តើអត្ថប្រយោជន៍នៃការបំបៅកូនដោយទឹកដោះមានអ្វីខ្លះ ?
ការបំបៅកូនដោយទឹកដោះម្ដាយមានអត្ថប្រយោជន៍យ៉ាងច្រើនសំរាប់កូនរបស់អ្នក។ ទឹកដោះអ្នកម្ដាយសំបូរទៅដោយ សារធាតុបំរុងរាងកាយ។ វាមានអង្គបដិបក្ខដិបក្ខជួយការពារកូនរបស់អ្នកមិនអោយឆ្លងរោគផ្សេងៗបាន ។ វាក៏បានជួយ ការពារកូនរបស់អ្នកពីការប្រតិកម្មទៅនឹងសារធាតុអ្វីមួយផងដែរ។
ការបំបៅកូនក៏មានអត្ថប្រយោជន៍ចំពោះអ្នកជាម្ដាយផងដែរ។ វាមានអនាម័យល្អ ហើយក៏ជាវិធីដ៏សាមញ្ញដោយអ្នកមិន ចាំបាច់លាងដបទឹកដោះគោ ឫក៏លាយអាហារបំប៉នកូនងារ។ វាមានតំលៃថោកជាងអាហារបំប៉នកូនក្មេង។ វាជួយ អោយស្បូនរបស់អ្នករួមត្រលប់ទៅរកភាពដើមវិញបន្ទាប់ពីត្រូវយឺតក្នុងកំឡុងពេលពរពោះ ។ វាថែមទាំងជួយពន្យាពេល ការមានរដូវឡើងវិញ (ដោយមិនចាំបាច់ពឹងផ្អែកលើការពន្យាកំណើត) ហើយថែមទាំងជួយធ្វើអោយអ្នកមាន ពេលវេលា បាននៅជិតស្និទ្ឋជាមួយនឹងកូនជាទីស្រឡាញ់របស់អ្នកទៀតផេង។
តើម្ដាយគួរចាប់ផ្ដើមបំបៅកូនយ៉ាងដូចម្ដេច?
ត្រូវលាងដៃរបស់អ្នកអោយបានស្អាតមុនពេលបំបៅកូនម្ដងៗ ជាមួយនឹងដៃទទេស្អាតរបស់អ្នក ចូរដាក់មេដៃលើដោះ របស់អ្នក ហើយម្រាមដៃផ្សេងទៀតដាក់នៅខាងក្រោមដោះ ។
ដាក់ក្បាលដោះរបស់អ្នកអោយប៉ះទៅនឹងបបូរមាត់កូន រហូតដល់កូនរបស់អ្នកបើកមាត់ធំ។ នៅពេលនោះចូរដាក់ ក្បាលដោះ របស់អ្នកចូលទៅ ក្នុងមាត់កូន ហើយលើកកូនដាក់មកជិតខ្លួន។ ដោយ ធ្វើរបៀបនេះ ថ្គាមកូនរបស់អ្នកនឹងច្របាច់ទឹកដោះចេញមក។
នៅពេលដែលកូនរបស់អ្នកបៀមក្បាលដោះជាប់ត្រឹមត្រូវហើយ បបូរមាត់ទាំងពីរគួរបូញចេញក្រៅ (ដោយមិន ទាញចូលទៅក្នុងអញ្ជាញធ្មេញ) ហើយវាគ្របទៅលើរវង់ក្បាលដោះស្ទើតែទាំងអស់ ។ ធ្កាមកូនរបស់ អ្នកអាច ធ្វើ ចលនាទៅមុខទៅក្រោយចុះឡើង។ ប្រសិនបើអ្នកមានអារម្មណ៏ ថាឈឺនៅពេលបំបៅកូននោះ កូនប្រាកដ ជាបំបៅ មិនបានត្រឹមត្រូវទេ ។
ច្រមុះកូនរបស់កូនអ្នកអាចប៉ះនឹងដោះនៅពេលបំបៅ។ ច្រមុះកូនង៉ែតកើតមកតែងតែត្រូវការដកដង្ហើម ចេញចូលដូច ជានៅក្នុងករណីនេះជាដើម។ ប៉ុន្ដែប្រសិនបើអ្នកបារម្ភថាកូនរបស់អ្នកដកដង្ហើមមិនបានស្រួលទេនោះ អ្នកអាចសង្កត់ ដោះកន្លែងក្បែច្រមុះកូនរបស់អ្នកដើម្បីទុកកន្លែងអោយវាដកដង្ហើមបានស្រួល ។
តើខ្ញុំគួរត្រូវបីកូនយ៉ាងដូចម្ដេចនៅពេលបំបៅកូន?
អ្នកអាចបីកូនតាមវិធីច្រើនយ៉ាង ។ កូនរបស់អ្នកមិនគួរងាកក្បាលឬកទេនៅពេលបំបៅដោះនោះ។
ស្ថិតនៅក្នុងទីតាំងជាលក្ខណៈអង្រឹងអ្នកត្រូវដាក់ក្បាលកូនរបស់អ្នកនៅលើថ្នក់ដៃ របស់អ្នក (សូមមើលរូបភាព)រួចយកដៃទប់គូថនិងខ្នងរបស់វា។ គុន របស់ អ្នកនឹងសណ្ដូកខ្លួនបែទៅរកអ្នក។ ដោះរបស់អ្នកត្រូវនៅទល់មុខកូនរបស់អ្នក ។
ស្ថិនៅក្នុងទីតាំងជាលក្ខណៈបាល់ទាត់ ដោយដាក់កូនរបស់អ្នកនៅក្នុងដៃរបស់អ្នកដូចជាបាល់ដោយដាក់ក្បាលរបស់គាត់នៅលើដៃរបស់អ្នក ។ ទប់ខ្លួនកូនរបស់ អ្នកដោយប្រើកំភួនដៃរបស់អ្នក ។ នេះជាទីតាំងមួយយ៉ាងល្អប្រសិនបើអ្នកជាអ្នកទើបទទួលការវះកាត់នៅក្នុង ការសម្រាលកូនឬក៏បើសិនជាកូនរបស់អ្នកមានរាងតូច។
ម្យ៉ាងទៀតនោះអ្នកអាចបំបៅកូនដោយ ដេងចង្ហៀងបែរទៅរកមុខរបស់កូន។ អ្នកអាចប្រើខ្នើយដើម្បីកល់ក្បាល និងស្មា
អោយខ្ពស់។ ការបំបៅកូនរបៀបនេះមានផលប្រយោជន៍ចំពោះ អ្នកម្ដាយដែលមានការវះកាត់នៅពេលឆ្លងទន្លេង។
តើអ្វីទៅជាការជះឥទ្ឋិពលទៅលើអារម្មណ៏?
មួយសន្ទុះក្រោយមកបន្ទាប់ពីចាប់ផ្ដើមបំបៅកូនហើយ អ្នកអាចនឹងមានអារម្មណ៏ថាស្កៀបនៅក្នុងដោះរបស់អ្នក ហើយនៅពេល នោះទឹកដោះ នឹងចាប់ផ្ដើមស្រក់ចេញពីដោះដែលមិនបានបំបៅកូន ។ ទាំងនេះគឺជាសញ្ញាទឹកដោះ របស់អ្នកនឹងចេញមក ហើយ។
តើខ្ញុំត្រូវធ្វើដូចម្ដេចបើសិនក្បាលដោះរបស់ខ្ញុំឈឺ?
- ត្រូវប្រាកដក្នុងចិត្ដថាកូនរបស់អ្នកបំបៅបានត្រឹមត្រូវ ។ ប្រសិនបើការបំបៅនោះធ្វើអោយឈឺ វាមានន័យថា មាត់របស់កូនអ្នក អាចនឹងដាក់ខុសទីតាំង
- ត្រូវទុកអោយចុងដោះរបស់អ្នកសំងួតដោយខ្យល់នៅចន្លោះពេលបំបៅដោយទុកអោយទឹកដោះស្ងួតនៅចុងដោះ
របស់អ្នក ។ - អោយកូនរបស់អ្នកបៅចុងដោះមួយណាដែលមិនសូវឈឺមុនគេ។ ការបំបៅកូនរបស់អ្នកអាច បន្ឋូរការឈឺចាប់ បន្ទាប់ពីពីរបីនាទីដំបូង ។
- ប្ដូររបៀបបំបៅកូន
- លាងសំអាតចុងដោះរបស់អ្នករៀងរាល់ថ្ងៃជាមួយនឹងទឹកក្ដៅអ៊ុនៗ។ កុំប្រើសាប៊ូ ឫឡេលាបអោយសោះព្រោះ វាអាចមានជាតិអាល់កុលដែលអាចធ្វើអោយស្បែកស្ងួតបាន។
- ចៀសវាងអាវទ្រនាប់ដែលមានខ្សែបា្លស្ទិក។
- ច្របាច់ទឹកដោះរហូតដល់វាហូរចុះដោយឯកឯង។ ធ្វើដូចនេះវាជួយធ្វើអោយទឹកដោះរបស់អ្នកចេញច្រើន ដូច្នេះ កូនរបស់អ្នកប្រឹងបឺតតិចជាងមុន។
តើខ្ញុំគួរបំបៅកូនប៉ុន្មានដងក្នុងមួយថ្ងៃ?
ចូរបំបៅកូនរបស់អ្នកនៅពេលដែលវាចង់បៅ។ វាប្រហែលជា ៨ ទៅ ១២ ដងក្នុងមួយថ្ងៃ ឫច្រើនជាងនេះ ។ ភាព ញឹកញាប់ដែលកូនរបស់អ្នកចង់បៅអាចផ្លាស់ប្ដូរទៅតាមវ័យធំធាត់របស់គេ។ កូបទាមទារបៅកាន់តែច្រើន ឡើង ចាប់ពីអាយុពី ២ ទៅ ៦ សបា្ដហ៏ និង កើនឡើងម្ដងទៀតនៅអាយុប្រហែលពី ៣ ទៅ ៦ខែ។
ចូរអោយកូនរបស់អ្នកបៅរហូតដល់វាមានអារម្មណ៏ថាស្កប់ស្កល់ ។ វាប្រហែលជាត្រូវចំណាយពេលចាប់ពី ១៥ ទៅ ២០នាទី ក្នុងរយះពេលបំបៅម្ដងៗ។ ព្យាយាមអោយកូនរបស់អ្នកបៅដោះទាំងពីរក្នុងពេលបំបៅម្ដងៗ។ ខាងក្រោនេះ គឺជាសញ្ញាអោយមើលឃើញថាតើកូនរបស់អ្នកបៅឆ្អែតហើយឫនៅ។ ប្រសិនបើអ្នកបំបៅតិចជាង ៨ដងក្នុងមួយថ្ងៃចាំ
បាច់ត្រូវយល់ដឹងពីសញ្ញាទាំងអស់នេះ ។
សញ្ញាដែលប្រាប់ថាកូនរបស់អ្នកទទួលបានទឹកដោះគ្រប់គ្រាន់
- សំដែងការពេញចិត្ដបន្ទាប់ពីបៅហើយម្ដងៗ
- ឡើងទម្ងន់បន្ទាប់ពី ៣ ទៅ ៧ថ្ងៃរាប់ចាប់ពីថ្ងៃកើត។ កូនរបស់អ្នកអាចស្រកទម្ងន់នៅសបា្ដហ៏ទីមួយបន្ទាប់ពីកើត ។
- កន្ទបសើមពី ៦ ទៅ ៨ ដងក្នុងមួយថ្ងៃ ។
- ដំបូងជុះពី ២ ទៅ ៥ដងក្នុងមួយថ្ងៃ ឫលើសពីនេះ ហើយក្រោយមកអាចជុះតែ ២ដង ឫតិចជាងនេះក្នុងមួយថ្ងៃ ។ លាមកដំបូងច្រើនតែមានលក្ខណៈរាវ។
តើខ្ញុំអាចបង្កើនការផ្គង់ផ្គង់ទឹកដោះរបស់ខ្ញុំយ៉ាងដូចម្ដេច?
ប្រសិនបើអ្នកគិតថាកូនរបស់អ្នកត្រូវការទឹកដោះថែមទៀត បង្កើនចំនួនអោយកូនបៅក្នុងមួយថ្ងៃៗ។ វាសំខាន់ផងដែរ ត្រូវសំរាកអោយបានច្រើន និងទទួលទានអាហារអោយបានត្រឹមត្រូវ។ ត្រូវអោយរាងកាយរបស់អ្នកសុំា ទៅនឹងតំរូវការកូនរបស់អ្នក។
កុំចាប់ផ្ដើមអោយញុំាអាហារបំប៉នឫគ្រាប់ធញ្ញជាតិដល់កូនរបស់អ្នក។ ប្រសិនបើអ្នកអោយកូនរបស់អ្នកញ៉ាំអាហារ ទាំងអស់នេះ វានឹងមិនចង់បៅទឹកដោះច្រើនទេ។ វានឹងធ្វើអោយការផ្គត់ផ្គង់ទឹកដោះរបស់អ្នកធ្លាក់ចុះ ។ ជាងនេះ ផងដែរមិនចាំបាច់អោយអាហាររឹងទៅកូនញុំារហូតដល់ពួកវាមានអាយុចាប់ពី ៤ ទៅ ៦ ខែ។
តើម្ដាយគួរទទួលទានអាហារអ្វីខ្លះ?
អាហារដែលល្អបំផុតសំរាប់ស្ដ្រីដែលកំពុងបំបៅកូន គឺអាហារដែលមានតុល្យភាព និង អាហារដែលសំបូរកាល់ស្យូម ។ មានន័យថាអ្នកគួរទទួលទាន ផ្លែឈើ បន្លែ គ្រាប់ធញ្ញជាតិពណ៌បៃតង និងនំប៉័ង សាច់ សណ្ដែក និង ទឹកដោះគោ។ អ្នកចាំបាច់ត្រូវតែទទួលកាល់ឡូរីអោយបានគ្រប់គ្រាន់ប្រហែលជា ៥០០កាឡូរីក្នុងមួយ ថ្ងៃច្រើនជាងធម្មតា ហើយអ្នកត្រូវតែផឹកទឹក និងធាតុរាវផ្សេងអោយបានច្រើន។
អាហារដែលមានតុល្យភាពមានដូចជាអាហារទាំង ៥ ក្រុម ឫក៏អាហារប្រចាំថ្ងៃក្នុងមួយថ្ងៃៗ។ អ្នកអាចបានកាល់ស្យូម ទៅតាមតំរូវការតាមរយៈការទទួលទាន បន្លែប្រូខូលី អាហារធញ្ញជាតិ តៅហ៊ូរនឹង ស្ពៃក្ដោប។ ចូរពិភាក្សាជាមួយគ្រូពេទ្យរបស់អ្នកពីរបៀបទទួលបានកាល់ស្យូមថែមទៀត ប្រសិនបើអ្នកគិតថាអ្នក មិនទទួល កាល់ស្យូមគ្រប់គ្រាន់ពីអារហារដែលអ្នកទទួលទានទេ។
តើអ្នកគួរជាសវាងទទួលទានអាហារអ្វីខ្លះ?
ប្រសិនបើអ្នកគិតថាអាហារដែលអ្នកទទួលទានធ្វើអោយរំខានកូនរបស់អ្នក ចូរឈប់ទទួលទានវាទៅ។ ជាតិកាហ្វេអ៊ីន និង អាល់កុលអាចចូលទៅក្នុងទឹកដោះរបស់អ្នក។ ដូច្នេះត្រូវកំណត់ពីចំនួនផឹកអោយបានត្រឹមត្រូវ។ សូម្បីតែថ្នាំដែលអ្នក ទិញបានដោយមិនចាំបាច់មានវេជ្ពបញ្ពារ វាអាចចូលទៅក្នុងទឹកដោះរបស់អ្នកផងដែរ។ កុំទទួលទានថ្នាំនោះបើមិនបាន ពិភាក្សាជាមួយគ្រូពេទ្យជាមុនទេ។ ជាងនេះទៅទៀតបើសិនជាអ្នកជក់បារី ការបំបៅកូនគឺជាហេតុផលដ៏សមរម្យ មួយដែលអ្នកត្រូវតែបោះបង់វាចោល។ ការជក់វាអាចធ្វើអោយអ្នកផលិតទឹកដោះបានតឹិច ហើយជាតិគីមីនៅក្នុងបារី និង ផ្សែងអាចចូលទៅក្នុងទឹកដោះរបស់អ្នក។
