ស្រោមអនាម័យគឺជាមធ្យោបាយដ៏ល្អបំផុតក្នុងការបង្ការការមានផ្ទៃពោះដោយចៃដន្យ ប៉ុន្តែអ្វីដែលគួរអោយខ្លាចនោះគឺវាអាចរហែកបាន។ ខណៈពេលកំពុងប្រើស្រោមអនាម័យ យកល្អគួរតែពិនិត្យវាម្តងហើយម្តងទៀត។ បើសិនជាវារហែកក្នុងដំណាក់កាលសំខាន់ អ្នកគួរតែបោះបង់វាចោល ហើយប្តូរមកប្រើស្រោមថ្មីវិញ។ ប៉ុន្តែបើសិនជាស្រោមរហែក ហើយទឹកកាមហៀរចេញក្នុងពេលរួមភេទ មានន័យថាអ្នកកំពុងតែប្រឈមនឹងការមានផ្ទៃពោះដោយចៃដន្យហើយ។ នេះគឺជាមធ្យោបាយមួយចំនួនដែលអ្នកអាចព្យាយាម និងបង្ការការមានផ្ទៃពោះបានបើសិនជាស្រោមរហែក។
ជំនះការមានទឹកកាមច្រើន
ចូរធ្វើប្រាប់ខ្លួនឯងភ្លាមៗបើសិនជាអ្នកគ្រាន់តែសង្ស័យថាស្រោមរហែកហើយ។ ការអង្គុយ ឬឈរអោយត្រង់ខ្លួនអាចជួយអោយអ្នកបង្ការការមានផ្ទៃពោះបាន។ មិនត្រូវអោយមេជីវិតឈ្មោលចូលដល់ទ្វារមាសឡើយ ហើយចូរក្រោកឈរភ្លាម ហើយដើម្បីប្រើទំនាញផែនដីជួយអ្នក។
មធ្យោបាយផ្សេងមួយទៀតក្នុងការចៀសវាងកុំអោយមានផ្ទៃពោះពេលស្រោមរហែកគឺការសម្អាតទឹកកាមដែលមានច្រើនក្នុងទ្វារមាស។ ចូរចាំថា ឱកាសក្នុងការមានផ្ទៃពោះអាស្រ័យទៅលើបរិមាណមេជីវិតឈ្មោលចូលក្នុងទ្វារមាស។
ប្រើវិធីពន្យាកំណើតបន្ទាន់
បើសិនជាស្រោមរហែក ការពន្យាកំណើតបន្ទាន់អាចផ្តល់ជាឱកាសទីពីរក្នុងការកុំអោយមានផ្ទៃពោះបាន។ ទោះបីជាយ៉ាងណាក៏ដោយ ថ្នាំពន្យាកំណើតបែបនេះអាចប្រើបានដោយមិនបាច់មានវេជ្ជបញ្ជាទេ ប៉ុន្តែយកល្អគួរតែពិគ្រោះជាមួយគ្រូពេទ្យដែរ ជាពិសេសបើសិនជាអ្នកមានអាយុក្រោម ១៨ឆ្នាំ។ ចូរប្រាកដថា អ្នកប្រើថ្នាំពន្យាកំណើតបន្ទាន់នេះមុន ៧២ម៉ោងក្រោយពីបានរួមភេទដោយមិនមានការការពារអ្វីទាំងអស់។ បើសិនជាប្រើក្រោយ ៧២ម៉ោងគឺគ្មានប្រសិទ្ធភាពទេ។ អង្គការសុខភាពស្ត្រីភាគច្រើនណែនាំថា ស្ត្រីត្រូវតែទិញថ្នាំពន្យាកំណើតបន្ទាន់អោយហើយមុនពេលត្រូវការវាដើម្បីជាការត្រៀមខ្លួនរួចជាស្រេច។
អ្នកឯកទេសបាណែនាំថា យកល្អគួរតែប្រើវិធីពន្យាកំណើតទាំងពីរប្រភេទនេះ ទោះបីជាប្រើមួយប៉ារ៉ាជ័យ វិធីមួយទៀតក៏អាចបង្ការការមានផ្ទៃពោះបានដែរ៕
គួរបង្ការការមានផ្ទៃពោះដូចម្តេច បើស្រោមរហែកពេលរួមភេទ
