Join with Health.com.kh on Telegram

​តើ​ថ្នាំ​ព្យាបាល​ជំងឺ​ផ្តាសាយ​ធម្មតា និង​ផ្តាសាយធំ តាមបែប​ធម្មជាតិ​ពិត​ជាមាន​ប្រសិទ្ធភាព​មែន​ទេ​?
​ខាងក្រោម​នេះ ឱសថ​ព្យាបាល​ជំងឺ​ផ្តាសាយ​តាមបែប​ធម្មជាតិ​ល្អ​បំផុត​៖

១.​ជាតិ​ទឹក​
​នៅពេលដែល​អ្នកមាន​ជាតិ​ទឹក រាងកាយ​របស់​អ្នកមាន​សមត្ថភាព​ធម្ម​ជាតិ ក្នុងការ​បាច​មេរោគ​ចេញពី​ប្រព័ន្ធ​រាងកាយ​របស់​អ្នក ។ ប៉ុន្តែ ចូរ​ពិគ្រោះ​ជាមួយ​គ្រូពេទ្យ​អំពី​តម្រូវការ​ជាតិ​ទឹក​ជាក់លាក់​របស់​អ្នក ព្រោះថា មនុស្ស​មួយចំនួន ដូចជា​អ្នក​ដែលមាន​ជំងឺខ្សោយបេះដូង គួរ​ផឹកទឹក​តិច​។

២.​វីតាមីន C
​ខណៈពេលដែល​វីតាមីន C មិន​ត្រូវបាន​បង្ហាញថា​អាច​ការពារ​រោគសញ្ញា​ផ្តាសាយ​បាន​, ការសិក្សា​មួយចំនួន​បានបង្ហាញ​ថា​វា​អាច​កាត់បន្ថយ​រយៈពេល​រស់រាន​នៃ​ជំងឺ​ផ្តាសាយ​បាន​។ លើសពីនេះទៅទៀត​វា​ជួយ​បង្កើន​សុខភាព​ទូទៅ​របស់​អ្នក​រួមទាំង​ប្រព័ន្ធ​ភាពស៊ាំ​របស់​អ្នក​។​
​ចូរ​ជ្រើស​យក ផ្លែក្រូច ជាជាង​ទឹកក្រូច ឬ​ថ្នាំ​គ្រាប់​បន្ថែម​។ ការប្រើ​វា​ច្រើនពេក​លើ​ថ្នាំ​គ្រាប់​វីតាមីន​សេ អាច​នាំឱ្យ​ក្រហាយ​ក្រពះ និង​គ្រួស​ក្នុង​តំរងនោម​។

៣.​គេង​
​វា​មាន​សារៈសំខាន់​ណាស់ ក្នុងការ​សម្រាក​ឱ្យបាន​ច្រើន​ក្នុង​រដូវ​ត្រជាក់ និង​ផ្តាសាយ​។ ការ​គេង​ជួយ​ឱ្យ​ប្រព័ន្ធ​ភាពស៊ាំ​របស់​អ្នក​ដំណើរការ​បានល្អ​បំផុត ដើម្បី​កម្ចាត់​មេរោគ និង​បាក់តេរី​អាក្រក់​។​

៤.​ទឹកឃ្មុំ​និង​តែ​
​វា​មាន​លក្ខណៈសម្បត្តិ​ប្រឆាំង​វីរុស​ធម្មជាតិ និង​ថ្នាំ​សំលាប់​មេរោគ​។ បន្ថែម​ទឹកឃ្មុំ ដែលជា​ជាតិ​ផ្អែម​ធម្មជាតិ (​ជ្រើស​រើសយក​ពូជ​ក្នុងស្រុក​នៅពេលដែល​អាច​ធ្វើទៅបាន​) ទៅ​ពែង​ខ្ញី ឬ​តែ​របស់​អ្នក ដើម្បី​បំបាត់​ការ​រមាស់​បំពង់ក និង​រក្សា​ជាតិ​ទឹក​។

៥.​ស៊ុប​មាន់​
​វត្ថុ​រាវ​ក្តៅ ដូចជា​ស៊ុប អាចជួយ​កាត់បន្ថយ​ការបង្កើត​ស្លេស និង​ធ្វើឱ្យ​អ្នកមាន​ជាតិ​ទឹក​។ ការសិក្សា​មួយ បាន​រកឃើញថា ស៊ុប​មាន់​មាន​លក្ខណៈ​ប្រឆាំងនឹង​ការ​រលាក ដែល​ជួយ​កាត់បន្ថយ​ផលប៉ះពាល់​មិនល្អ​របស់​ផ្តាសាយ​។

៦.​ងូតទឹក​ក្តៅ​
​ការ​ងូតទឹក​ក្ដៅ ឬ​សូ​ណា គឺជា​ការកំនត់​មួយ​ដ៏​អស្ចារ្យ​។ សញ្ញា​ព្រមាន​មួយ​៖ ប្រសិនបើ​អ្នក​វិលមុខ ឬ​ខ្សោយ​ពី​ជំងឺ​ផ្តាសាយ សូម​អង្គុយ​លើ​កៅអី​ក្នុង​បន្ទប់ទឹក របស់​អ្នក​ពេល​អ្នក​ងូតទឹក​ក្តៅ​។

៧.​ខ្ពុរមាត់​នឹង​ទឹកអំបិល​ក្តៅ​
​រំលាយ​អំបិល ១/២ ស្លាបព្រា​កាហ្វេ ក្នុង​ទឹក​ក្តៅ​ឧណ្ហៗ​មួយ​ពែង បន្ទាប់មក​យកទៅ​ខ្ពុរ ដើម្បី​បំបាត់​ការឈឺ​បំពង់ក​។

៨.​គេង​ជាមួយ​ខ្នើយ​បន្ថែម​
​ដើម្បី​ជួយ​ឱ្យ​ប្រហោង​ឆ្អឹង​របស់​អ្នក​ហូរ សូម​ដេក​ដោយ​ដាក់​បន្ថែម​ខ្នើយ​ឱ្យ​ខ្ពស់​បន្តិច នៅក្រោម​ក្បាល​របស់​អ្នក​៕