ប្រសិនជាអ្នកចង់សម្រាលតាមបែបធម្មជាតិ ហើយមិនចង់វះ អ្នកអាចអនុវត្តតាមការហាត់ប្រាណមួយចំនួនខាងក្រោមនេះ នោះវានឹងជួយអ្នកឲ្យសម្រាលតាមបែបធម្មជាតិជាមិនខានឡើយ។ តើមានចលនាអ្វីខ្លះទៅ?
- អ្នកអាចហែលទឹកបាន ព្រោះវាអាចជួយបំបាត់អាការៈហើម។ ម្យ៉ាងទៀតវាក៏អាចជួយធ្វើឲ្យបេះដូង និងសួតអ្នកដើរបានស្រួលដែរ។ ជាងនេះទៅទៀតវានឹងជួយធ្វើឲ្យអ្នកមានចិត្តអំណត់ នោះនៅពេលដែលអ្នកសម្រាលតាមធម្មជាតិ ទោះបីជាឈឺយ៉ាងណាក៏អ្នកអាចទ្រាំបានដែរ។
- អ្នកក៏អាចហាត់តាមចលនាដែលគេបានរៀបចំឡើងមួយចំនួនសម្រាប់ស្ត្រីមានផ្ទៃពោះហាត់ដែរ ព្រោះក្រោយពេលដែលអ្នកហាត់រួច វានឹងជួយអ្នកនៅពេលដែលសម្រាល និងក្រោយពេលដែលសម្រាល។ ម្យ៉ាងទៀតវាក៏អាចជួយបំបាត់អាការៈឈឺចង្កេះនៅពេលដែលពោះអ្នកកាន់តែធំដែរ។ វាក៏អាចជួយធ្វើឲ្យកូនឆាប់កើតចេញមកដោយមិនបាច់ឈឺពោះយូរនោះទេ និងជួយអ្នកឲ្យមានជំនឿចិត្តចំពោះខ្លួនឯង។
- នៅចន្លោះពេលដែលអ្នកមានផ្ទៃពោះ ការដើរហាត់ប្រាណនេះពិតជាល្អ និងស័ក្តិសមសម្រាប់អ្នកម្តាយគ្រប់រូបណាស់ ព្រោះវាអាចជួយអ្នករំលាយអាហារបានល្អ។ ម្យ៉ាងទៀតឈាមអ្នកនឹងដើរបានស្រួល ហើយអ្នកក៏មានចិត្តអំណត់ធ្ងន់ដែរ។ ប៉ុន្តែអ្នកមិនអាចដើរច្រើនហួសកំណត់នោះទេ ព្រោះវាអាចប៉ះពាល់ដល់សុខភាពអ្នកបាន៕