ​ម្តង របួស​ដែល​ចាក់​ទំ​លុះ​មាន​ប្រហោង អាច​បណ្តាល​អោយ​មានកា​រ​ហូរ​ឈាម​នៅ​ក្រោម​ស្បែក ប៉ុន្តែ​គឺ​មាន​ឈាម​ចំនួន​តិចតួច​ប៉ុណ្ណោះ នឹង​ហូរ​ចេញពី​មុខរបួស ។ នៅពេល​ដែល​រឿង​នេះ​កើតមាន តំបន់​ដែល​នៅ​ជុំវិញ​មុខរបួស​ដែល​មាន​ការចាក់​ទំ​លុះ នឹង​មាន​ភាព​ហើមប៉ោង និង ជាំ​។ ប្រសិនបើ​ការ​ហូរឈាម​ធ្វើអោយ​ឈាម​ប្រមូលផ្តុំ​នៅ​តំបន់​ដែល​រងរបួស នោះ​ការ​ប្រឈម​នឹង​គ្រោះ​ថា្នក់​ក្នុង ការ​ចំលងរោគ​នឹង​មាន​ការកើនឡើង​។​
 
​ខណៈពេល​ដែល​ធ្វើ​តាម​វិធី ក្នុង​ការបញ្ឈប់​ការ​ហូរឈាម សូម​ស្វែងរក​សញ្ញា​នៃ​ស្ហុក នៅក្នុង​ខ្លួន​របស់​ជនរងគ្រោះ​រួមមាន​ដូចជា ៖
– បាត់បង់​ស្មារតី​។​
– មាន​អារម្មណ៍​ថា​វិលមុខ ឬ ម​មើល​មមាយ​ជាខ្លាំង ហាក់ដូចជា​មនុស្ស​បាត់​បង់​ស្មា​រី​។​
– មាន​អារម្មណ៍​ថា​អស់កំលាំង​ជាខ្លាំង ឬ មាន​ភាព​ពិបាក​នឹង​ក្រោកឈរ​។​
– មិនសូវ​មាន​ភាព​ដឹង​ខ្លួន​។ ជនរងគ្រោះ​អាច​នឹង មិន​អាច​ឆ្លើយ​នឹង​សំនួរ​បាន​ភ្លាមៗ ឬ គាត់​អាច​នឹង​មាន​ភាព​ភ័ន្តច្រឡំ​, អន្ទះអន្ទែង ឬ ពោរពេញ​ដោយ​ភាពភ័យខ្លាច​៕