Join with Health.com.kh on Telegram

​នេះ គឺជា​ការ​ពិនិត្យមើល​ឱ្យបាន​ដិតដល់​ទៅលើ​សារធាតុចិញ្ចឹម​ទាំង​បួន​នេះ តើ​អ្នកត្រូវការ​វា​ប៉ុន្មាន​?

​បរិមាណ​ជាក់លាក់​ប្រចាំថ្ងៃ​នៃ​សារធាតុចិញ្ចឹម​នីមួយៗ ផ្អែកលើ​ការទទួល​ទាន​កាឡូរី​ប្រចាំថ្ងៃ ដែល​ត្រូវបាន​ណែនាំ​សម្រាប់​បុរស និង​ស្ត្រី​ពេញវ័យ ដែល​មិន​ត្រូវការ​សម្រក​ទម្ងន់ ឬ​ឡើង​ទម្ងន់​។ ឧទាហរណ៍​:

.​ស្ត្រី​ដែលមាន​អាយុ​ពី ១៩ ទៅ ៥០ ឆ្នាំ​គួរតែមាន​គោលដៅ​សម្រាប់​កាឡូរី​ប្រចាំថ្ងៃ​ចំនួន ១.៨០០ ទៅ ២.០០០ ហើយ​ស្ត្រី​អាយុ ៥១ ឆ្នាំ​ឡើងទៅ ១.៦០០ កាឡូរី​។​
.​បុរស​ដែលមាន​អាយុ​ពី ១៩ ទៅ ៥០ ឆ្នាំ​គួរតែមាន​គោលដៅ​ពី ២.២០០ ទៅ ២.៤០០ កាឡូរី ហើយ​អ្នក​ដែលមាន​អាយុ ៥១ ឆ្នាំ​ឡើងទៅ ២.០០០ កាឡូរី​។

​ជាការ​ពិត​តម្រូវការ​កាឡូរី​ជាក់លាក់​អាស្រ័យ​លើ​បុគ្គល ប៉ុន្តែ​តួលេខ​ទាំងនេះ​ផ្តល់នូវ​ការប៉ាន់ស្មាន​សម​ហេតុផល​។​

​អាហារ​តែងតែ​ជា​ប្រភព​ចំណូលចិត្ត​ព្រោះ​វា​ផ្តល់ឱ្យ​អ្នក​នូវ​វីតាមីន និង​សារធាតុ​រ៉ែ​ចាំបាច់​ដទៃទៀត​សម្រាប់​សុខភាព​ល្អ​បំផុត​។ ទោះយ៉ាងណា​ក៏ដោយ​ប្រសិនបើ​អ្នកមាន​បញ្ហា​ក្នុងការ​ញ៉ាំ​អាហារ ដែល​បាន​ណែនាំ​សូម​ពិនិត្យ​ជាមួយ​គ្រូពេទ្យ​អំពី​ថា តើ​ថ្នាំ​គ្រាប់ គឺជា​ជម្រើស​មួយ​ដែរឬទេ​។​

​នៅទីនេះ យើង​នឹង​ប្រាប់​អ្នក​អំពី​សារធាតុចិញ្ចឹម​បួន​ដែល​រាងកាយ​ត្រូវការ​៖

-​កាល់ស្យូម​
.​បរិមាណ​៖ ស្ត្រី​ពី ១.០០០ ទៅ ១២០០ មី​លី​ក្រាម និង បុរស ១.០០០ មី​លី​ក្រាម​។​
តើ​យើង​អាចរ​កវា​បាន​នៅឯណា​? ទឹកដោះគោ​យ៉ា​អួ​គ្មាន​ខ្លាញ់ ៨ អោន (​ជាង​២២៦​ក្រាម​) មាន​កាល់ស្យូម ៤៨៨ មី​លី​ក្រាម​, ទឹកដោះគោ​មាន​ជាតិ​ខ្លាញ់​តិច ឬ​ទឹកដោះគោ​សណ្តែក ១ ពែង​មាន ៣០១ ទៅ ៣០៥ មី​លី​ក្រាម​, ស្ពៃ​ខ្មៅ​ឆ្អិន ១ ពែង មាន ២៤៥ មី​លី​ក្រាម​, តៅហ៊ូ ១/២ ពែង​មាន ៤៣៤ មី​លី​ក្រាម​។

-​ប៉ូ​តា​ស្យូ​ម
.​បរិមាណ​៖ ​ស្ត្រី​: 2.600 មី​លី​ក្រាម និង បុរស​: ៣.៤០០ មី​លី​ក្រាម​។​
តើ​អាចរ​កវា​នៅឯណា​? សណ្តែក​លី​ម៉ា​ឆ្អិន ១ ពែង​: ៩៦៩ មី​លី​ក្រាម​; ដំឡូងបារាំង​ស្ងួត ១ ដុំ ទាំង​សម្បក ៖ ៩២៦ មី​លី​ក្រាម ; ផ្លែ​ចេក​មធ្យម ១ : ៤៥១ មី​លី​ក្រាម​; ត្រី​ធូ​ណា ៣ អោន (​ប្រហែល​៨៥​ក្រាម​) ៖ ៤៤៤ មី​លី​ក្រាម​។

-​ជាតិ​សរសៃ​
.​បរិមាណ​៖ ស្ត្រី ២២ ទៅ ២៨ ក្រាម និង បុរស​: ២៨ ទៅ ៣៤ ក្រាម​។​
អាច​រកបាន​ឯណា​? ធញ្ញជាតិ​ស្រូវ​សាឡី ១ ពែង​: ៦,២ ក្រាម​; ពោត​ផ​ប់​ខន ៣ ពែង​៖ ៥,៨ ក្រាម​; ទឹកស៊ីអ៊ីវ ១/២ ពែង ឬ​សណ្តែក​ពណ៌​ស​៖ ៩,៣ ដល់ ៩,៦ ក្រាម​; ផ្លែ​ប៊ឺ​រី ១ ពែង (​រ៉ា​ស់​បឺ​រី​, ប្ល៊ែ​ក​បឺ​រី​, ប្ល៊ូ​បឺ​រី​)៖ ៦,២ ក្រាម​ទៅ ៨ ក្រាម​។

-​វីតាមីន D
.​បរិមាណ​៖ ស្ត្រី​និង​បុរស​អាយុ ៧០ ឆ្នាំ ឬ​តិចជាង​នេះ​៖ ខ្នាត​អន្តរជាតិ​ចំនួន ៦០០ (IU) ។ ស្ត្រី និង​បុរស​អាយុ ៧១ ឆ្នាំ​ឡើងទៅ​៖ ៨០០ IU​។​
​តើ​អាច​រកបាន​នៅឯណា​? ត្រី​សា​ម៉ុង ៣ អោន (​ប្រហែល​៨៥​ក្រាម​) មាន ៣៨៣ ដល់ ៥៧០ IU ; ត្រី​ធូ​ណា​កំប៉ុង​ចំនួន ៣ អោនៈ ២៣១ IU; ទឹកដោះគោ​សណ្តែក​គ្មាន​ជាតិ​ស្ករ ១ ពែង​៖ ១១៩ IU , ទឹកដោះគោ​១ ភាគរយ ១ ពែង ៖ ១១៧ IU; ទឹកដោះគោ​ជូរ គ្មាន​ជាតិ​ខ្លាញ់ ៨ អោន (​ជាង​២២៦​ក្រាម​) ៖ ១១៦ IU; ទឹកក្រូច​ពោធិ៍សាត់​១០០ ភាគរយ ១ កែវ ៖ ១០០ IU ៕​