ខួរក្បាល និងការលូតលាស់របស់កូន អាស្រ័យទៅលើការមើលថែទាំ ការអប់រំ ការស្រឡាញ់ ការថ្នាក់ថ្នម និងគុណភាពជីវិត និងគ្រួសាររបស់អ្នក។
ការផ្លាស់ប្តូរជាច្រើននឹងកើតឡើង ទាំងរូបរាងកាយ ប្រាជ្ញា និងផ្លូវចិត្តរបស់ទារក។ គ្រប់ពេលវេលា កូនរបស់អ្នកនឹងរៀនសូត្របន្តិចម្តងៗ ដូច្នេះ អ្នកគួរតែចេះអំពីវិធីសាស្ត្រចិញ្ចឹម និងអប់រំកូន។
១. ពេលកូនយំ អ្នកត្រូវរត់ទីជិតកូន អោបកូន អង្អែលកូន ហើយរកមូលហេតុ និងអ្វីដែលកូនចង់បាន ដើម្បីធ្វើឲ្យគេមានអារម្មណ៍សុវត្ថិភាព និងបង្កើតភាពវិជ្ជមាននៅក្នុងខួរក្បាលរបស់គេ។
២. ឲ្យកូនរបស់អ្នកលូន ដើរ ឬធ្វើអ្វីដែលគេចង់ ដើម្បីឲ្យគេរៀនសូត្រ និងហ្វឹកហាត់សមត្ថភាពខ្លួនឯង ប៉ុន្តែ ត្រូវប្រាកដថា អ្នកនៅក្បែរកូនជានិច្ច។
៣. យូរៗម្តង អ្នកគួរតែម៉ាស្សាឲ្យកូនរបស់អ្នក ដើម្បីជួយឲ្យគេធូរស្រាល បាត់ស្ត្រេស និងផ្តល់ភាពកក់ក្តៅដល់ពួកគេ។
៤. ចំណាយពេលវេលាលេងល្បែងកំសាន្ត និងធ្វើឲ្យកូនសើចឲ្យបានច្រើន។
៥. ធ្វើការងារស្រាលៗជាមួយគ្នា ដើម្បីបង្កើនភាពស្និទ្ធស្នាល និងជួយឲ្យកូនរបស់អ្នក មានការរីកលូតលាស់បានល្អ៕