​ឪពុកម្តាយ​ជាច្រើន​បារម្ភ​ថា​កូនៗ របស់​ពួកគេ​មាន​ទម្លាប់​ញ៉ាំ​មិនល្អ មិន​បរិភោគបាន​គ្រប់គ្រាន់ ឬ​មិន​ញ៉ាំ​ត្រឹមត្រូវ​។ ប្រមាណ​ជា ៥០ ភាគរយ​នៃ​ម្តាយ ដែលមាន​កូន ដែលមាន​អាយុ​ចន្លោះ​ពី ១ ឆ្នាំទៅ ១០ ឆ្នាំ​ជឿជាក់ថា​កូនៗ របស់​ពួកគេ​កំពុង​ញ៉ាំ​មិនសូវ​ល្អ ឬ​មាន​ទម្លាប់​ញ៉ាំ​មិនល្អ​។ ទោះយ៉ាងណា ២០ ភាគរយ​នៃ​ទំនោរ​ទាំងនេះ​មាន​ទំនោរ​ទៅជា​ការភាន់ច្រឡំ​ជាជាង​ការពិត​។​

​ទោះយ៉ាងណា អ្នក​អាច​ប្រាប់​បាន​ថា តើ​តាមពិត​កូន​របស់​អ្នកមាន​ទម្លាប់​ញ៉ាំ​មិនល្អ​ទេ​? នេះ​គឺជា​សញ្ញា​ទាំង ៥ ដែល​ត្រូវ​យកចិត្តទុកដាក់​៖

  • …​ចំណាយពេល​លើសពី ៣០ នាទី​ដើម្បី​បញ្ចប់​អាហារ​របស់គាត់​។​
  • …​មាន​ទម្ងន់​មិន​គ្រប់ មិន​សមស្រប់​ទៅនឹង​ក​ម្ព​ស់ និង​អាយុ​របស់គាត់​។​
  • …​មិន​ចង់​ញ៉ាំ​អាហារ​, ខ្ទប់មាត់​របស់គាត់​, ពេលខ្លះ​ធ្វើ​ពុត​ក្អួត ហើយ​ជាទូទៅ​ខឹង​ក្នុងពេល​ញ៉ាំ​អាហារ​។​
  • …​គ្រញែងខ្លួន ហើយ​ជ្រើសរើស​តែ​ញ៉ាំ​អាហារ​ដែល​គាត់​ស្គាល់​។​
  • …​បរិភោគ​តិចជាង​ក្មេង​ដទៃ​ដែលមាន​វ័យ​ស្របាល​គាត់​។

​ទម្លាប់​នៃ​ការមិន​ញ៉ាំ​អាហារ​អាច​បន្ត​រហូតដល់​ពេញវ័យ ប្រសិនបើ​មិនបាន​គ្រប់គ្រង​ទេ ដូច្នេះ វា​មាន​សារៈសំខាន់​ណាស់​ក្នុង​ការកែលំអ​ទម្លាប់​ទ​ទួល​ទាន​មិនល្អ​របស់​កូន​អ្នក​។ ដើម្បី​កែលំអ​ទំលាប់​ញ៉ាំ​របស់​កូនតូច ម្តាយ​អាច​សាកល្បង​នូវ​យុទ្ធសាស្ត្រ​ទាំងនេះ​៖

1.​ត្រូវ​ប្រាកដថា​កូន​របស់​អ្នក​ផ្តោតអារម្មណ៍​ទៅលើ​ការ​ញ៉ាំ​ដោយ​គ្មាន​ការរំខាន (​ដូចជា​ប្រដាប់ប្រដា​ក្មេង​លេង ឬ​ទូរទស្សន៍​) ។​
2.​ផ្តល់ឱ្យ​កូន​របស់​អ្នក​នូវ​អាហារ​សមស្រប​តាម​អាយុ​។​
3.​ត្រូវ​ចេះ​និយាយ​លើកទឹកចិត្ត​កូន​អ្នក​ពេល​គាត់​ញ៉ាំ​បានល្អ​។​
4.​កំណត់​ពេលវេលា​អាហារ​មិនឱ្យ​លើសពី​៣០​នាទី​។​
5.​ចៀសវាង​ការបង្ខំ​ឲ្យ​កូន​ញ៉ាំ ឬ​បង្ហាញ​ការខកចិត្ត​របស់​អ្នក​ដោយ​ចំហ​។​
6.​ណែនាំ​អាហារ​ដោយ​អត់ធ្មត់ ដោយ​ចាប់ផ្តើម​ពី​អាហារ​ដែល​គាត់​មិន​ចូលចិត្ត​មុននឹង​អា​ហរ​ដែល​គាត់​ចូលចិត្ត​។​
7.​លើកទឹកចិត្ត​ឱ្យ​កូន​ញ៉ាំ​អាហារ​ដោយ​ខ្លួនឯង​។​
8.​ឪពុកម្តាយ​គួរតែ​ដើរតួ​ជា​គំរូ​ល្អ​សម្រាប់​កូនៗ​។​
9.​ចៀសវាង​កុំអោយ​អាហារសម្រន់​ច្រើនពេក​៕​