តើ​អ្វី​ដែល​ធ្វើ​ឲ្យ​ទល់លាមក​?

កូន​របស់​លោក​អ្នក​អាច​នឹង​មាន​ទល់លាមក​កាលណា​គេ​មិន​បាន​ផឹកទឹក​ ទឹកដោះ​ ឬ​អង្គធាតុ​រាវ​ឯទៀត​ ឬ​មិន​បាន​បរិភោគ​របប​អាហារ​ដែល​មាន​សរសៃ​ឲ្យ​បាន​គ្រប់គ្រាន់​ទេ​។​ សរសៃ​មាននៅ​ក្នុង​ចំណី​ដូច​ជា​ធញ្ញជាតិ​ គ្រាប់​រុក្ខជាតិ​ ផ្លែ​ឈើ​ និង​បន្លែបង្កា​។​ បើសិនជា​កូន​របស់​លោក​អ្នក​បរិភោគ​របប​អាហារ​ដែល​សំបូរ​ទៅ​ដោយ​ខ្លាញ់​ ជាតិ​ស្ករ​ចម្រាញ់​(​ស្ករ​គ្រាប់​ បង្អែម​)​ នោះ​គេ​មិន​បាន​បរិភោគ​សរសៃ​ឲ្យ​បាន​គ្រប់គ្រាន់​ទេ​ ហើយ​អាច​មាន​ទល់លាមក​ហើយ​។

កូនលោក​អ្នក​ក៏​អាច​ទល់លាមក​បាន​ដែរ​នៅ​ពេល​ដែល​លោក​អ្នក​ចាប់ផ្តើម​ផ្លាស់​ប្តូរ​ពី​ការ​បំបៅ​ដោយ​ទឹកដោះ​ម្តាយ​ឲ្យ​ទៅ​បៅ​ទឹកដោះគោ​វិញ​ ឬ​ប្តូរ​ពី​ការ​ផ្តល់​ចំណីអាហារ​ទន់​ទៅ​ជា​ចំណីអាហារ​រឹង​វិញ​។​ ជួនកាល​កូន​របស់​លោក​អ្នក​អាច​ទល់លាមក​បន្ទាប់​ពី​បាន​ឈឺ​ ឬ​ប្រើប្រាស់​ឱសថ​ផ្សេងៗ​។​ លោក​អ្នក​មិន​ត្រូវ​បារម្ភ​ទេ​បើសិនជា​កូន​ទល់លាមក​តែ​ប៉ុន្មាន​ថ្ងៃ​។​ ការ​ទល់លាមក​តែងតែ​កើត​មាន​ចំពោះ​កុមារ​តែ​ដូច្នេះ​ ហើយ​អាច​បាត់​ទៅ​វិញ​ឯងៗ​។

កុមារ​តូចៗ​ដែល​មាន​ទល់លាមក​ធ្ងន់ធ្ងរ​មិន​បានដឹង​អំពី​ការ​ធ្វើ​ចលនា​របស់​ពោះវៀន​ទេ​។​ កុមារ​អាច​មិន​ចង់​ឈប់​លេង​ ឬ​ខ្លាច​ ឬ​ទើសទាល់​មិន​ហ៊ាន​ប្រាប់​គ្រូ​ ឬ​មិន​ចេះ​ប្រើប្រាស់​បង្គន់​សាធារណ​:​។​ កាលណា​កុមារ​ត​មិន​ព្រមទៅ​បន្ទោ​របង់​លាម​ទេ​នោះ​ លាមក​វា​ទៅ​ប្រមូលផ្តុំ​នៅ​ក្នុង​ពោះវៀនធំ​ ហើយ​ចាប់​កក​ធំ​ឡើងៗ​និង​រឹង​ទៅៗ​។​ ការ​បន្ទោរ​បង់អាច​មានការ​ឈឺចាប់​ ធ្វើ​ឲ្យ​កុមារ​មិន​ចង់ទៅ​បន្ទោ​របង់​លាមក​។​

តើ​ខ្ញុំ​អាច​ធ្វើ​អ្វី​បាន​កាលណា​កូន​ទល់លាមក​?

លោក​អ្នក​អាច​ធ្វើ​បាន​ច្រើន​យ៉ាង​ដើម្បី​ជួយ​កូន​របស់​លោក​អ្នក​។​

  1. របប​អាហារ​ អ្នក​អាច​ចាប់ផ្តើម​បង្កើន​បរិមាណ​ទឹក​ដែល​កូន​របស់​លោក​អ្នក​ផឹក​ក្នុង​១​ថ្ងៃៗ​។​  បើ​កូន​ធំ​ហើយ​ សូម​ជម្រុញ​ឲ្យ​គេ​ផឹកទឹក​ឲ្យ​បាន​ច្រើន​។​សូម​បន្ថយ​បរិមាណ​ស្ករ​គ្រាប់​និង​ចំណី​មាន​ជាតិ​ស្ករ​នៅ​ក្នុង​របប​អាហារ​របស់​កូនលោក​អ្នក​។​
  2. ការ​បង្រៀន​អំពី​ទម្លាប់​បន្ទោ​របង់​លាមក​ អ្នក​ត្រូវ​ណែនាំ​កូន​ឲ្យ​យល់​ដឹង​អំពី​ការ​បន្ទោ​របង់​ ហើយ​កុំ​ឲ្យ​បង្អែបង្អង់​ក្នុង​ការ​បន្ទោ​របង់​។​ ដើម្បី​បង្កើត​ទម្លាប់​នៅ​ក្នុង​ការ​បន្ទោ​របង់​ សូម​ឲ្យ​កូនលោក​អ្នក​អង្គុយ​លើ​បង្គន់​ឲ្យ​បាន​យ៉ាងតិច​១០​នាទី​ជា​រៀងរាល់ថ្ងៃ​ ជា​ពិសេស​ក្រោយ​ការ​បរិភោគ​ចំណីអាហារ​។​ ក្នុង​ពេល​អង្គុយ​លើ​បង្គន់​ អ្នក​អាច​ឲ្យ​កូន​អាន​សៀវភៅ​ឬ​ស្តាប់​វិទ្យុ​បាន​។​
  3. ឱសថ​ មាន​ឱសថ​បញ្ចុះលាមក​ជា​ច្រើន​សម្រាប់​ព្យាបាល​ការ​ទល់លាមក​របស់​កុមារ​។​ អ្នក​អាច​ជ្រើសរើស​យក​ឱសថ​ណាមួយ​អាស្រ័យ​ទៅ​តាម​អាយុ​របស់​កូន​ និង​ទៅ​តាម​សភាព​នៃ​ការ​ទល់លាមក​។​ សូម​សាកសួរ​គ្រូពេទ្យ​របស់​លោក​អ្នក​អំពី​ឈ្មោះ​និង​របៀប​ប្រើ​ឱសថ​។​
  4. ចាប់ផ្តើម​កម្មវិធី​លើកទឹកចិត្ត​ លើកទឹកចិត្ត​កូន​របស់​លោក​អ្នក​កាលណា​គេ​អង្គុយ​ចុះ​លើ​បង្គន់​។​ ឧទាហរណ៍​ ដាក់​កម្មវិធី​ឲ្យ​កូន​អង្គុយ​លើ​បង្គន់​តាម​កាលកំណត់​ រួច​ផ្តល់​រង្វាន់​លើកទឹកចិត្ត​ឲ្យ​។​ កាលណា​កូន​បន្ទោ​របង់​លាមក​រួច​ និយាយ​សរសើរ​ រួច​ឲ្យ​រង្វាន់​។​
  5. ​សូម​យក​កូន​របស់​លោក​អ្នក​ទៅ​ជួប​ជាមួយ​គ្រូពេទ្យ​កាលណា​ការ​ទល់លាមក​របស់​គេ​មិន​អន់​ថយ​ទេ​ ឬ​កាលណា​លោក​អ្នក​គិត​ថា​កូន​មាន​ទល់លាមក​ធ្ងន់ធ្ងរ​។​ ជួនកាល​ការ​ទល់លាមក​អាច​ជា​សញ្ញា​បញ្ជាក់​អំពី​លក្ខ​ណ្ឌ​ធ្ងន់ធ្ងរ​ខាង​សុខភាព​ណាមួយ​