ជាទូទៅកង្វះជាតិប៉ូតាស្យូមក្នុងឈាមមានរោគសញ្ញាតិចតួចទេ ហើយពេលវេលារបស់វាក៏មិនច្បាស់លាស់ដែរ។ វាក៏អាចមានរោគសញ្ញាច្រើនទៀតដែរនៅតាមផ្លូវរំលាយអាហារ តម្រងនោម សាច់ដុំ បេះដូង និងសរសៃប្រសាទ។
– ខ្សោយ អស់កម្លាំង ឬឈឺសាច់ដុំដៃ ឬជើង ហើយពេលខ្លះក៏មិនអាចកម្រើកដៃ ឬជើងបានដែរ។
– ឈឺឈៀបៗ ឬស្ពឹកៗ
– ក្អួត ឬចង្អោ
– ឈឺ ឬហើមពោះ
– ទលលាមក
– ញ័រដើមទ្រូង
– នោមច្រើន ឬមានអារម្មណ៍ថាស្រេកទឹកគ្រប់ពេល
– សន្លប់
– មានបញ្ហាផ្លូវចិត្ត៖ បាក់ទឹកចិត្ត រវើរវាយ វង្វេងវង្វាន់ ឬលឺអ្វីដែលគេមិនអាចលឺ។
ពេលដែលត្រូវជួបគ្រូពេទ្យ
ប្រសិនបើអ្នកកំពុងតែមានរោគសញ្ញានៃការកង្វះជាតិប៉ូតាស្យូមក្នុងឈាមចូរទំនាក់ទំនងទៅគ្រូពេទ្យទៅ។ ប្រសិនបើអ្នកមានការឈឺរមួលសាច់ដុំ ខ្សោយ ញ័រដើមទ្រូង ឬចង់សន្លប់ និងកំពុងតែប្រើថ្នាំបញ្ចុះទឹកនោម ចូរទំនាក់ទំនងទៅគ្រូពេទ្យដើម្បីធ្វើការព្យាបាលអោយបានទាន់ពេលវេលា។
បើគ្មានរោគសញ្ញាអ្វីទេ អ្នកក៏នឹងមិនដឹងខ្លួនថាមានការកង្វះជាតិប៉ូតាស្យូមក្នុងឈាមដែរ លុះត្រាតែពិនិត្យឈាម ឬថត Electrocardiogram (ECG, EKG)៕
