វាជាការប្រសើរបំផុត ដែលអ្នកអាចឲ្យកូនរបស់អ្នក ញ៉ាំអាហារទៅតាមអាយុកាលរបស់គេ។ ប្រសិនបើអ្នកទើបក្លាយជាម្តាយរបស់គេ ការប្រឹក្សាយោបល់ជាមួយគ្រូពេទ្យជំនាញ អំពីរបបអហារកូនរបស់អ្នក គឺជារឿងចាំបាច់បំផុត។
យ៉ាងណាមិញ ថ្ងៃនេះ យើងខ្ញុំនឹងបង្ហាញបងប្អូន អំពីអ្វីដែលកូនរបស់អ្នកគួរតែញ៉ាំ ៖
- ខែទី ១ ទឹកដោះម្តាយ ត្រូវតែជាអាហារដំបូងគេរបស់ទារក ហើយហាមដាច់ខាត ការផ្តល់អាហាររឹងៗ ឲ្យកូនរបស់អ្នកញ៉ាំ
- ខែទី ២ ត្រូវបំបៅកូនដោយទឹកដោះម្តាយ ឲ្យបានពី ៧ ទៅ ៨ ដងក្នុងមួយថ្ងៃ
- ខែទី ៣ ទឹកដោះម្តាយ នៅតែជាជម្រើសដ៏ល្អបំផុត
- ខែទី ៤ ទឹកផ្លែឈើស្រស់ អាចឲ្យញ៉ាំបានតិចតួច ប៉ុន្តែ ត្រូវសាកសួរវេជ្ជបណ្ឌិតរបស់អ្នកសិន
- ខែទី ៥ តិចៗ អ្នកអាចចាប់ផ្តើម ឲ្យកូនញ៉ាំអាហាររឹងល្មមៗបានខ្លះ ដូចជា ដំឡូង ចេក ប៉ោម និងគ្រាប់ធញ្ញជាតិជាដើម ប៉ុន្តែ ក៏ត្រូវសួរគ្រូពេទ្យរបស់អ្នកដែរ
- ខែទី ៦ បើកូនមិនព្រមញ៉ាំអាហារអ្វីទេ កុំបង្ខំគេអី ពីព្រោះ ទឹកដោះម្តាយ គឺគ្រប់គ្រាន់សម្រាប់គេហើយ
- ខែទី ៧ អ្នកអាចឲ្យគេញ៉ាំបាយទន់ៗ បបរគ្រប់គ្រឿង ទឹកដោះគោជូរ និងផ្លែឈើកិនបានហើយ
- ខែទី ៨ ទៅទី ៩ បាយ បបរគ្រប់គ្រឿង បន្លែ ផ្លែឈើ និងទឹកដោះគោជូរ
- ខែទី ១០ ទៅទី ១២ គេអាចញ៉ាំអាហារបានច្រើនប្រភេទ ជាពិសេស គឺផ្លែឈើតាមរដូវ៕
របបអាហារសម្រាប់កូនរបស់អ្នក ចាប់ពីខែទី ១ ដល់ខែទី ១២
