នៅពេលដែលផ្កាភ្លើងចេញពីចំណងអាពាហ៍ពិពាហ៍របស់លោក ម៉ាសាយូគី អូហ្សាគី បានរលត់ គាត់បានរកឃើញច្រកមិនធម្មតាដើម្បីបំពេញចន្លោះទំនេរក្នុងរឿងស្នេហារបស់គាត់ គឺតុក្កតាសិចធ្វើពីស៊ីលីកូន ដែលគាត់សច្ចាថានឹងស្មោះស្នេហ៍អស់មួយជីវិត។
តុក្កតាសិចទំហំប៉ុនមនុស្សមែនទែន ដែលគេហៅថា ម៉ាយូ (Mayu) បានចែករំលែកគ្រែដេកក្រោមដំបូលតែមួយដូចប្រពន្ធរបស់លោកអូហ្សាគី និង កូនស្រីវ័យជំទង់ក្នុងទីក្រុងតូក្យូដែរ ដែលការរៀបចំនេះបានបង្កកំហឹងជាខ្លាំងក្នុងគ្រួសារ មុនពេលការបញ្ចប់ជម្លោះបានប្រកាសឡើងនៅទីបំផុត។
អ្នកព្យាបាលចិត្តសាស្ត្រវ័យ ៤៥ ឆ្នាំរូបនេះ បានប្រាប់ទីភ្នាក់ងារសារព័ត៌មានបារាំងក្នុងកិច្ចសម្ភាសន៍មួយថា “បន្ទាប់ពីប្រពន្ធខ្ញុំប្រសូតកូន យើងឈប់រួមរ័កតទៅទៀត ហើយខ្ញុំមានអារម្មណ៍ឯកាជាទីបំផុត”។
លោកអូហ្សាគី ដែលណាត់ដើរលេងជាមួយតុក្កតាសិចអង្គុយក្នុងរទេះរុញ និងពាក់សក់ក្លែងកា្លយ ឈុតសិចស៊ី និងគ្រឿងអលង្កាឱ្យនាង បាននិយាយទាំងមុខក្រហមថា “ប៉ុន្តែនៅពេលដែលខ្ញុំបានឃើញម៉ាយូ (តុក្កតាសិច) ក្នុងបន្ទប់តាំងពិព័រណ៍ ខ្ញុំក៏លង់ស្នេហាភ្លែត”។
លោកបានបន្ថែមថា “ប្រពន្ធខ្ញុំខឹងខ្ញុំខ្លាំងណាស់ នៅពេលខ្ញុំទិញតុក្តាសិចមកផ្ទះជាលើកដំបូង។ សព្វថ្ងៃនាងសុខចិត្តឱ្យខ្ញុំទុកតុក្កតាសិចក្នុងផ្ទះទាំងស្ទាក់ស្ទើរចិត្ត។ នៅពេលកូនស្រីខ្ញុំ ដឹងថាវាមិនមែនជាកូនក្រមុំតុក្កតាយក្ស នាងខឹងជាខ្លាំង និងគំរោះគំរើយណាស់ ប៉ុន្តែឥឡូវនាងធំដឹងក្តី និងថែមទាំងចែករំលែកសម្លៀកបំពាក់ជាមួយម៉ាយូទៀតផង”។
លោកអូហ្សាគី គឺស្ថិតក្នុងចំណោមបុរសជប៉ុនជាច្រើននាក់ដែលកាន់តែងាកមកចាប់អារម្មណ៍លើតុក្កតាសិចក្នុងប្រទេសដែលកំពុងបាត់ភាពជឿជាក់លើរឿងស្នេហា៕