Join with Health.com.kh on Telegram

​ក្រៅពី​ជួយ​ឱ្យ​រាងកាយ​របស់​អ្នកមាន​សុខភាព​ល្អ ផ្លែ​ល្ហុង​ក៏​អាចជួយ​ឱ្យ​ស្បែក​របស់​អ្នក​មើលទៅ​ស្រស់បំព្រង និង​ក្មេង​ជាង​វ័យ​ផងដែរ​។​

​សកម្មភាព​រ៉ាឌីកាល់​សេរី​ហួស​កំរិត ត្រូវបាន​គេ​ជឿថា​ទទួលខុសត្រូវ​ចំពោះ​ភាព​ជ្រីវជ្រួញ​, យារ និង​ការខូចខាត​ស្បែក​ជាច្រើន​ទៀត ដែល​កើតឡើង​តាម​អាយុ​។

​វីតាមីន C និង លី​កូ​ប៉ែន (lycopene) នៅក្នុង​ផ្លែ​ល្ហុង​ការពារ​ស្បែក​របស់​អ្នក ហើយ​អាចជួយ​កាត់បន្ថយ​សញ្ញា​នៃ​ភាព​ចាស់​ទាំងនេះ​។​

​នៅក្នុង​ការស្រាវជ្រាវ​មួយ ការបន្ថែម​សារធាតុ​លី​កូ​ប៉ែន​រយៈពេល ១០-១២ សប្តាហ៍ បាន​ថយចុះ​ការឡើង​ក្រហម​នៃ​ស្បែក បន្ទាប់ពី​ការ​ប៉ះ​នឹង​កម្តៅ​ព្រះអាទិត្យ ដែលជា​សញ្ញា​នៃ​ការរង​របួស​ស្បែក ។

​ម្យ៉ាងវិញទៀត ស្ត្រី​វ័យ​ចំណាស់ ដែល​ទទួលទាន លី​កូ​ប៉ែន វីតាមីន C និង​សារធាតុ​ប្រឆាំង​អុកស៊ីតកម្ម​ដទៃទៀត លាយ​បញ្ចូល​គ្នា រយៈពេល ១៤​សប្តាហ៍ មានការ​កាត់បន្ថយ​ស្នាម​ជ្រួញ​លើ​ផ្ទៃមុខ ដែល​អាច​មើលឃើញ និង​អាច​វាស់វែង​បាន​។

​ក្រៅពី សារធាតុ​ប្រឆាំង​អុកស៊ីតកម្ម ដ៏​មាន​ឥទ្ធិពល​នៅក្នុង​ផ្លែ​ល្ហុង ដែល​អាចជួយ​ឱ្យ​ស្បែក​របស់​អ្នក​ងើបឡើង​វិញ​ពី​ការខូចខាត​ដោយ​ពន្លឺព្រះអាទិត្យ និង​អាច​ការពារ​ប្រឆាំងនឹង​ស្នាម​ជ្រួញ​ហើយ​នោះ ផ្លែ​ល្ហុង​ក៏​ផ្តល់​គុណប្រយោជន៍​យ៉ាងច្រើន​ចំពោះ​សុខភាព​ផងដែរ ដូចជា​៖
.​ធ្វើអោយ​ប្រសើរឡើង​នូវ​ការ​ទល់លាមក​។ គ្រាប់ និង​ផ្នែក​ផ្សេងទៀត​នៃ​រុក្ខជាតិ​នេះ ក៏ត្រូវ​បាន​គេ​ប្រើ​ដើម្បី​ព្យាបាល​ដំបៅ​ផងដែរ​។
.​ផ្លែ​ល្ហុង​មាន​ជាតិ carotenoids ខ្ពស់​ណាស់ ដែល​អាច​កាត់បន្ថយ​ការ​រលាក​។
.​មាតិកា​វីតាមីន C និង​លី​កូ​ប៉ែន​ខ្ពស់ របស់​ផ្លែ​ល្ហុង អាចជួយ​ពង្រឹង​សុខភាព​បេះដូង និង​អាច​កាត់បន្ថយ​ហានិភ័យ​នៃ​ជំងឺ​បេះដូង​។
.​សារធាតុ​ប្រឆាំង​អុកស៊ីតកម្ម​នៅក្នុង​ផ្លែ​ល្ហុង អាច​កាត់បន្ថយ​ហានិភ័យ​នៃ​ជំងឺមហារីក និង​ប្រហែលជា​អាចជួយ​ឱ្យ​ការវិវត្ត​នៃ​ជំងឺមហារីក​យឺត​។
.​ផ្លែ​ល្ហុង មាន​ឥទ្ធិពល​ប្រឆាំង​អុកស៊ីតកម្ម​ដ៏​មាន​ឥទ្ធិពល​ដែល​អាច​កាត់បន្ថយ​ស្ត្រេ​ស​អុកស៊ីតកម្ម និង​បន្ថយ​ហានិភ័យ​នៃ​ជំងឺ​មួយចំនួន​។
.​ផ្លែ​ល្ហុង មាន​វីតាមីន C និង A ក៏ដូចជា​ជាតិ​សរសៃ និង​សមាសធាតុ​រុក្ខជាតិ ដែលមាន​សុខភាព​ល្អ​។ វា​ក៏មាន​អង់ស៊ីម​មួយ​ហៅថា papain ដែល​ត្រូវបាន​ប្រើ​ដើម្បី​ធ្វើឱ្យ​សាច់​ដែល​ស្វិត​ឆាប់​ផុយ​៕​