​ក្នុងសម័យ​ការ​ភារូបនីយកម្ម និង​បចេ្ចកវិទ្យា​នេះ​សំពាធ​នៃ​ការងារ បញ្ហា​ផ្ទាល់ខ្លួន វិបត្តិ​ហិរញ្ញវត្ថុ វា​ជា​បញ្ហា​ប្រឈម​សំរាប់​មនុស្ស​ក្នុង​ជីវិត​ប្រចាំថ្ងៃ​។ ការ​តាំងសមាធិ បាន​ធ្វើអោយ​មាន​ភាព​ក​ធូរស្រាល​យ៉ាងច្រើន​ដែល​ជា​ហេតុផល​មួយ​ជំរុញ​អោយ​បុគ្គល​ទាំងឡាយ​ងាក​មក​រក​ការធ្វើ​លំ​ហាត់ប្រាណ​បែបនេះ​។​

​មាន​មនុស្ស​ជាច្រើន​បាន​យល់​ដឹង​ថា​ប្រាក់​តែ​ម្យ៉ាង​មិន​អាច​ផ្តល់អោយ​ពួកគេ​នូវ​សេចក្តីសុខ​ផ្នែក​ផ្លូវចិត្ត​បាន​ទេ​។ ដោយ​មាន​ការកើនឡើង​នៃ​ចំនួន​ប្រជាពលរដ្ឋ​ជា​សកល គឺ​វា​បាន​ជំរុញ​អោយ​ពួក​គេ​ងាក​ទៅ​រក​ដំណោះស្រាយ​មួយ​ស​មញ្ញដូចជា ការធ្វើ​យូ​ហ្គា ការ​ភាវនា បាន​នឹង​កំពុង​ជំរុញ​អោយ​មាន​ការចាប់​អារម្មណ៍ និង​ចូលរួម​ជាច្រើន ដើម្បី​មាន​សន្តិភាព​ក្នុង​ខ្លួន​។ ការធ្វើ​ភាវនា គឺជា​មធ្យោបាយ​មួយ​ដែល​ត្រូវបាន​គេ​មើលឃើញ​ថា​បាន​ផ្តល់​អត្ថប្រយោជន៍​ដល់​ជីវភាព​ប្រចាំថ្ងៃ​។​

​តើ​អ្វី​ជាការ​តាំងសមាធិ​?
​ការធ្វើ​តាំងសមាធិ គឺជា​ដំណើរការ​មួយ​ដែល​តំរូវ​អោយមាន​ការអនុវត្ត​ន៍ ជា​ជំ​ហ៊ាន រឺ​ជា​ដំណាក់កាល នៅក្នុង​រយះពេល​មួយ ដែល​អាច​នាំអោយ​អ្នក​ទទួលបាន​នូវ​កំរិត​មួយ​ដ៏​ខ្ពស់​នៃ​ការយល់ដឹង​អំពី ភាពស្ងប់ស្ងាត់ ភាពស្រស់ថ្លា និង​សុភមង្គល​ដ៏​ពិតប្រាកដ​។ ការធ្វើ​សមាធិ គឺ​ត្រូវបាន​អនុវត្ត​ក្នុង​បរិយាកាស​ដែល​សប្បាយរីករាយ អាច​កំចាត់​ចោល​នូវ​ភាពស្មុគស្មាញ ក្តីកង្វល់ និង​អារម្មណ៍​នៃ​ការបាត់បង់​។​

​របៀប​នៃ​ការធ្វើ​សមាធិ​
​អង្គុយ​ក្នុង​ទីតាំង​មួយ​ដែល​មាន​ផាសុខភាព ដោយ​រក្សា​ខ្លួន​អោយ​ត្រង់ និង​បិទ​ភ្នែក​។ ដកដង្ហើម​ធំ​អោយបាន​២ ឬ​៣​ដងដោយ​ផ្ចង់អារម្មណ៍​ទៅ​នឹង​ខ្ចល់​ដង្ហើម​ចេញចូល​។ ព្យាយាម​បង្កើត​អារម្មណ៍​មួយ​ហោះហើរ រសាត់អណ្តែត​តាម​វា​យោ នេះ​ជា​ចំនុច​មួយ​តែ​មួយគត់​ដែល​អ្នក​ត្រូវ​តែ​ផ្ចង់​អារម្មណ៍ ខ​ណះ​វា​ជា​វត្ថុបំណង​នៃ​ការធ្វើ​ភាវនា​។ អនុវត្ត អោយបាន​១០​នាទី​ជា​រៀងរាល់ថ្ងៃ ហើយ​បង្កើន​រយះ​ពេលនេះ​បន្តិច​ម្តងៗ​ដោយ​ថាមពល​។ នៅក្នុង​អំឡុងពេល​នៃ​ការអនុវត្ត​នេះ អារម្មណ៍​របស់​អ្នកនឹង ធ្វើដំណើរ​ទៅកាន់​រាប់ពាន់​កន្លែង សូម​កុំ​ព្រួយបារម្ភ​អោយសោះ​។ ឆាប់​ប៉ុណ្ណា​ដែល​អ្នក​មាន​អារម្មណ៍​បែបនេះ ចូល​នាំ​អារម្មណ៍​របស់​អ្នក​ដោយ​ផ្ចង់​ទៅកាន់​ខ្យល់​ដង្ហើម និង​រក្សា​អោយ​វា​បាន​នៅ​ទីនោះ​។​

​តើ​ការ​តាំងសមាធិ​បាន​ដើរតួនាទី​អ្វីខ្លះ​?

​វា​ត្រូវ​បាន​អនុវត្តន៍​ដោយ​មនុស្ស​គ្រប់​វ័យ​ទាំងអស់​។ តួនាទី​វា​ក្នុង​ជីវិត​ប្រចាំថ្ងៃ គឺជា​អ្នកសំរបសំរួល​នៃ​ដំណើរការ​សុភមង្គល​ផ្ទាល់ខ្លួន​ផ្នែក​រាងកាយ និង​អារម្មណ៍​។ វា​ក៏​អាច​ធ្វើអោយ​មនុស្ស​មាន​ភាព​រស់​រវើក​ក្នុង​ការប្រកប​មុខរប​រ​ប្រចាំថ្ងៃ​ក្នុង​កំរិត​មួយ​ដ៏​អស្ចារ្យ​។​

​ហេតុ​អ្វី​ចាំបាច់​ត្រូវ​ធ្វើការ​តាំងសមាធិ​?
​ជារឿយៗ​យើង​តែងតែ​ឃើញ​មនុស្ស​បណ្តែតបណ្តោយ​ខ្លួន​ទៅ​តាម​អារម្មណ៍​របស់​ខ្លួន​។ ការធ្វើ​សមាធិ នឹង​ផ្តល់អោយ​ពួកគេ​កំចាត់​ចោល​នូវ​ភាពកំសោយ​របស់​ពួកគេ​។ អំណាច​នៃ​ការគិត​វិជ្ជមាន​នឹង​ចូលមក​ជំនួស​ផ្នត់គំនិត​អវិជ្ជមាន​។ ការ​តាំងសមាធិ ជាប្រចាំ​នឹង​ធ្វើអោយ​មនុស្ស​ចាក​ឆ្ងាយ​ពី​អំពើហឹង្សា និង​យល់​ពី​តំលៃ​អត្ថន័យ​នៃ​ជីវិត​៕