អស្ចារ្យមែន! ស្មានមិនដល់សោះថា “ផ្នែកពណ៌លឿងនៃស៊ុត” អាចយកមកប្រើបែបនេះជួយសម្រស់

ភាគច្រើននៃពួកយើងសុទ្ធតែដឹងពីអត្ថប្រយោជន៍របស់ស៊ុតចំពោះសុខភាព ប៉ុន្តែប្រហែលជាមិនចាប់អារម្មណ៍ពីផលល្អៗរបស់វាទៅលើសម្រស់ឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើស៊ុតល្អអ្វីខ្លះទៅចំពោះសម្រស់? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗប្រើប្រាស់ផ្នែកពណ៌លឿងនៃស៊ុតដើម្បីរក្សាសម្រស់ ៖

១. ជួយឱ្យស្បែកសជាងមុនបែបធម្មជាតិ

អ្វីដែលអ្នកត្រូវធ្វើ គឺគ្រាន់តែលាយទឹកឃ្មុំឆៅ ១ស្លាបព្រាបាយជាមួយប្រេងអូលីវសុទ្ធ ១ស្លាបព្រាបាយនិងផ្នែកពណ៌លឿងនៃស៊ុតមួយគ្រាប់ឱ្យសព្វចូលគ្នា។ ជាដំបូងត្រូវលាងសម្អាតមុខឱ្យស្អាតជាមួយទឹកជាមុនសិន បន្ទាប់មកប្រើប្រាស់កន្សែងស្អាតជូតផ្ដិតមុខថ្នមៗឱ្យស្ងួត រួចសឹមប្រើប្រាស់ល្បាយដែលបានលាយលាបម៉ាស្សាលើស្បែកមុខ។ រងចាំសម្រាប់រយៈពេលពី ១៥ ទៅ ២០នាទី ឬរហូតដល់ស្ងួត សឹមលាងសម្អាតចេញជាមួយទឹកក្ដៅឧណ្ហៗជាការស្រេច។ អនុវត្តឱ្យបាន ២ដងក្នុងមួយសប្តាហ៍។

២. បង្រួមរន្ធញើស

អ្វីដែលអ្នកត្រូវធ្វើ គឺគ្រាន់តែលាយផ្នែកពណ៌លឿងនៃស៊ុតជាមួយប្រេងអូលីវបន្តិច។ កូរឱ្យសព្វ សឹមលាបស្ដើងៗលើផ្ទៃមុខកន្លែងដែលមានរន្ធញើសធំ។ ទុកចោលសម្រាប់រយៈពេលពី ១០ ទៅ ១៥ នាទីសិន សឹមលាងសម្អាតចេញជាមួយទឹកត្រជាក់។

៣. បន្តឹងស្បែកតាមបែបធម្មជាតិ

អ្វីដែលអ្នកត្រូវធ្វើ គឺគ្រាន់តែលាយផ្នែកពណ៌សនៃស៊ុតជាមួយទឹកឃ្មុំ។ បន្ទាប់មកលាបម៉ាស្សាល្បាយលើស្បែកមុខនិងរងចាំរហូតដល់ស្ងួតសិន សឹមលាងសម្អាតចេញ។

៤. កម្ចាត់មុន

អ្វីដែលអ្នកត្រូវធ្វើ គឺគ្រាន់តែលាយផ្នែកពណ៌លឿងមួយគ្រាប់ជាមួយទឹកឃ្មុំបន្តិច។ កូរឱ្យសព្វ សឹមលាបលើផ្ទៃមុខកន្លែងដែលមានបញ្ហា។ ទុកចោលសម្រាប់រយៈពេល ១ ម៉ោង សឹមលាងសម្អាតចេញ។

៥. ជួយឱ្យស្បែកទន់រលោង

លាយផ្នែកពណ៌លឿងនៃស៊ុតមួយគ្រាប់ជាមួយប្រេងអូលីវ។ កូរឱ្យសព្វ សឹមលាបលើជង្គង់ កែងដៃ និងផ្នែកផ្សេងទៀតនៃរាងកាយដែលមានស្បែករឹងៗគ្រើមៗ។ ទុកចោលសម្រាប់រយៈពេល ៣០ នាទី សឹមលាងសម្អាតចេញ។

៦. បន្ថយស្នាមជ្រីវជ្រួញ

អ្វីដែលអ្នកត្រូវធ្វើ គឺគ្រាន់តែលាយផ្នែកពណ៌លឿងនៃស៊ុតជាមួយចេកទុំ។ កិនឱ្យសព្វចូលគ្នា សឹមលាបលើផ្ទៃមុខធ្វើជាម៉ាស។ រងចាំសម្រាប់រយៈពេល ១៥ នាទី សឹមលាងសម្អាតចេញជាមួយទឹកក្ដៅឧណ្ហៗ។

៧. ព្យាបាលសក់បែកចុង

អ្វីដែលអ្នកត្រូវធ្វើ គឺគ្រាន់តែលាយផ្នែកពណ៌លឿងនៃស៊ុតមួយគ្រាប់ជាមួយប្រេងដូង រួចលាបលើចុងនៃសក់។ ទុកចោលសម្រាប់រយៈពេល ១ ម៉ោងសឹមងូតទឹក។

៨. ពង្រឹងសុខភាពសក់និងបង្កើនសម្រស់

ប្រសិនបើមិនសប្បាយចិត្តនឹងសក់ដែលមិនភ្លឺរលោងមានទម្ងន់ទេនោះ កុំរំលងផ្នែកពណ៌លឿងនៃស៊ុត! អ្វីដែលអ្នកត្រូវធ្វើ គឺមុនពេលងូតទឹកកក់សក់ ចូរម៉ាស្សាផ្នែកពណ៌លឿងនៃស៊ុតដែលលាយជាមួយប្រេងដូងលើសក់និងស្បែកក្បាលសម្រាប់រយៈពេលពី ២ ទៅ ៣ នាទី។ រូបមន្តនេះក៏សាកសមសម្រាប់ដោះស្រាយបញ្ហាអង្គែផងដែរ។

៩. សម្រាប់ដោះស្រាយបញ្ហាអង្គែ

អ្វីដែលអ្នកត្រូវធ្វើ គឺគ្រាន់តែលាយផ្នែកពណ៌លឿងនៃស៊ុតពី ១ ទៅ ២ គ្រាប់ ជាមួយផ្លែបឺរម្ខាងក្នុងម៉ាស៊ីនកិនក្រឡុក។ ក្រោយពេលកិនក្រឡុកចូលគ្នាសព្វ សឹមប្រើប្រាស់ល្បាយលាបលើសក់ និងរងចាំសម្រាប់រយៈពេល ៣០នាទី។ លាងសម្អាតចេញជាមួយត្រជាក់ និងកុំភ្លេចកក់សក់ជាមួយសាប៊ូដូចពេលធម្មតា។

១០. ទប់ស្កាត់សក់ជ្រុះ

អ្វីដែលអ្នកត្រូវធ្វើ គឺគ្រាន់តែលាយតែបៃតង ២ ស្លាបព្រាបាយជាមួយផ្នែកពណ៌លឿងនៃស៊ុត ១ គ្រាប់។ កូរឱ្យសព្វ សឹមលាបល្បាលលើស្បែកក្បាលនិងសក់។ ទុកចោលសម្រាប់រយៈពេល ១ ម៉ោង សឹមកក់លាងសម្អាតចេញតាមក្រោយជាមួយសាប៊ូកម្រិតស្រាល។ អនុវត្តឱ្យបាន ៣ ដងក្នុងមួយសប្តាហ៍៕