បញ្ហាមុនមានហូរឈាមមិនពិបាកនឹងដោះស្រាយឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណាទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗដោះស្រាយបញ្ហានេះ ៖
១. ដុំទឹកកក
អ្វីដែលអ្នកត្រូវធ្វើ គឺគ្រាន់តែប្រើប្រាស់ក្រណាត់ស្អាតស្ដើងមួយរុំដុំទឹកកក និងទប់សង្កត់វាថ្នមៗលើមុនដែលកំពុងចេញឈាម។ ត្រឹមរយៈពេលតែប៉ុន្មានវិនាទីប៉ុណ្ណោះ ឈាមនឹងឈប់ហូរ។
២. ទឹកអំបិល
ដើម្បីទប់ស្កាត់ការឆ្លងមេរោគអ្នកគួរប្រញាប់លាងសម្អាតមុនដែលកំពុងហូរឈាមជាមួយទឹកអំបិល។ អ្វីដែលអ្នកត្រូវធ្វើ គឺគ្រាន់តែលាយអំបិល ១ស្លាបព្រាកាហ្វេជាមួយទឹកធម្មតា ៤ស្លាបព្រាបាយ។ កូររហូតអំបិលរលាយអស់សឹមប្រើប្រាសបន្ទះសំឡីជ្រលក់ក្នុងល្បាយនិងបិតលើមុន។
៣. ទឹកឃ្មុំ
អ្វីដែលអ្នកត្រូវធ្វើ គឺគ្រាន់តែលាបទឹកឃ្មុំលើមុនដែលកំពុងចេញឈាមជាការស្រេច។ រងចាំសម្រាប់រយៈពេល ២០នាទី សឹមលាងសម្អាតចេញជាមួយទឹកត្រជាក់។ កុំភ្លេចជូតផ្ដិតថ្នមៗត្រង់តំបន់ស្បែកដែលមានបញ្ហាឱ្យស្ងួតស្អាតផង។
៤. ប្រទាលកន្ទុយក្រពើ
លាយជែលប្រទាលកន្ទុយក្រពើស្រស់លើមុនដែលកំពុងចេញឈាមជាការស្រេច។ អនុវត្តជាប្រចាំរហូតដល់មុនជាសះស្បើយតែម្ដង។
៥. ដំឡូងបារាំង
ហាន់ដំឡូងបារាំង ១បន្ទះតូច រួចបិតលើមុនដែលកំពុងហូរឈាម។ រងចាំសម្រាប់រយៈពេលប៉ុន្មាននាទីជាការស្រេច៕